ಟಾಟಾಸ್ಕೈನಿಂದ ಗುಡ್‌ನ್ಯೂಸ್‌: ಎರಡು ತಿಂಗಳು ಹೆಚ್ಚುವರಿ ಉಚಿತ ಸೇವೆ!

ಹೌದು, ಟಾಟಾಸ್ಕೈ ಡಿಟಿಎಚ್ ಸಂಸ್ಥೆಯು ವಾರ್ಷಿಕ ರೀಚಾರ್ಜ್‌ಗೆ ಎರಡು ತಿಂಗಳ ಹೆಚ್ಚುವರಿ ಉಚಿತ ಸೇವೆಯನ್ನು ನೀಡಲಿದೆ. ಈ ದೀರ್ಘಕಾಲೀನ ರೀಚಾರ್ಜ್ ಆಯ್ಕೆಯನ್ನು ‘ಟಾಟಾ ಸ್ಕೈ ಕ್ಯಾಶ್‌ಬ್ಯಾಕ್' ಕೊಡುಗೆ ರೂಪದಲ್ಲಿ ಟಾಟಾಸ್ಕೈ ಒದಗಿಸುತ್ತಿದೆ. ಈ ವಾರ್ಷಿಕ ರೀಚಾರ್ಜ್‌ ಕೊಡುಗೆಯಲ್ಲಿ ಚಂದಾದಾರರಿಗೆ ಎರಡು ತಿಂಗಳ ಹೆಚ್ಚುವರಿ ಸೇವೆಯು ಲಭ್ಯವಾಗಲಿದೆ. ಲಾಕ್‌ಡೌನ್‌ ಅವಧಿಗೆ ಈ ಕೊಡುಗೆಯು ಗ್ರಾಹಕರಿಗೆ ಉಪಯುಕ್ತ ಅನಿಸಲಿದೆ.

ಸದ್ಯ ಟಾಟಾಸ್ಕೈ ಡಿಟಿಎಚ್‌ನ ವಾರ್ಷಿಕ ರೀಚಾರ್ಜ್‌ ಯೋಜನೆಯಲ್ಲಿ ಗ್ರಾಹಕರು ಯಾವುದೇ ಹೆಚ್ಚುವರಿ ವೆಚ್ಚವಿಲ್ಲದೆ ಒಂದು ತಿಂಗಳ ಹೆಚ್ಚುವರಿ ಸೇವೆಯು ಲಭ್ಯವಾಗುತ್ತಿದೆ. ಅದೇ ರೀತಿ ಈ ಹೊಸ ಕೊಡುಗೆಯಲ್ಲಿ ಎರಡು ತಿಂಗಳ ಹೆಚ್ಚುವರಿ ಸೇವೆಯು ಲಭ್ಯವಾಗುತ್ತದೆ. ಅಂದಹಾಗೆ ಈ ಕೊಡುಗೆಯು ಸಿಟಿಬ್ಯಾಂಕ್ ಖಾತೆಯ ಬಳಕೆದಾರರಿಗೆ ಮಾತ್ರ ಮೀಸಲಾಗಿದೆ. ಸಿಟಿಬ್ಯಾಂಕ್ ಬಳಕೆದಾರರು ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್‌ ಮೂಲಕ ವಾರ್ಷಿಕ ರೀಚಾರ್ಜ್ ಮಾಡಿಸಿಕೊಂಡು ಈ ಕೊಡುಗೆ ಪಡೆಯಬಹುದಾಗಿದೆ.

ವಾರ್ಷಿಕ ರೀಚಾರ್ಜ್ ಮಾಡಿಸಿಕೊಂಡ ಏಳು ಕೆಲಸದ ದಿನಗಳಲ್ಲಿ ಬಳಕೆದಾರರ ಖಾತೆಗೆ ಕ್ಯಾಶ್‌ಬ್ಯಾಕ್ ಮೊತ್ತವನ್ನು ಸಂಸ್ಥೆಯಿಂದ ಜಮಾ ಮಾಡಲಾಗುತ್ತದೆ. ಎರಡು ತಿಂಗಳ ಹೆಚ್ಚುವರಿ ಉಚಿತ ಸೇವೆಯ ಪೈಕಿ ಒಂದು ತಿಂಗಳ ಕ್ಯಾಶ್‌ಬ್ಯಾಕ್ ಅನ್ನು 48 ಗಂಟೆಗಳ ಒಳಗೆ ಜಮಾ ಮಾಡಲಾಗುವುದು ಮತ್ತು ಇನ್ನೊಂದು ತಿಂಗಳ ಕ್ಯಾಶ್‌ಬ್ಯಾಕ್ ಏಳು ದಿನಗಳಲ್ಲಿ ನೀಡಲಾಗುವುದು ಎಂದು ಸಂಸ್ಥೆಯು ಹೇಳಿದೆ. ಇನ್ನು ಈ ಕೊಡುಗೆ ಜೂನ್ 30, 2020 ರವರೆಗೆ ಲಭ್ಯವಿದೆ.

12 ಸೇವೆಗಳು ಉಚಿತ

ಕೋವಿಡ್-19 ಲಾಕ್‌ಡೌನ್‌ ಪರಿಣಾಮ ಟಾಟಾ ಸ್ಕೈ 12 ಸೇವೆಗಳು ಉಚಿತ ಎಂದಿದೆ. ಅವುಗಳೆಂದರೇ ಡ್ಯಾನ್ಸ್ ಸ್ಟುಡಿಯೋ, ಫನ್ ಲರ್ನ್ ಪ್ರಿಸ್ಕೂಲ್, ಫನ್ ಲರ್ನ್ ಜೂನಿಯರ್, ಅಡುಗೆ/ಕುಕ್ಕಿಂಗ್ ಮತ್ತು ಕ್ಲಾಸ್‌ರೂಮ್/ತರಗತಿಗಳು ಸೇರಿವೆ. ಇದರೊಂದಿಗೆ ಕಂಪನಿಯು ಹೆಚ್ಚುವರಿಯಾಗಿ ಫಿಟ್ನೆಸ್, ಸ್ಮಾರ್ಟ್ ಮ್ಯಾನೇಜರ್, ಜಾವೇದ್ ಅಖ್ತರ್, ಬ್ಯೂಟಿ, ವೈದಿಕ್ ಮ್ಯಾಥ್ಸ್ ಜೊತೆಗೆ ಇಂಗ್ಲಿಷ್ ಜೊತೆಗೆ ಹಿಂದಿ ಮತ್ತು ತೆಲುಗು ಸೇವೆಗಳಲ್ಲಿ ಇಂಗ್ಲಿಷ್ ಅನ್ನು ಸಹ ನೀಡುತ್ತಿದೆ.

ಉಚಿತ ನೀಡಿರುವ ಸೇವೆಗಳ ಶುಲ್ಕ

ಬ್ಯೂಟಿ, ಡ್ಯಾನ್ಸ್ ಸ್ಟುಡಿಯೋ ಮತ್ತು ಫನ್ ಲರ್ನ್ ಸೇರಿದಂತೆ ಟಾಟಾ ಸ್ಕೈ ಸೇವೆಗಳಲ್ಲಿ ಹೆಚ್ಚಿನವು ತಿಂಗಳಿಗೆ 59 ರೂ. ಶುಲ್ಕವನ್ನು ಹೊಂದಿವೆ. ಹಾಗೆಯೇ ಟಾಟಾ ಸ್ಕೈ ಅಡುಗೆ ಸಂಬಂಧಿದ ಸೇವೆಗಳ ಶುಲ್ಕವು 60 ರೂ. ಆಗಿದೆ. ಇನ್ನು ವೇದ ಗಣಿತ ಚಂದಾದಾರಿಕೆ ಶುಲ್ಕವು ದಿನಕ್ಕೆ 10 ರೂ. ಆಗಿದೆ. 91 ದಿನಗಳ ವ್ಯಾಲಿಡಿಟಿ ಅವಧಿ ಪಡೆದಿವೆ. ಆದ್ರೆ ಸದ್ಯ ಈ ಸೇವೆಗಳು ಉಚಿತವಾಗಿ ದೊರೆಯುತ್ತವೆ.