ಯಾವ ದೇಶದಲ್ಲಿ ಯಾವ ಸ್ಮಾರ್ಟ್‌ಫೋನ್ ಸಂಸ್ಥೆ 'ನಂಬರ್‌ ಒನ್‌' ಗೊತ್ತಾ?

ಹೌದು, ವಿಶ್ವದ ಇತರೆ ರಾಷ್ಟ್ರಗಳಲ್ಲಿಯೂ ಮೊಬೈಲ್ ಕ್ಷೇತ್ರದಲ್ಲಿ ಪೈಪೋಟಿ ಇದ್ದು, ಕೇಲವು ರಾಷ್ಟ್ರಗಳಲ್ಲಿ ಚೀನಾ ಆಪಲ್, ಹುವಾವೆ ಮತ್ತು ಸ್ಯಾಮ್‌ಸಂಗ್ ಕಂಪನಿಗಳು ಮುಂಚೂಣಿಯಲ್ಲಿವೆ. ಇನ್ನೂ ಕೆಲವು ರಾಷ್ಟ್ರಗಳಲ್ಲಿ ಚೀನಾ ಮೂಲದ ಶಿಯೋಮಿ, ಒಪ್ಪೊ, ವಿವೋ ಮತ್ತು ರಿಯಲ್ ಮಿ ಕಂಪನಿಗಳು ಜನಪ್ರಿಯತೆಯನ್ನು ಪಡೆದಿವೆ. ಹಾಗಾದರೇ ಯಾವ ರಾಷ್ಟ್ರದಲ್ಲಿ ಯಾವ ಸ್ಮಾರ್ಟ್‌ಫೋನ್ ಬ್ರ್ಯಾಂಡ್‌ ನಂಬರ್ ಒನ್‌ ಆಗಿದೆ ಎನ್ನುವುದನ್ನು ತಿಳಿಯಲು ಮುಂದೆ ಓದಿರಿ.

ಯುಎಸ್‌

ಯುಎಸ್‌ ರಾಷ್ಟ್ರದಲ್ಲಿ ಆಪಲ್ ಸಂಸ್ಥೆಯ ಐಫೋನ್‌ಗಳು ಮುಂಚೂಣಿಯಲ್ಲಿದ್ದು, ಆಪಲ್ ನಂತರದ ಸ್ಥಾನದಲ್ಲಿ ಸ್ಯಾಮ್‌ಸಂಗ್ ಸ್ಮಾರ್ಟ್‌ಫೋನ್‌ಗಳು ಗುರುತಿಸಿಕೊಂಡಿವೆ. ಹಾಗೆಯೇ ಎಲ್‌ಜಿ ಮತ್ತು ಮೊಟೊರೊಲಾ ಸಂಸ್ಥೆಗಳು ಸಹ ಲೀಡ್‌ನಲ್ಲಿವೆ.

ಕೆನಡಾ

ಕೆನಡಾದಲ್ಲಿಯೂ ಆಪಲ್ ಸಂಸ್ಥೆ ನಂಬರ್ ಒನ್ ಸ್ಥಾನದಲ್ಲಿದೆ. ಇದರೊಂದಿಗೆ ಕೆನಡಾ ಮಾರುಕಟ್ಟೆಯಲ್ಲಿ ಸ್ಯಾಮ್‌ಸಂಗ್ ಮತ್ತು ಹುವಾವೆ ಬ್ರ್ಯಾಂಡ್‌ಗಳು ಗ್ರಾಹಕರನ್ನು ಸೆಳೆದಿವೆ. ಚೀನಾ ಮೂಲದ ಅಬ್ಬರ ಇಲ್ಲಿ ಕಡಿಮೆ ಎನ್ನಬಹುದು.

ಪಾಕಿಸ್ತಾನ

ಪಾಕಿಸ್ತಾನ್ ರಾಷ್ಟ್ರದಲ್ಲಿ ಸ್ಯಾಮ್‌ಸಂಗ್ ಸ್ಮಾರ್ಟ್‌ಫೋನ್‌ಗಳು ಅಗ್ರಸ್ಥಾನದಲ್ಲಿ ಗುರುತಿಸಿಕೊಂಡಿದ್ದು, ಆನಂತರದಲ್ಲಿ ಹುವಾವೆ ಸ್ಥಾನ ಪಡೆದಿದೆ. ಇನ್ನುಳಿದಂತೆ ಚೀನಾ ಮೂಲದ ಒಪ್ಪೊ, ಮೊಟೊರೊಲಾ ಉತ್ತಮ ಜನಪ್ರಿಯತೆ ಗಳಿಸಿವೆ.

ಆಸ್ಟ್ರೇಲಿಯಾ

ಸ್ಯಾಮ್‌ಸಂಗ್ ಸ್ಮಾರ್ಟ್‌ಫೋನ್ ಬ್ರ್ಯಾಂಡ್‌ ಆಸ್ಟ್ರೇಲಿಯಾದ ಮಾರುಕಟ್ಟೆಯಲ್ಲಿ ಅಗ್ರಪಟ್ಟ ಧರಿಸಿದೆ. ಸ್ಯಾಮ್‌ಸಂಗ್ ನಂತರದ ಸ್ಥಾನದಲ್ಲಿ ಆಪಲ್ ಐಫೋನ್‌ ಮತ್ತು ಹುವಾವೆ ಸ್ಮಾರ್ಟ್‌ಫೋನ್‌ಗಳು ಗುರುತಿಸಿಕೊಂಡಿವೆ.

ಥೈಲ್ಯಾಂಡ್

ಥೈಲ್ಯಾಂಡ್ ರಾಷ್ಟ್ರದಲ್ಲಿ ಚೀನಾ ಮೂಲದ ಒಪ್ಪೊ ಸ್ಮಾರ್ಟ್‌ಫೋನ್ ಸಂಸ್ಥೆಯು ನಂಬರ್ ಒನ್ ಸ್ಥಾನ ಪಡೆದಿದೆ. ಹಾಗೆಯೇ ಒಪ್ಪೊ ನಂತರದ ಸ್ಥಾನದಲ್ಲಿ ಆಪಲ್ ಮತ್ತು ಸ್ಯಾಮ್‌ಸಂಗ್ ಸಂಸ್ಥೆಗಳು ಮಾರುಕಟ್ಟೆಯಲ್ಲಿ ಜನಪ್ರಿಯತೆ ಗಳಿಸಿವೆ.

ಯುಕೆ

ಯುಕೆ ರಾಷ್ಟ್ರದಲ್ಲಿಯೂ ಆಪಲ್ ನಂಬರ್ ಒನ್‌ ಸ್ಥಾನದಲ್ಲಿಯೇ ಗುರುತಿಸಿಕೊಂಡಿದೆ. ಆಪಲ್ ಸಂತರದಲ್ಲಿ ಸ್ಯಾಮ್‌ಸಂಗ್ ಮತ್ತು ಹುವಾವೆ ಸಂಸ್ಥೆಗಳು ಮಾರುಕಟ್ಟೆಯಲ್ಲಿ ಗುರುತಿಸಿಕೊಂಡಿವೆ. ಚೀನಾದ ಹವಾ ಇಲ್ಲಿ ಬಹುತೇಕ ಕಡಿಮೆ.