ಸೌದಿಯಲ್ಲಿ ನಿರ್ಮಾಣವಾಗುತ್ತಿದೆ 1 ಕಿಮೀ ಎತ್ತರದ ಕಟ್ಟಡ!

By Ashwath

Updated: Monday, April 21, 2014, 11:16 [IST]

ಒಂದು ಕಿಮೀ ಎತ್ತರದ ವಿಶ್ವದಲ್ಲೇ ಅತಿ ಎತ್ತರದ ಟವರ್ ಸೌದಿ ಅರೇಬಿಯಾದಲ್ಲಿ ನಿರ್ಮಾಣಗೊಳ್ಳಲಿದೆ.ಈಗಾಗಲೇ ದುಬೈಯಲ್ಲಿರುವ ವಿಶ್ವದ ಅತಿ ಎತ್ತರದ ಕಟ್ಟಡ ಎಂದು ಪ್ರಖ್ಯಾತಿಯನ್ನು ಪಡೆದಿರುವ ಬುರ್ಜ್‌‌ ಎತ್ತರವನ್ನು ಮೀರಿಸುವ 'ಕಿಂಗ್‌‌ಡಂ ಟವರ್‌' ಜೆಡ್ಡಾದಲ್ಲಿ ನಿರ್ಮಾಣವಾಗುತ್ತಿದೆ.

ಕಿಂಗ್‌‌ಡಂ ಟವರ್‌ 6,330 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಾ‌‌ಣಗೊಳ್ಳುತ್ತಿದ್ದು,63 ತಿಂಗಳಲ್ಲಿ ಪೂರ್ಣ‌ಗೊಳ್ಳಲಿದೆ ಎಂದು ಇದರ ನಿರ್ಮಾ‌ಣವನ್ನು ಕೈಗೊಂಡಿರುವ ಕಿಂಗ್‌ಡಂ ಹೋಲ್ಡಿಂಗ್ ಕಂಪೆನಿ ತಿಳಿಸಿದೆ.

ಸೌದಿ ಅರೇಬಿಯಾದ ಯುವರಾಜ ಅಲ್‌ ವಲೀದ್‌ ಬಿನ್‌ ತಲಾಲ್‌ 2008ರಲ್ಲಿ ವಿಶ್ವಾದ್ಯಂತ ಆರ್ಥಿಕ ಹಿಂಜರಿತ ಕಾಣಿಸಿಕೊಂಡ ಸಂದರ್ಭದಲ್ಲಿ ಕೆಂಪು ಸಮುದ್ರದ ಬಂದರು ನಗರಿಯ ಉತ್ತರಕ್ಕೆ 'ಕಿಂಗ್‌ಡಂ ಸಿಟಿ' ಯೋಜನೆಯನ್ನು ಪ್ರಕಟಿಸಿದ್ದರು.ಈ ಯೋಜನೆಯ ಭಾಗವಾಗಿ ಈ ಕಿಂಗ್‌ಡಮ್‌ ಟವರ್‌ ನಿರ್ಮಾ‌ಣಗೊಳ್ಳುತ್ತಿದೆ.

ಒಟ್ಟು 200 ಮಳಿಗೆಗಳ ವಾಣಿಜ್ಯ ಸಂಕೀರ್ಣ‌ದಲ್ಲಿ ಅಪಾರ್ಟ್‌ಮೆಂಟ್‌,ಹೋಟೆಲ್‌, ಐಷಾರಾಮಿ ಮನೆ ಹಾಗೂ ಕಚೇರಿಗಳು ಇರಲಿದೆ.160 ಮಹಡಿಗಳನ್ನು ವಸತಿಗೆ ಮೀಸಲಿಡಲಾಗುತ್ತದೆ. 2013 ಡಿಸೆಂಬರ್‌ನಲ್ಲಿ ಅಡಿಪಾಯ ಹಾಕುವ ಕಾಮಗಾರಿ ಆರಂಭವಾಗಿದ್ದು,ನೆಲಮಟ್ಟದಿಂದ ಕಟ್ಟಡ ನಿರ್ಮಾಣ ಕಾಮಗಾರಿ ಕೆಲಸ ಏ.27ರಿಂದ ಶುರುವಾಗಲಿದೆ.

ಮುಂದಿನ ಪುಟದಲ್ಲಿ ಈ ಟವರ್‌ ಕುರಿತ ಕೆಲ ಮಾಹಿತಿ ಮತ್ತು ವಿಡಿಯೋ ನೀಡಲಾಗಿದ್ದು ಒಂದೊಂದೆ ಪುಟವನ್ನು ತಿರುಗಿಸಿ ನೋಡಿಕೊಡು ಹೋಗಿ.

ನಿರಂತರ ಸುದ್ದಿಗಾಗಿ ಕನ್ನಡ ಗಿಝ್‌‌ಬಾಟ್‌‌ನ್ನು ಫೇಸ್‌ಬುಕ್‌ನಲ್ಲಿ Like ಮಾಡಿ, ಟ್ವೀಟರ್‌ನಲ್ಲಿ Follow ಮಾಡಿ‌
ಇದನ್ನೂ ಓದಿ: ದುಬೈನ ಬುರ್ಜ್ ಖಲೀಫಾ ಒಳಗಡೆ ಹೇಗಿದೆ ನೋಡಿದ್ದೀರಾ?