ಟಾಟಾಸ್ಕೈನ ನಿಗದಿತ ಡೇಟಾದ ಆರಂಭಿಕ ಬ್ರಾಡ್‌ಬ್ಯಾಂಡ್‌ ಪ್ಲ್ಯಾನ್ 790ರೂ!

ಹೌದು, ಟಾಟಾಸೈ ಸಂಸ್ಥೆಯ ಒಂದು ತಿಂಗಳ ನಿಗದಿತ ಡೇಟಾ ಮಿತಿಯ ಹಲವು ಬ್ರಾಡ್‌ಬ್ಯಾಂಡ್‌ ಯೋಜನೆಗಳಿವೆ. ಅವುಗಳಲ್ಲಿ 790ರೂ. ಯೋಜನೆಯು ಆರಂಭಿಕ ಫಿಕ್ಸಡ್ ಡೇಟಾ ಪ್ಲ್ಯಾನ್ ಆಗಿದೆ. ಇನ್ನು ಈ ಯೋಜನೆಯು ತಿಂಗಳಿಗೆ ಒಟ್ಟು 150 ಜಿಬಿ ಡೇಟಾದೊಂದಿಗೆ ಗ್ರಾಹಕರಿಗೆ 50 ಎಂಬಿಪಿಎಸ್ ವೇಗವನ್ನು ನೀಡುತ್ತದೆ. ಹಾಗೆಯೇ 950ರೂ, 1,000ರೂ, 1,050ರೂ ಮತ್ತು 1,470ರೂ. ಯೋಜನೆಗಳು ನಂತರದ ಪ್ರೈಸ್‌ಟ್ಯಾಗ್‌ನಲ್ಲಿ ಕಾಣಿಸಿಕೊಂಡಿವೆ. ಟಾಟಾಸ್ಕೈನ ಇತರೆ ಪ್ಲ್ಯಾನ್‌ಗಳ ಬಗ್ಗೆ ಮುಂದೆ ನೋಡೋಣ ಬನ್ನಿರಿ.

ಒಂದು ತಿಂಗಳ ಬ್ರಾಡ್‌ಬ್ಯಾಂಡ್‌ ಪ್ಲ್ಯಾನ್‌ಗಳು

ಟಾಟಾ ಸ್ಕೈ ಬ್ರಾಡ್‌ಬ್ಯಾಂಡ್ ಸೇವೆಯು ಹಲವು ವಿಶೇಷ ಪ್ಲ್ಯಾನ್‌ಗಳನ್ನು ಬಿಡುಗಡೆ ಮಾಡಿದೆ. ಅವುಗಳಲ್ಲಿ ಆರಂಭಿಕ 950ರೂ.ಗಳ ಪ್ಲ್ಯಾನ್‌ 25 Mbps ವೇಗದ ಸೌಲಭ್ಯ ಹೊಂದಿದೆ. ಹಾಗೆಯೇ 1,250ರೂ.ಗಳ ಪ್ಲ್ಯಾನ್‌ನಲ್ಲಿ 50 Mbps ಇಂಟರ್ನೆಟ್ ವೇಗ ಇದ್ದು, 1,150ರೂ.ಗಳ ಪ್ಲ್ಯಾನ್‌ 100 Mbps ವೇಗವನ್ನು ಒಳಗೊಂಡಿದೆ. ಇದೇ ರೀತಿ 1,900ರೂ.ಗಳ ಪ್ಲ್ಯಾನ್‌ನಲ್ಲಿ 300 Mbps ವರೆಗೂ ಇಂಟರ್ನೆಟ್ ವೇಗ ಲಭ್ಯವಾಗಲಿದೆ.

ಮೂರು ತಿಂಗಳ ಬ್ರಾಡ್‌ಬ್ಯಾಂಡ್‌ ಪ್ಲ್ಯಾನ್‌ಗಳು

ಮೂರು ತಿಂಗಳ ಯೋಜನೆಗಳಲ್ಲಿ 2,700 ರೂ.ಪ್ಲ್ಯಾನ್ ಆರಂಭಿಕವಾಗಿದೆ. ಈ ಯೋಜನೆಯು 25 Mbps ವೇಗದಲ್ಲಿ ಅನಿಯಮಿತ ಡೇಟಾವನ್ನು ನೀಡುತ್ತದೆ. ಎರಡನೇ ಯೋಜನೆ 3,000 ರೂ.ಗಳ ದರ ಹೊಂದಿದ್ದು, 50 Mbps ವೇಗದಲ್ಲಿ ಅನಿಯಮಿತ ಡೇಟಾವನ್ನು ನೀಡುತ್ತದೆ. ಅದೇ ರೀತಿ ಮೂರನೇ ಯೋಜನೆ 3,300 ರೂ. ಆಗಿದ್ದು, 100 Mbps ವೇಗದಲ್ಲಿ ಅನಿಯಮಿತ ಡೇಟಾವನ್ನು ನೀಡುತ್ತದೆ. ಇನ್ನು ಕೊನೆಯ ಯೋಜನೆ 5,400 ರೂ. ಬೆಲೆಯನ್ನು ಪಡೆದಿದ್ದು, 300 Mbps ವೇಗದಲ್ಲಿ ಅನಿಯಮಿತ ಡೇಟಾವನ್ನು ನೀಡುತ್ತದೆ. ಎಲ್ಲಾ ಯೋಜನೆಗಳೊಂದಿಗೆ ಉಚಿತ ರೂಟರ್, ಉಚಿತ ಇನ್‌ಸ್ಟಾಲೇಶನ್‌ ಸೇವೆ ಸಿಗಲಿದೆ.

ಆರು ತಿಂಗಳ ಬ್ರಾಡ್‌ಬ್ಯಾಂಡ್‌ ಪ್ಲ್ಯಾನ್‌ಗಳು

ಟಾಟಾ ಸ್ಕೈ ಬ್ರಾಡ್‌ಬ್ಯಾಂಡ್‌ನ ಆರು ತಿಂಗಳ ಯೋಜನೆಗಳು 4,860 ರೂ. ಪ್ಲ್ಯಾನ್‌ನಿಂದ ಆರಂಭವಾಗುತ್ತವೆ. ಈ ಯೋಜನೆಯು 25 Mbps ವೇಗದಲ್ಲಿ ಅನಿಯಮಿತ ಡೇಟಾವನ್ನು ನೀಡುತ್ತದೆ. ಎರಡನೇ ಯೋಜನೆ 5,400 ರೂ. ದರವನ್ನು ಹೊಂದಿದ್ದು, ಅನಿಯಮಿತ ಡೇಟಾ ಜೊತೆ 50 Mbps ಇಂಟರ್ನೆಟ್ ವೇಗ ಇರಲಿದೆ. ಮೂರನೇ ಯೋಜನೆ 5,940 ರೂ. ಪ್ರೈಸ್‌ ಆಗಿದ್ದು, 100 Mbps ವೇಗದಲ್ಲಿ ಅನಿಯಮಿತ ಡೇಟಾವನ್ನು ನೀಡುತ್ತದೆ. ನಾಲ್ಕನೇ ಯೋಜನೆ 9,720 ರೂ. ಆಗಿದ್ದು, 300 Mbps ವೇಗದಲ್ಲಿ ಅನಿಯಮಿತ ಡೇಟಾವನ್ನು ಹೊಂದಿದೆ.

ವಾರ್ಷಿಕ ಅವಧಿಯ ಬ್ರಾಡ್‌ಬ್ಯಾಂಡ್‌ ಪ್ಲ್ಯಾನ್‌ಗಳು

ವಾರ್ಷಿಕ ಅವಧಿಯ ಬ್ರಾಡ್‌ಬ್ಯಾಂಡ್‌ ಪ್ಲ್ಯಾನ್‌ಗಳು 9,180 ರೂ. ಪ್ಲ್ಯಾನ್‌ ಮೊದಲನೇಯದ್ದಾಗಿದೆ. ಈ ಯೋಜನೆಯು ಅನಿಯಮಿತ ಡೇಟಾವನ್ನು 25 Mbps ವೇಗದಲ್ಲಿ ನೀಡುತ್ತದೆ. ಎರಡನೇ ಯೋಜನೆ 10,200 ರೂ. ದರ ಪಡೆದಿದ್ದು, ಅನಿಯಮಿತ ಡೇಟಾದ ಜೊತೆ 50 Mbps ವೇಗ ಇಂಟರ್ನೆಟ್ ಸೇವೆ ನೀಡುತ್ತದೆ. ಮೂರನೇ ಯೋಜನೆ 11,220 ರೂ. ಆಗಿದ್ದು, ಅನಿಯಮಿತ ಡೇಟಾವನ್ನು 100 Mbps ವೇಗದಲ್ಲಿ ನೀಡುತ್ತದೆ. ಹಾಗೆಯೇ ಕೊನೆಯ ಯೋಜನೆ 18,360 ರೂ. ಬೆಲೆ ಹೊಂದಿದ್ದು, 300 Mbps ವೇಗದಲ್ಲಿ ಅನಿಯಮಿತ ಡೇಟಾವನ್ನು ನೀಡುತ್ತದೆ.