ಇದೀಗ 'ಟಿಕ್​ಟಾಕ್' ಹಿಂದೆ ಬಿದ್ದ 'ಸ್ನ್ಯಾಪ್​ಚ್ಯಾಟ್'!

ಇತ್ತೀಚಿಗೆ ಹೆಚ್ಚು ಸದ್ದು ಮಾಡುತ್ತಿರುವ ಸ್ನ್ಯಾಪ್​ಚ್ಯಾಟ್ ಇದೀಗ ಟಿಕ್​ಟಾಕ್ ಹಿಂದೆ ಬಿದ್ದಿದೆಯಾ?. ಹೀಗೊಂದು ಪ್ರಶ್ನೆ ಮೂಡಲು ಕಾರಣವಾಗಿದ್ದು ಸ್ನ್ಯಾಪ್​​ಚ್ಯಾಟ್ ಕೂಡ ಇನ್ಮುಂದೆ ತನ್ನ ಎಲ್ಲಾ ಪೋಸ್ಟ್​ಗಳಿಗೂ ಮ್ಯೂಸಿಕ್​ ಬಳಸುವ ಆಯ್ಕೆ ಕೊಡಲಿದೆ ಅನ್ನೋ ಮಾಹಿತಿ ಹೊರಬಿದ್ದಿದೆ. ಈಗಾಗಲೇ ಸ್ನ್ಯಾಪ್​ಚ್ಯಾಟ್​ ಈ ಬಗ್ಗೆ ಪ್ರಮುಖ ಮ್ಯೂಸಿಕ್ ಕಂಪನಿಗಳ ಜೊತೆ ಮಾತುಕತೆ ನಡೆಸಿದೆ.

ಹೌದು, ಈ ಬಗ್ಗೆ ಅಂತರಾಷ್ಟ್ರೀಯ ಮಾಧ್ಯಮಗಳು ವರದಿ ಮಾಡಿದ್ದು, ಈಗಾಗಲೇ ಸ್ನ್ಯಾಪ್​ಚ್ಯಾಟ್​ ಈ ಬಗ್ಗೆ ಪ್ರಮುಖ ಮ್ಯೂಸಿಕ್ ಕಂಪನಿಗಳ ಜೊತೆ ಮಾತುಕತೆ ನಡೆಸಿದೆ. ಮುಂದಿನ ದಿನಗಳಲ್ಲಿ ಇಂತಹ ಒಂದು ವಿಶೇಷ ಆಯ್ಕೆಯನ್ನು ನೀಡಲಿದೆ ಎಂದು ತಿಳಿಸಿವೆ. ಟಿಕ್​ಟಾಕ್​, ಇನ್​ಸ್ಟಾಗ್ರಾಮ್​ನಲ್ಲಿರುವ ಈ ಆಯ್ಕೆ ಇದೀಗ​ ಸ್ನ್ಯಾಪ್​ಚಾಟ್ ಆಪ್​ನಲ್ಲೂ ಯೋಜನೆ ನಡೆಯುತ್ತಿದೆ.

ವಿವಿಧ ಫಿಲ್ಟರ್​​​ಗಳನ್ನ ಯೂಸ್​ ಮಾಡಿ ಫೋಟೋ ಅಥವಾ ವಿಡಿಯೋ ಮಾಡಿ ಕಳುಹಿಸೋದು ಸ್ನ್ಯಾಪ್​​ಚಾಟ್ ವಿಶೇಷತೆಯಾಗಿದ್ದು, ಇನ್ಮುಂದೆ ಇಂತಹ ಯಾವುದೇ ಪೋಸ್ಟ್​ ಕಳುಹಿಸುವಾಗ ಅಥವಾ ಅಪ್ಲೋಡ್​ ಮಾಡೋವಾಗ ಇದಕ್ಕೆ ಹಾಡು ಸೇರಿಸುವ ಮೂಲಕ ಮತ್ತಷ್ಟು ಕಲರ್​ಫುಲ್​ ಮಾಡಬಹುದು. ಇದರಿಂದ ಸ್ನ್ಯಾಪ್​ಚ್ಯಾಟ್ ಬಳಕೆ ಮತ್ತಷ್ಟು ರಂಗಾಗಬಹುದು ಎನ್ನಲಾಗಿದೆ.

ಸದ್ಯ ಈ ಸ್ನ್ಯಾಪ್​ಚಾಟ್​​ ಬೇಬಿ ಫೇಸ್​ ಫಿಲ್ಟರ್​ ಸಿಕ್ಕಾಪಟ್ಟೆ ಟ್ರೆಂಡ್​ ಆಗಿದ್ದು, ಜನರು ಬಾಲ್ಯಕ್ಕೆ ವಾಪಸ್​ ಹೋಗುವಂತಹ ಈ ಫೀಚರ್ ಮೂಲಕ ತಮ್ಮ ಫೋಟೋಗಳನ್ನ ಎಡಿಟ್ ಮಾಡಿಕೊಳ್ಳುತ್ತಿದ್ದಾರೆ. ಹಾಗೆಯೇ, ​ಜನಪ್ರಿಯ ಸೆಲೆಬ್ರಿಟಿಗಳಿಗೆ ಹಾಗೂ ರಾಜಕಾರಣಿಗಳಿಗೂ ಕೂಡ ಈ ಬೇಬಿ ಫಿಲ್ಟರ್​ ಹಾಕಿದ್ರೆ ಹೇಗಿರುತ್ತೆ ಅಂತ ಟೆಸ್ಟ್​ ಮಾಡಿ ನೋಡಿ ಆನಂದ ಪಡುತ್ತಿದ್ದಾರೆ.

ಆಪ್‌ಗಳಲ್ಲಿ ಹೊಸ ಫಿಲ್ಟರ್​​ ಪರಿಚಯಿಸಿದಾಗಲೆಲ್ಲಾ ಜನ ಅವನ್ನು ಟ್ರೈ ಮಾಡುತ್ತಾರೆ. ಅದರಲ್ಲಿ ಕೆಲವೊಂದು ಫಿಲ್ಟರ್​ಗಳು ಟ್ರೆಂಡ್​ ಆಗುತ್ತೆ. ಕೆಲವೊಂದು ಸಾಮಾನ್ಯವಾಗಿ ಕಾಣುತ್ತವೆ. ಈಗ ಆ ಲಿಸ್ಟ್​​​ಗೆ ಹೊಸ ಎಂಟ್ರಿ 'ಬೇಬಿ ಫೇಸ್​ ಫಿಲ್ಟರ್' ಸೇರಿದೆ​. ಈ ಹೊಸ ಫೀಚರ್ ದೊಡ್ಡವರನ್ನು ಬಾಲ್ಯದಲ್ಲಿ ಹೇಗಿರಬಹುದು ಎಂಬುದನ್ನು ಪಕ್ಕಾ ಲೆಕ್ಕ ಹಾಕಿ ತೋರಿಸುವುದು ಇದಕ್ಕೆ ಕಾರಣವಾಗಿದೆ.

ಓದಿರಿ: ನೀವು ಕೂಡ ಮೊಬೈಲ್ ಪಕ್ಕದಲ್ಲಿಯೇ ಇಟ್ಟು ಮಲಗುತ್ತೀರಾ?..ಈ ಶಾಕಿಂಗ್ ನ್ಯೂಸ್ ಕೇಳಿ!