ಡೊಕೊಮೊ ಸರದಿ: ಭಾರತದಲ್ಲೇ ಅತೀ ಚೀಪೆಸ್ಟ್ ಪ್ಲಾನ್ ಲಾಂಚ್‌

ಡೊಕೊಮೊ ತಂದಿರುವ ಹೊಸ ಪ್ಲಾನ್‌ ಏನು?

ಅಂದಹಾಗೆ ಡೊಕೊಮೊ ತಂದಿರುವ ಹೊಸ ಪ್ಲಾನ್‌ ಅನ್ನು ವೆಬ್‌ ಅಥವಾ ಆನ್‌ಲೈನ್‌ ಮೂಲಕ ಆಕ್ಟಿವೇಶನ್ ಪಡೆಯಬಹುದಾಗಿದ್ದು, ಗ್ರಾಹಕರು 10GB ಅತೀ ವೇಗದ ಡೇಟಾವನ್ನು ರೂ.495 ಕ್ಕೆ ಪಡೆಯಬಹುದು.

ಅತೀ ವೇಗದ ಇಂಟರ್ನೆಟ್ ಸೇವೆಯ ಈ ಆಫರ್ ಇತರೆ ಟೆಲಿಕಾಂ ಸೇವೆಗಳಿಗೆ ಹೋಲಿಸಿದರೆ, ಅವುಗಳ ಬೆಲೆಯ ಅರ್ಧದಷ್ಟಿದೆ. ಯಾಕಂದ್ರೆ ಇತರೆ ಕಂಪನಿಗಳು 10GB 3G, 4G ಡೇಟಾಗೆ ರೂ.999 ಬೆಲೆ ವಿದಿಸುತ್ತವೆ.

ಬಿಎಸ್‌ಎನ್‌ಎಲ್‌ ಮಾತ್ರ 10GB ಡೇಟಾವನ್ನು ರೂ.550 ಕ್ಕೆ ತಿಂಗಳಿಗೆ ಚಾರ್ಜ್ ಮಾಡುತ್ತಿದೆ. ಅನ್‌ಲಿಮಿಟೆಡ್‌ ಡೇಟಾ ಆಫರ್‌ ಬೇಕಾದಲ್ಲಿ ರೂ.1,000 ಪಾವತಿಸಬೇಕಾಗುತ್ತದೆ. ಆದರೆ ಬಿಎಸ್‌ಎನ್‌ಎಲ್‌ ರೀತಿಯಲ್ಲಿ ಟಾಟಾ ಡೊಕೊಮೊ ಪ್ಲಾನ್‌ ಭಾರತದಾದ್ಯಂತ ಲಭ್ಯವಿಲ್ಲ. ಕೆಲವು ಕೇಂದ್ರಗಳ ಗ್ರಾಹಕರು ಭರ್ಜರಿ ಡೇಟಾ ಪ್ಯಾಕ್ ಪಡೆಯಬಹುದು ಅಷ್ಟೇ.

ಆಫರ್ ಯಾರು ಪಡೆಯಬಹುದು?

ಟಾಟಾ ಡೊಕೊಮೊ ಕೇವಲ 9 ವೃತ್ತಗಳಲ್ಲಿ ಆಫರ್ ನೀಡುತ್ತಿದ್ದು, 'ಮಧ್ಯ ಪ್ರದೇಶ, ಛತ್ತೀಸಘಡ, ಗುಜರಾತ್, ಹರಿಯಾಣ ಕರ್ನಾಟಕ, ಕೇರಳ, ಮಹಾರಾಷ್ಟ್ರ-ಗೋವಾ, ಪಂಜಾಬ್, ತಮಿಳು ನಾಡು, ರಾಜಸ್ತಾನ, ಮತ್ತು ಉತ್ತರ ಪ್ರದೇಶಗಳಲ್ಲಿ ಲಭ್ಯ. ಈ ಆಫರ್‌ ಅನ್ನು ಪ್ರಕಟಗೊಳಿಸಲಾಗಿದೆ. ಆದರೆ ಎಲ್ಲಾ ವೃತ್ತಗಳಲ್ಲಿ ಲಭ್ಯತೆ ಇನ್ನೂ ವಿಸ್ತರಣೆ ಆಗಬೇಕಿದೆ.

ಡೊಕೊಮೊದ ಆಫರ್‌ ಏಕೆ?

ರಿಲಾಯನ್ಸ್ ಜಿಯೋ ಲಾಂಚ್‌ನಿಂದ ಟಾಟಾ ಡೊಕೊಮೊಗೂ ಸಹ ಒಡೆತ ಬಿದ್ದಿದೆ. ಜಿಯೋ ಸಿಮ್‌ ಉಚಿತ ಎಂಬ ಕಾರಣದಿಂದ, ಡೊಕೊಮೊ ಬಳಕೆದಾರರು ಪೋರ್ಟ್‌ ಆಗುವ, ಅಥವಾ ಸಿಮ್‌ ಬಳಕೆ ಸ್ಥಗಿತಗೊಳಿಸುವ ಸಾಧ್ಯತೆಗಳು ಹೆಚ್ಚು ಇರುವುದರಿಂದ ಡೊಕೊಮೊ ಈ ಆಫರ್ ಜಾರಿಗೊಳಿಸಿದೆ.

ಜಿಯೋ ಲಾಂಚ್‌ಗೂ ಮೊದಲು ನೋಡುವುದಾದರೆ, 'ರಿಲಾಯನ್ಸ್ ಕಂಮ್ಯೂನಿಕೇಷನ್, ಡೊಕೊಮೊ, ಏರ್‌ಸೆಲ್‌' ಟೆಲಿಕಾಂ ಪ್ಲೇಯರ್‌ಗಳು ಅತೀ ಕಡಿಮೆ ಕರೆ ದರ ಆಫರ್ ಮಾಡುತ್ತಿದ್ದವು.

ಹೊಸ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ಗಳ ಆನ್‌ಲೈನ್ ಡೀಲ್‌ಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ