'ಸೋನಿ A9 II' ಮಿರರ್‌ ಲೆಸ್‌ ಕ್ಯಾಮೆರಾ ಬಿಡುಗಡೆ!.ಬೆಲೆ ಎಷ್ಟು?..ಫೀಚರ್ಸ್‌ ಏನು?

ಹೌದು, ಜನಪ್ರಿಯ ಸೋನಿ ಸಂಸ್ಥೆಯು ಮಾರುಕಟ್ಟೆಗೆ ಹೊಸದಾಗಿ 'ಸೋನಿ A9 II' ಮಿರರ್‌ ಲೆಸ್‌ ಫ್ಯಾಗ್‌ಶಿಫ್ ಕ್ಯಾಮೆರಾವನ್ನು ಬಿಡುಗಡೆ ಮಾಡಿದೆ. ಈ ಕ್ಯಾಮೆರಾವು ಸೋನಿಯ 'ಸೋನಿ A9' ಕ್ಯಾಮೆರಾದ ಅಪ್‌ಗ್ರೇಡ್‌ ವರ್ಷನ್ ಆಗಿದ್ದು, ಹಲವು ವಿಶೇಷತೆಗಳಿಂದ ಗಮನಸೆಳೆದಿದೆ. ಈ ಕ್ಯಾಮೆರಾವು 24.2ಎಂಪಿ ಸೆನ್ಸಾರ್‌ನಲ್ಲಿದ್ದು, ಬಯೋನ್ಜಾ ಎಕ್ಸ್‌(Bionz X) ಇಮೇಜ್ ಪ್ರೊಸೆಸರ್‌ ಅನ್ನು ಹೊಂದಿದೆ. ಹಾಗಾದರೇ 'ಸೋನಿ A9 II' ಕ್ಯಾಮೆರಾ ಇತರೆ ಯಾವೆಲ್ಲಾ ಫೀಚರ್ಸ್‌ಗಳನ್ನು ಒಳಗೊಂಡಿದೆ ಎಂಬುದನ್ನು ಮುಂದೆ ತಿಳಿಯಿರಿ.

ಹೈಲೈಟ್ಸ್‌ ಏನು

ಸೋನಿ A9 II ಕ್ಯಾಮೆರಾವು 24.2 ಮೆಗಾಪಿಕ್ಸಲ್ ಸಾಮರ್ಥ್ಯದ, ಫುಲ್‌ ಫ್ರೇಮ್‌ CMOS ಇಮೇಜ್‌ ಸೆನ್ಸಾರ್‌ ಸೌಲಭ್ಯವನ್ನು ಒಳಗೊಂಡಿದೆ. ಇದರಲ್ಲಿರುವ ಬಯೋನ್ಜಾ ಎಕ್ಸ್‌(Bionz X) ಇಮೇಜ್ ಪ್ರೊಸೆಸರ್‌ ವೇಗವಾಗಿ ಸೆನ್ಸಾರ್‌ ರೀಡ್‌ಔಟ್ ಮಾಡುವ ಸಾಮರ್ಥ್ಯದಲ್ಲಿದ್ದು, ಇದರೊಂದಿಗೆ ಫೇಸ್‌ ಮತ್ತು AE/AF ವಿಭಾಗಗಳಲ್ಲಿ ಹೆಚ್ಚಿನ ಅಪ್‌ಗ್ರೇಡ್‌ ಆಗಿದೆ. ಶಟರ್‌ ಬಟನ್‌ ಆಯ್ಕೆಯಲ್ಲಿಯು 5.5 ಸ್ಟಾಪ್‌ ಆಯ್ಕೆ ನೀಡಲಾಗಿದೆ.

ಫೀಚರ್ಸ್‌ ಮತ್ತು ಸೌಲಭ್ಯಗಳು

ಈ ಕ್ಯಾಮೆರಾ 3 ಇಂಚಿನ ಟಚ್‌ ಡಿಸ್‌ಪ್ಲೇಯನ್ನು ಹೊಂದಿದ್ದು, ಡಿಸ್‌ಪ್ಲೇಯು 3.76ಮಿಲಿಯನ್ ಪಿಕ್ಸಲ್ ಡಾಟ್ಸ್‌ ಒಳಗೊಂಡಿದೆ. ಕ್ಯಾಮೆರಾದ AF-On ಬಟನ್‌ ಗಾತ್ರದಲ್ಲಿ ಹೆಚ್ಚಳ ಮಾಡಿದ್ದು, ಕ್ಯಾಮೆರಾ ಮೇಲ್ಭಾದಲ್ಲಿ ನೀಡಲಾಗಿದೆ. ಇದರೊಂದಿಗೆ ಫೋಟೊಗಳು ಬ್ಲರ್‌ ಆಗುವುದನ್ನು ತಡೆಯಲು ಶಟರ್‌ ಮೆಕ್ಯಾನಿಸಮ್‌ನಲ್ಲಿಯು ಅಪ್‌ಗ್ರೇಡ್‌ ಮಾಡಲಾಗಿದೆ. 30fps ವೇಗದ ಸಾಮರ್ಥ್ಯದಲ್ಲಿ 4K ವಿಡಿಯೊ ರೆಕಾರ್ಡ್‌ ಸೌಲಭ್ಯ ಹೊಂದಿದೆ.

ಕನೆಕ್ಟಿವಿಟಿ ಸೌಲಭ್ಯಗಳು

ಕನೆಕ್ಟಿವಿಟಿ ಮತ್ತು ವಾಯರ್‌ಲೆಸ್‌ ಆಯ್ಕೆಗಳಲ್ಲಿಯು ಹಲವು ಹೊಸ ಸೌಲಭ್ಯಗಳನ್ನು ನೀಡಿದ್ದು, ಯುಎಸ್‌ಬಿ ಟೈಪ್-ಸಿ ಪೋರ್ಟ್‌ USB 3.2 Gen1 ಸಪೋರ್ಟ್‌ ಮಾಡಲಿದೆ. ಹಾಗೆಯೇ ಎಸ್‌ಡಿ ಕಾರ್ಡ್‌ UHS-II ಡೇಟಾ ಟ್ರಾನ್ಸ್‌ಫರ್ ವೇಗವು ಅಧಿಕವಾಗಿದೆ. 5GHz ವೇಗದ ವೈಫೈ 802.11ac ಸೌಲಭ್ಯವನ್ನು ಹೊಂದಿದ್ದು, ಹಾಗೆಯೇ SSL or TLS ಫೈಲ್‌ ಟ್ರಾನ್ಸ್‌ಫರ್ ಆಯ್ಕೆಗಳನ್ನು ಪಡೆದಿದೆ.

ಬೆಲೆ ಮತ್ತು ಲಭ್ಯತೆ

ಸೋನಿ A9 II ಕ್ಯಾಮೆರಾವು ವೃತ್ತಿ ಛಾಯಾಗ್ರಾಹಕರಿಗೆ ಮತ್ತು ಹವ್ಯಾಸಿ ಫೋಟೊಗ್ರಫರ್ಸ್‌ಗೆ ಅತ್ಯುತ್ತಮ ಆಯ್ಕೆ ಅನಿಸಲಿದ್ದು, ಈ ಕ್ಯಾಮೆರಾವು ಇದೇ ನವಂಬರ್‌ ತಿಂಗಳಿನಲ್ಲಿ ಖರೀದಿಗೆ ಲಭ್ಯವಾಗಲಿದೆ. ಬೆಲೆಯು $4,500 ಆಗಿದ್ದು, ಭಾರತದಲ್ಲಿ ಅಂದಾಜು. 3,19,600ರೂ.ಗಳು ಆಗಲಿದೆ ಎಂದು ಊಹಿಸಲಾಗಿದೆ.