2019ನೇ ವಿಶ್ವಕಪ್ ಕ್ರಿಕೆಟ್ ಗೆಲ್ಲುವವರು ಯಾರು?..ಭವಿಷ್ಯ ನುಡಿದ ಗೂಗಲ್ ಸಿಇಓ!

ದೈತ್ಯ ಟೆಕ್ ಕಂಪೆನಿ ಗೂಗಲ್ ಸಿಇಓ ಮತ್ತು ಭಾರತೀಯ ಸಂಜಾತ ಸುಂದರ್ ಪಿಚೈ ಅವರು 2019ನೇ ವಿಶ್ವಕಪ್ ಕ್ರಿಕೆಟ್ ಫೈನಲ್ ಆಡುವ ತಂಡಗಳ ಬಗ್ಗೆ ಭವಿಷ್ಯ ನುಡಿದಿದ್ದಾರೆ. ಭಾರತ-ಅಮೆರಿಕ ಕೌನ್ಸಿಲ್ ಆಯೋಜಿಸಿದ ಇಂಡಿಯಾ ಐಡಿಯಾಸ್ ಶೃಂಗಸಭೆಯಲ್ಲಿ ಮಾತನಾಡುತ್ತಾ ಭಾರತದ ಜೊತೆಗೆ ವಿಶ್ವಕಲ್ ಫೈನಲ್ ಆಡುವ ತಂಡಗಳು ಯಾವುವು ಎಂದು ಊಹಿಸಿದ್ದಾರೆ.!

ಹೌದು, ವಿಶ್ವಕಪ್ ಕ್ರಿಕೆಟ್​ನ 2019ರ ಸಾಲಿನ ವಿಶ್ವಕಪ್​ ಯಾವ ತಂಡದ ಪಾಲಾಗಲಿದೆ ಎಂಬುದರ ಬಗ್ಗೆ ಮಾಜಿ ಕ್ರಿಕೆಟಿಗರಿಂದ ಹಿಡಿದು ಕ್ರಿಕೆಟ್​ ವಿಶ್ಲೇಷಕರವರೆಗೂ ಭವಿಷ್ಯ ನುಡಿದಿದ್ದಾರೆ. ಇದೀಗ ಸುಂದರ್ ಪಿಚೈ ಅವರು ಕೂಡ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದು, 2019ನೇ ವಿಶ್ವಕಪ್ ಕ್ರಿಕೆಟ್ ಫೈನಲ್​ನಲ್ಲಿ ಇಂಗ್ಲೆಂಡ್ ಹಾಗೂ ಭಾರತ ಮುಖಾಮುಖಿ ಆಗಲಿವೆ ಎಂದು ಹೇಳಿದ್ದಾರೆ.

2019ನೇ ವಿಶ್ವಕಪ್ ಕ್ರಿಕೆಟ್ ಫೈನಲ್​​ಗೆ ಭಾರತ ಮತ್ತು ಇಂಗ್ಲೆಂಡ್ ತಂಡಗಳು ತಲುಪಬೇಕು. ಆದರೆ, ನಿಮಗೂ ಗೊತ್ತು, ಆಸ್ಟ್ರೇಲಿಯಾ ಹಾಗೂ ನ್ಯೂಜಿ​ಲ್ಯಾಂಡ್​ ತಂಡಗಳು ಸಹ ಅತ್ಯುತ್ತಮ ತಂಡಗಳೇ ಎಂದು​ ಪಿಚ್ಚೈ ಹೇಳಿದ್ದಾರೆ. ಜೊತೆಗೆ ಕ್ರಿಕೆಟ್ ಮೇಲೆ ತಮಗೆ ಇರುವ​ ಪ್ರೀತಿ ಬಗ್ಗೆ ಹಂಚಿಕೊಂಡಿರುವ ಪಿಚೈ, ತಾನು ಕ್ರಿಕೆಟ್​ನತ್ತ ಹೇಗೆ ವಾಲಿದೆ ಎಂಬುದನ್ನು ಸಹ ತಿಳಿಸಿದ್ದಾರೆ.

ನಾನು ಮೊದಲು ಇಲ್ಲಿಗೆ ಬಂದಾಗ ಬೇಸ್​ ಬಾಲ್​ಗೆ ಹೊಂದಿಕೊಳ್ಳಲು ಪ್ರಯತ್ನಿಸಿದೆ. ಆದರೆ ಅದು ಸ್ವಲ್ಪ ಸವಾಲಿನದ್ದಾಗಿತ್ತು. ಕ್ರಿಕೆಟ್​ನಲ್ಲಿ ನೀವು ಪಿಚ್​ನಲ್ಲಿ ಓಡುವಾಗ ಬ್ಯಾಟ್​ ಅನ್ನು ಜೊತೆಗೆ ತೆಗೆದುಕೊಂಡು ಓಡಬೇಕಾಗುತ್ತದೆ. ಬೇಸ್​ ಬಾಲ್ ಆಡುವಾಗಲೂ ನಾನು ಸ್ಟಿಕ್ ಜೊತೆಯಲ್ಲಿ ಓಡುತ್ತಿದ್ದೆ. ಇದು ಕಷ್ಟವೆಂದು ತಿಳಿದ ಮೇಲೆ ಸ್ಟಿಕ್​ನಿಂದ ಕ್ರಿಕೆಟ್​ನತ್ತ ವಾಲಿದೆ ಎಂದು ಹೇಳಿದ್ದಾರೆ.

ಬೇಸ್‌ಬಾಲ್ ಆಡಿದ ನನ್ನ ಮೊದಲ ಪಂದ್ಯದಲ್ಲಿ ಚೆಂಡನ್ನು ನನ್ನ ಹಿಂಭಾಗದತ್ತ ಹೊಡೆದೆ. ಆದರೆ, ಇದೇ ಹೊಡೆತ ಕ್ರಿಕೆಟ್​ನಲ್ಲಿ ಹೊಡೆದರೆ ಅತ್ಯುತ್ತಮ ಹೊಡೆತವಾಗುತ್ತಿತ್ತು ಎಂದು ಹಾಸ್ಯ ಚಾಟಾಕಿಯನ್ನು ಸಹ ಹಾರಿಸಿದ ಪಿಚೈ, ಭಾರತ ತಂಡಕ್ಕೆ ಮುಂದಿನ ಪಂದ್ಯಗಳಲ್ಲಿ ಸಾಕಷ್ಟು ಸವಾಲುಗಳು ಎದುರಾಗಲಿವೆ ಎಂದು ಭವಿಷ್ಯ ನುಡಿದಿರುವುದು ನಿಖರ ವಿಶ್ಲೇಷಣೆಯಾಗಬಹುದು .

ಓದಿರಿ: 'ಗ್ಯಾಲಕ್ಸಿ ಎಂ40' ಲಾಂಚ್!..ಶಿಯೋಮಿಗೆ ಭಯ ಮೂಡಿಸಿದ ಬೆಲೆ ಮತ್ತು ಫೀಚರ್ಸ್!!