ಕನ್ನಡದಲ್ಲಿ ಮೊದಲ ಸ್ಪೋರ್ಟ್ಸ್ ಚಾನಲ್: ಆನ್‌ಲೈನ್‌ ನಲ್ಲೂ ಲಭ್ಯ..!

ನವೆಂಬರ್ 16ಕ್ಕೆ ಕಾರ್ಯಾರಂಭ..?

ಸ್ಟಾರ್ ನೆಟ್ ವರ್ಕ್ ಕನ್ನಡದಲ್ಲಿ ಸ್ಟಾರ್ ಸ್ಫೋರ್ಟ್ಸ್ ಚಾನಲ್ ಆರಂಭಿಸಲು ಕಳೆದ ಕೆಲವು ದಿನಗಳಿಂದಲೇ ತಯಾರಿಯನ್ನು ನಡೆಸಿದೆ ಎನ್ನಲಾಗಿದೆ. ಪ್ರಕಾರ ನವೆಂಬರ್ 16ರಂದು ಚಾನೆಲ್ ಆರಂಭಿಸಲು ಸ್ಟಾರ್ ನೆಟ್ ವರ್ಕ್ ತೀರ್ಮಾನಿಸಿದೆ ಎಂದು ತಿಳಿದುಬಂದಿದೆ.

ಕರ್ನಾಟಕದಲ್ಲಿ ಉತ್ತಮ ಮಾರ್ಕೆಟ್:

ಈಗಾಗಲೇ ಕರ್ನಾಟಕದಲ್ಲಿ ಕ್ರೀಡೆಗೆ ಹೆಚ್ಚಿನ ಬೆಲೆ ಇದೆ. ಪ್ರೊ ಲೀಗ್ ಗಳಲ್ಲಿ ಕರ್ನಾಟಕವನ್ನು ಪ್ರತಿನಿಧಿಸುವ ತಂಡಗಳು ಈಗಾಗಲೇ ಇರುವುದರಿಂದ ವರ್ಷ ಪೂರ್ತಿ ಕ್ರೀಡಾ ಚಟುವಟಿಕೆ ಇರಲಿದೆ. ಇದರಿಂದ ಉತ್ತಮ ಲಾಭ ಇದೆ ಎನ್ನಲಾಗಿದೆ.

ಕರ್ನಾಟಕ ತಂಡಗಳು:

ಈಗಾಗಲೇ ರಾಷ್ಟ್ರ ಮತ್ತು ಅಂತರಾಷ್ಟ್ರೀಯ ಮಟ್ಟದಲ್ಲಿ ಕರ್ನಾಟಕದ ತಂಡಗಳು ಕಾಣಿಸಿಕೊಂಡಿವೆ. ಪ್ರೊ ಕಬಡ್ಡಿಯಲ್ಲಿ ಬೆಂಗಳೂರು, ಐಪಿಎಲ್ ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಐಎಸ್ಎಲ್ ನಲ್ಲಿ ಬೆಂಗಳೂರು ಎಫ್ ಸಿ, ಕರ್ನಾಟಕ ಪ್ರಿಮಿಯರ್ ಲೀಗ್ ಸೇರಿದಂತೆ ಸಾಕಷ್ಟು ತಂಡಗಳು ಇದೆ ಈ ಹಿನ್ನಲೆಯಲ್ಲಿ ಸ್ಟಾರ್ ನೆಟ್ ವರ್ಕ್ ಕನ್ನಡಕ್ಕೂ ಕಾಲಿಟ್ಟಿದೆ.

ಆನ್‌ಲೈನ್‌ನಲ್ಲಿಯೂ ಲಭ್ಯ:

ಇದಲ್ಲದೇ ಕನ್ನಡದಲ್ಲಿ ಬರುವ ಸ್ಟಾರ್ ಸ್ಫೋರ್ಟ್ಸ್ ಚಾನಲ್ ಆನ್‌ಲೈನಿನಲ್ಲಿಯೂ ಸ್ಟ್ರಿಮ್ ಆಗಲಿದೆ. ಇದಲ್ಲದೇ ಕನ್ನಡದಲ್ಲೇ ನೀವು ಕ್ರೀಡೆಗಳನ್ನು ನೋಡಬಹುದಾಗಿದೆ.