ತನಗೇ ಗೊತ್ತಿಲ್ಲದಂತೆ ಆತ ಕಳೆದುಕೊಂಡಿದ್ದು 11.5 ಲಕ್ಷ ರೂ.ಗಳು!

ವಂಚನೆ ನಡೆದಿರುವುದು ಹೇಗೆ?

11.5 ಲಕ್ಷ ರೂ. ವಂಚಿಸಿರುವ ವಂಚಕರು ಈಗ ಹಣ ಕಳೆದುಕೊಂಡಿರುವ ವ್ಯಕ್ತಿಯನ್ನು ಮೊದಲೇ ಗುರುತಿಸಿ ಆತನ ಬ್ಯಾಂಕ್ ಅಕೌಂಟ್ ಅನ್ನು ಟ್ರ್ಯಾಪ್ ಮಾಡಿದ್ದಾರೆ.ಯಾವುದೇ ಬ್ಯಾಂಕ್ ಅಕೌಂಟ್ ಅನ್ನು ನೇರವಾಗಿ ಟ್ರ್ಯಾಪ್ ಮಾಡಲು ಸಾಧ್ಯವಿಲ್ಲದಿರುವುದರಿಂದ, ಆತನ ಬಗ್ಗೆ ತಮಗೆ ಲಭ್ಯವಿರುವ ಕೆಲ ವೈಯಕ್ತಿಕ ಮಾಹಿತಿಯಿಂದ ಆತನ ಬ್ಯಾಂಕ್ ಅಕೌಂಟ್ ಅನ್ನು ಟ್ರ್ಯಾಪ್ ಮಾಡಿದ್ದಾರೆ. ವಂಚಕರು ಹೀಗೆ ಆತನ ಬ್ಯಾಂಕ್ ಅಕೌಂಟ್ ಅನ್ನು ಟ್ರ್ಯಾಪ್ ಮಾಡಲು ಬ್ಯಾಂಕ್ ಅಧಿಕಾರಿಗಳ ನಿರ್ಲಕ್ಷ್ಯವೂ ಕೂಡ ಕಾರಣವಾಗಿದೆ.

ವೈಯಕ್ತಿಕ ಮಾಹಿತಿ ದೋಖಾ!

ಈಗ ಹಣ ಕಳೆದುಕೊಂಡಿರುವ ವ್ಯಕ್ತಿಯ ಬಗ್ಗೆ ಯಾವುದೋ ಥರ್ಡ್‌ ಪಾರ್ಟಿ ಮಾರಾಟಗಾರರಿಂದ ವೈಯಕ್ತಿಕ ಮಾಹಿತಿಗಳನ್ನು (ಮೊಬೈಲ್ ನಂಬರ್, ಆಧಾರ್, ಐಡಿ ಕಾರ್ಡ್) ಖರೀದಿಸಿದ್ದಾರೆ. ಆ ನಂತರ ಅವರ ಬಳಿ ಇರುವ ಆತನ ವೈಯಕ್ತಿಕ ಮಾಹಿತಿಗಳ ಸಹಾಯದಿಂದ ಆತನ ಬಗ್ಗೆ ಸಂಪೂರ್ಣ ಮಾಹಿತಿ ಪಡೆದಿದ್ದಾರೆ. ಆತನ ಬ್ಯಾಂಕ್ ಅಕೌಂಟ್ ಎಲ್ಲಿದೆ?, ಆತನ ಖಾತೆಯಲ್ಲಿ ಹಣ ಎಷ್ಟಿರಬಹುದು ಎಂದು ಅಂದಾಜಿಸಿ ನಂತರ ವಂಚನೆಗೆ ಇಳಿದಿದ್ದಾರೆ. ಜತೆಗೆ ಹೆಚ್ಚಿನ ವೈಯಕ್ತಿಕ ಮಾಹಿತಿಯನ್ನು ಕಲೆ ಹಾಕಲು ಹ್ಯಾಕರ್‌ಗಳ ಸಂಪರ್ಕವನ್ನು ಹೊಂದಿದ್ದಾರೆ.

ಆತನ ಬ್ಯಾಂಕ್ ಖಾತೆ ಟಾರ್ಗೆಟ್!

ಹೀಗೆ ಆ ವ್ಯಕ್ತಿಯ ಬಗ್ಗೆ ಸಂಪೂರ್ಣ ಮಾಹಿತಿ ಪಡೆದ ನಂತರ, ಆತನ ಬ್ಯಾಂಕ್ ಖಾತೆಯನ್ನು ಟಾರ್ಗೆಟ್ ಮಾಡುತ್ತಾರೆ. ಆತನ ವೈಯಕ್ತಿಕ ಮಾಹಿತಿಯನ್ನು ಸಂಪೂರ್ಣವಾಗಿ ಪಡೆದ ನಂತರ ವಂಚಕರು ನೇರವಾಗಿ ಬ್ಯಾಂಕ್‌ನಲ್ಲಿ ತಮ್ಮ ಮುಂದಿನ ಹಂತವನ್ನು ಮುಂದುವರೆಸಿದ್ದಾರೆ. ತಾವೂ ವಂಚಿಸುತ್ತಿರುವ ಗ್ರಾಹಕರ ಹೆಸರಿನಲ್ಲಿ ಮೊಬೈಲ್‌ ನಂಬರ್‌ ಬದಲಾಯಿಸುವ ಕುರಿತು ಮನವಿಯನ್ನು ಬ್ಯಾಂಕ್‌ಗೆ ಸಲ್ಲಿಸುತ್ತಾರೆ. ಬ್ಯಾಂಕ್ ಅಧಿಕಾರಿಗಳು ಸರಿಯಾಗಿ ಪರೀಶೀಲನೆ ನಡೆಸದೇ ಮೊಬೈಲ್‌ ನಂಬರ್‌ ಬದಲಾಯಿದ ತಕ್ಷಣ ವಂಚಕರಿಗೆ ಹಬ್ಬ.!

ಹೊಸ ಸಂಖ್ಯೆಯೊಂದಿಗೆ ವಹಿವಾಟು

ಆತನ ಬ್ಯಾಂಕ್ ಖಾತೆಗೆ ಜೋಡಣೆಯಾಗಿದ್ದ ಮೊಬೈಲ್‌ ಸಂಖ್ಯೆ ಬ್ಯಾಂಕ್‌ನಲ್ಲಿ ಬದಲಾದ ತಕ್ಷಣವೇ ವಂಚಕರು ಹಣ ವಹಿವಾಟನ್ನು ಮಾಡುತ್ತಾರೆ. ಆನ್‌ಲೈನ್ ವಹಿವಾಟುವಿನ OTP ಅವರು ನೀಡಿದ ಹೊಸ ಮೊಬೈಲ್‌ ಸಂಖ್ಯೆಗೆ ಬರುವುದರಿಂದ ಆ ವ್ಯಕ್ತಿಯ ಅಕೌಂಟ್‌ನಲ್ಲಿನ ದುಡ್ಡು ಖಾಲಿಯಾಗುವುದು ಆತನಿಗೇ ತಿಳಿದಿಲ್ಲ. ಬ್ಯಾಂಕ್‌ ಅಧಿಕಾರಿಗಳು ಸರಿಯಾಗಿ ಪರಿಶೀಲನೆ ಮಾಡದೇ ಗ್ರಾಹಕರ ಮೊಬೈಲ್ ಸಂಖ್ಯೆಯನ್ನು ಬದಲಾಯಿಸಿರುವುದು ಇದಕ್ಕೆ ಕಾರಣ. ಅಥವಾ ಅಥವಾ ವಂಚಕರ ಜತೆ ಬ್ಯಾಂಕ್‌ ಅಧಿಕಾರಿಗಳು ಭಾಗಿಯಾಗಿದ್ದಾಗ ಮಾತ್ರ ಇದು ಸಾಧ್ಯ

ನೆಟ್‌ಬ್ಯಾಂಕಿಂಗ್‌ ಬಳಕೆ

ಆ ವಂಚಕರು ಪ್ರತಿ ವಹಿವಾಟಿಗೂ ನೆಟ್‌ಬ್ಯಾಂಕಿಂಗ್‌ ಮೊರೆ ಹೋಗುತ್ತಾರೆ. ಏಕೆಂದರೆ ನೆಟ್‌ಬ್ಯಾಂಕಿಂಗ್‌ಗೆ OTP ಮಾತ್ರ ಅವಶ್ಯವಾಗಿದ್ದು, ಅದು ಹೊಸ ನಂಬರ್‌ಗೆ ಬರುವುದರಿಂದ ವಂಚಕರಿಗೆ ಬಹಳ ಸುಲಭವಾಗುತ್ತದೆ.ಓದಿರಿ:ಶಾಕಿಂಗ್ ನ್ಯೂಸ್!..ಭಾರತದಲ್ಲಿ ಶೀಘ್ರವೇ 'ವಾಟ್ಸ್ಆಪ್' ಬ್ಯಾನ್?!ಇದರಿಂದ ನಿಮಗೆ ನಿಮ್ಮ ಅಕೌಂಟ್‌ನಲ್ಲಿ ದುಡ್ಡು ಖಾಲಿಯಾಗುತ್ತಿರುವ ಒಂದು ಸಣ್ಣ ಸುಳಿವು ಕೂಡ ಸಿಗುವುದಿಲ್ಲ. ಒಂದು ಬಾರಿ ಬ್ಯಾಂಕ್‌ನಲ್ಲಿ ಮೊಬೈಲ್‌ ನಂಬರ್‌ ಬದಲಾಯಿತೆಂದರೆ ಸಾಕು. ಆ ನಂತರ ವಂಚಕರು ಬ್ಯಾಂಕ್ ಖಾತೆಯಲ್ಲಿರುವ ಎಲ್ಲಾ ಹಣವನ್ನು ಸಂಪೂರ್ಣವಾಗಿ ಎಗರಿಸುತ್ತಾರೆ.

ನಿಮಗೂ ಇರಲಿ ಎಚ್ಚರ

ಈ ಮೇಲಿನ ಪ್ರಕರಣದಲ್ಲಿ ಬ್ಯಾಂಕ್ ಅಧಿಕಾರಿಗಳ ನಿರ್ಲಕ್ಷ್ಯ ಕಂಡುಬಂದಿದೆ. ಹಾಗಾಗಿ, ಆ ವ್ಯಕ್ತಿಗೆ ಹಣ ವಾಪಸ್ ಸಿಗುವ ಸಂಭವ ಹೆಚ್ಚಿರುತ್ತದೆ. ಆದರೆ, ವಂಚಕರಿಗೆ ನಿಮ್ಮ ವೈಯಕ್ತಿಕ ಮಾಹಿತಿಯೋ ಕೂಡ ಟಾರ್ಗೆಟ್ ಆಗಿರುತ್ತದೆ. ಇದನ್ನು ಅವರು ಈ ಆನ್‌ಲೈನಿನ ಪ್ರಪಂಚದಲ್ಲಿ ನಿಮ್ಮ ಮಾಹಿತಿಯನ್ನು ಕದಿಯುತ್ತಿದ್ದಾರೆ. ಹಾಗಾಗಿ, ಆದ್ದರಿಂದ, ನೀವು ನಿಮ್ಮ ಖಾಸಾಗಿ ಮಾಹಿತಿಯನ್ನು ಆನ್‌ಲೈನಿನಲ್ಲಿ ಹಂಚಿಕೊಳ್ಳುವ ಮೊದಲು ಎಚ್ಚರವಾಗಿರಿ. ಇಲ್ಲವಾದರೆ, ನಿಮ್ಮ ಹಣ ನಿಮಗೆ ಕಾಣದಂತೆ ಮಾಯವಾಗಬಹುದು ಎಚ್ಚರ.!