ಶಾರ್ಪ್ ಆಕ್ವೋಸ್ ಸೆನ್ಸ್ 8 ಸ್ಮಾರ್ಟ್‌ಫೋನ್ ಲಾಂಚ್‌; ಫೀಚರ್ಸ್‌ ಏನು? ಬೆಲೆ ಎಷ್ಟು?

ಸ್ಮಾರ್ಟ್‌ಫೋನ್‌ಗಳ ವಿಭಾಗದಲ್ಲಿ ಹೊಸ ಹೊಸ ಸ್ಮಾರ್ಟ್‌ಫೋನ್‌ಗಳು ಭಿನ್ನ ಫೀಚರ್ಸ್‌ನೊಂದಿಗೆ ಕಾಣಿಸಿಕೊಳ್ಳುವುದು ಸಾಮಾನ್ಯ ಸಂಗತಿ. ಅದರಂತೆ ಈಗ ಶಾರ್ಪ್ ಆಕ್ವೋಸ್ ಸೆನ್ಸ್ 8 (Sharp Aquos Sense 8) ಎಂದು ಕರೆಯಲಾಗುವ ಸ್ಮಾರ್ಟ್‌ಫೋನ್‌ ಅನಾವರಣ ಆಗಿದ್ದು, ಜಾಗತಿಕವಾಗಿ ಬಹಳ ಸದ್ದು ಮಾಡಿದೆ.

ಹೌದು, ಶಾರ್ಪ್ ಆಕ್ವೋಸ್ ಸೆನ್ಸ್ 8 ಅನ್ನು ಲಾಂಚ್ ಮಾಡಲಾಗಿದ್ದು, ಈ ಸ್ಮಾರ್ಟ್‌ಫೋನ್‌ ಸಿಂಗಲ್ ಸ್ಟೋರೇಜ್ ವೇರಿಯಂಟ್‌ ಆಗಿದೆ. ಇದರೊಂದಿಗೆ ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ ಚಿಪ್‌ಸೆಟ್‌ನಿಂದ ಕಾರ್ಯನಿರ್ವಹಿಸಲಿದ್ದು, ಆಂಡ್ರಾಯ್ಡ್‌ 13 ಅನ್ನು ರನ್‌ ಮಾಡಲಿದೆ. ಹಾಗಿದ್ರೆ ಯಾವುದು ಈ ಹೊಸ ಫೋನ್‌, ಫೀಚರ್ಸ್‌ ಹೇಗಿದೆ?, ಲಾಂಚ್‌ ಆಗಿದ್ದು ಎಲ್ಲಿ?, ಈ ಫೋನ್‌ನ ಬೆಲೆ ಎಷ್ಟು ಎಂಬ ಮಾಹಿತಿ ಇಲ್ಲಿದೆ ನೋಡಿ.

ಶಾರ್ಪ್ ಆಕ್ವೋಸ್ ಸೆನ್ಸ್ 8 ಡಿಸ್‌ಪ್ಲೇ ವಿವರ : ಈ ಫೋನ್‌ 6.1 ಇಂಚಿನ ಪೂರ್ಣ ಹೆಚ್‌ಡಿ+ ಡಿಸ್‌ಪ್ಲೇ ಆಯ್ಕೆ ಪಡೆದುಕೊಂಡಿದೆ. ಇದು 2,400 x 1,080 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯ ಇದ್ದು, IGZO OLED ಡಿಸ್‌ಪ್ಲೇ ಮೂಲಕ ಅತ್ಯಂತ ಆಕರ್ಷಕವಾಗಿದೆ. ಇದರೊಂದಿಗೆ 90Hz ರಿಫ್ರೆಶ್ ರೇಟ್‌ನೊಂದಿಗೆ ಈ ಫೋನ್‌ ಕಾಣಿಸಿಕೊಂಡಿದ್ದು, 1300 ನಿಟ್ಸ್‌ ಗರಿಷ್ಠ ಬ್ರೈಟ್‌ನೆಸ್‌ ಆಯ್ಕೆ ಮೂಲಕ ಉತ್ತಮ ವೀಕ್ಷಣೆ ಅನುಭವ ನೀಡಲಿದೆ.

ಶಾರ್ಪ್ ಆಕ್ವೋಸ್ ಸೆನ್ಸ್ 8 ಪ್ರೊಸೆಸರ್‌ ವಿವರ: ಶಾರ್ಪ್ ಈ ವರ್ಷದ ಆರಂಭದಲ್ಲಿ ಅಕ್ವೋಸ್ ಸೆನ್ಸ್ 8 ಫೋನ್ ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 6 ಜನ್‌ 1 ಚಿಪ್‌ಸೆಟ್‌ನಿಂದ ಕಾರ್ಯನಿರ್ವಹಿಸಲಿದ್ದು, 6GB RAM ಮತ್ತು 128GB ಸ್ಟೋರೇಜ್‌ನೊಂದಿಗೆ ಕಾಣಿಸಿಕೊಂಡಿದೆ. ಅಷ್ಟೇ ಅಲ್ಲದೆ ಮೈಕ್ರೊ ಎಸ್‌ಡಿ ಕಾರ್ಡ್ ಮೂಲಕ 1TB ವರೆಗೆ ವಿಸ್ತರಿಸಬಹುದಾಗಿದೆ. ಇದು ಆಂಡ್ರಾಯ್ಡ್ 13 ಔಟ್-ಆಫ್-ದಿ-ಬಾಕ್ಸ್‌ನಲ್ಲಿ ರನ್‌ ಆಗಲಿದೆ. ಇನ್ನು ಕಂಪನಿಯು ಮೂರು ಪ್ರಮುಖ ಓಎಸ್‌ ನವೀಕರಣಗಳು ಮತ್ತು ಐದು ವರ್ಷಗಳ ಭದ್ರತಾ ಪ್ಯಾಚ್‌ಗಳನ್ನು ಭರವಸೆ ನೀಡುತ್ತದೆ.

ಶಾರ್ಪ್ ಆಕ್ವೋಸ್ ಸೆನ್ಸ್ 8 ಕ್ಯಾಮೆರಾ ರಚನೆ: ಕ್ಯಾಮೆರಾ ವಿಭಾಗದಲ್ಲಿ ಅಕ್ವೋಸ್ ಸೆನ್ಸ್ 8 ಡ್ಯುಯಲ್ ರಿಯರ್‌ ಕ್ಯಾಮೆರಾವನ್ನು ಆಯ್ಕೆ ಪಡೆದುಕೊಂಡಿದೆ. ಇದು ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ (OIS) ಜೊತೆಗೆ 50 ಮೆಗಾಪಿಕ್ಸೆಲ್ ಪ್ರಾಥಮಿಕ ಸೆನ್ಸರ್‌ ಮತ್ತು ಅಲ್ಟ್ರಾ-ವೈಡ್-ಆಂಗಲ್ ಲೆನ್ಸ್‌ನೊಂದಿಗೆ 8 ಮೆಗಾಪಿಕ್ಸೆಲ್ ಸೆನ್ಸರ್ ಅನ್ನು ಹೊಂದಿದ್ದು, ಕ್ಯಾಮೆರಾ ಪ್ರಿಯರಿಗೆ ಅತ್ಯುತ್ತಮ ಆಯ್ಕೆಯಾಗಿದೆ. ಸೆಲ್ಫಿಗಾಗಿ 8 ಮೆಗಾಪಿಕ್ಸೆಲ್ ಸೆನ್ಸರ್‌ ಆಯ್ಕೆ ನೀಡಲಾಗಿದೆ.

ಶಾರ್ಪ್ ಆಕ್ವೋಸ್ ಸೆನ್ಸ್ 8 ಬ್ಯಾಟರಿ ಹಾಗೂ ಇತರೆ: ಈ ವಿಶೇಷ ಫೋನ್‌ 5,000mAh ಸಾಮರ್ಥ್ಯದ ಬ್ಯಾಟರಿ ಆಯ್ಕೆ ಪಡೆದುಕೊಂಡಿದ್ದು, ಬರೋಬ್ಬರಿ 10 ಗಂಟೆಗಳ ಬ್ಯಾಟರಿ ಬ್ಯಾಕಪ್‌ ನೀಡಲಿದೆ ಎಂದು ಕಂಪೆನಿ ಹೇಳಿಕೊಂಡಿದೆ. ಉಳಿದಂತೆ ಈ ಫೋನ್ 5G, ವೈ-ಫೈ 5, NFC ಮತ್ತು ಬ್ಲೂಟೂತ್ ಆವೃತ್ತಿ 5.1 ಕನೆಕ್ಟಿವಿಟಿಯನ್ನು ಬೆಂಬಲಿಸುತ್ತದೆ. ಭದ್ರತೆಗಾಗಿ, ಫೋನ್ ಸೈಡ್-ಮೌಂಟೆಡ್ ಫಿಂಗರ್‌ಪ್ರಿಂಟ್ ಸೆನ್ಸರ್‌, 3.5mm ಹೆಡ್‌ಫೋನ್ ಜ್ಯಾಕ್, IP68 ರೇಟಿಂಗ್ ಮತ್ತು MIL-STD-810G ಪ್ರಮಾಣೀಕರಣದೊಂದಿಗೆ ಈ ಫೋನ್‌ ಪ್ಯಾಕ್‌ ಆಗಿದೆ.

ಶಾರ್ಪ್ ಆಕ್ವೋಸ್ ಸೆನ್ಸ್ 8 ಬೆಲೆ ಹಾಗೂ ಲಭ್ಯತೆ : ಈ ವಿಶೇಷ ಫೋನ್‌ ಅನ್ನು ಜಪಾನ್‌ನಲ್ಲಿ ಮಾತ್ರ ಲಾಂಚ್‌ ಮಾಡಲಾಗಿದೆ. ಈ ಹೊಸ ಶಾರ್ಪ್ ಆಕ್ವೋಸ್ ಸೆನ್ಸ್ 8 ಸ್ಮಾರ್ಟ್‌ಫೋನ್ ಸಾಧನವು ಕೋಬಾಲ್ಟ್ ಬ್ಲ್ಯಾಕ್, ಲೈಟ್ ಕಾಪರ್ ಮತ್ತು ಪೇಲ್ ಗ್ರೀನ್ ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿರುತ್ತದೆ. ಜಪಾನ್‌ನಲ್ಲಿ JPY 62,150 ಬೆಲೆ ಹೊಂದಿದ್ದು, ಭಾರತೀಯ ಮೌಲ್ಯದ ಪ್ರಕಾರ ಇದು ಸರಿಸುಮಾರು 34,700 ರೂ.ಗಳಾಗಿದೆ.