ಈ ತಿಂಗಳು ಫೋನ್ ಖರೀದಿಸುವ ಪ್ಯ್ಲಾನ್‌ ಇದೆಯಾ?.ಹಾಗಿದ್ರೆ ಸ್ವಲ್ಪ ಕಾಯಿರಿ!

ಐಫೋನ್ 11 ಸರಣಿ

ಜನಪ್ರಿಯ ಐಫೋನ್‌ 11 ಸರಣಿ ಇದೇ ಸೆಪ್ಟಂಬರ್ 10ರಂದು ಬಿಡುಗಡೆ ಆಗುವುದು ಬಹುತೇಕ ಖಚಿತವಾಗಿದೆ. ಈಗಾಗಲೇ ಐಫೋನ್‌ 11 ಸರಣಿ ವಿಶೇಷ ಫೀಚರ್ಸ್‌ಗಳ ಕುರಿತು ಮಾಹಿತಿಗಳು ಲೀಕ್ ಆಗಿದ್ದು, ಐಫೋನ್‌ ಪ್ರಿಯರ ನಿರೀಕ್ಷೆಗಳನ್ನು ಡಬಲ್ ಮಾಡಿವೆ. ಈ ಐಫೋನ್ 11 ಸರಣಿಯು 'ಐಫೋನ್ 11 ಪ್ರೊ, 'ಐಫೋನ್ 11 ಆರ್' ಮತ್ತು 'ಐಫೋನ್ 11 ಪ್ರೊ ಮ್ಯಾಕ್ಸ್' ಮಾದರಿಗಳನ್ನು ಒಳಗೊಂಡಿರಲಿದೆ. ಈ ಸರಣಿಯು ಹೊಸ ಬಣ್ಣಗಳ ಆಯ್ಕೆ ಮತ್ತು ಐಓಎಸ್‌ 13 ಓಎಸ್‌ ಹೊಂದಿರಲಿದೆ.

ವಿವೋ ನೆಕ್ಸ್‌ 3

ವಿವೋ ಕಂಪನಿಯ ಇದೇ ಸೆಪ್ಟಂಬರ್‌ 12ರಂದು 'ವಿವೋ ನೆಕ್ಸ್‌ 3' ಸ್ಮಾರ್ಟ್‌ಫೋನ್‌ ಬಿಡುಗಡೆ ಮಾಡಲು ಉತ್ಸುಕವಾಗಿದೆ. ಈ ಫೋನ್ ಸಹ ಈಗಾಗಲೇ ತನ್ನ ಬಿಗ್ ಬ್ಯಾಟರಿ ಬ್ಯಾಕ್‌ಅಪ್ ಮತ್ತು 44W ಫಾಸ್ಟ್‌ ಚಾರ್ಜಿಂಗ್ ತಂತ್ರಜ್ಞಾನದಿಂದ ಗ್ರಾಹಕರಲ್ಲಿ ನಿರೀಕ್ಷೆಗಳನ್ನು ಮೂಡಿಸಿದೆ. ಹಾಗೆಯೇ ಈ ಸ್ಮಾರ್ಟ್‌ಫೋನ್ ತ್ರಿವಳಿ ಕ್ಯಾಮೆರಾ ಸೆಟ್‌ಅಪ್‌ ಒಳಗೊಂಡಿದ್ದು, ಸೆಲ್ಫಿಗಾಗಿ ಪಾಪ್‌ಅಪ್‌ ಕ್ಯಾಮೆರಾ ಹೊಂದಿರಲಿದೆ. ಕ್ವಾಲ್ಕಮ್ ಸ್ನ್ಯಾಪ್‌ಡ್ರಾಗನ್ 855 SoC ಪ್ರೊಸೆಸರ್‌ ಶಕ್ತಿಯನ್ನು ಪಡೆದಿರಲಿದೆ.

ಒಪ್ಪೊ ರೆನೋ 2

ಚೀನಾ ಮೂಲದ ಜನಪ್ರಿಯ ಒಪ್ಪೊ ಕಂಪನಿಯು ರೆನೋ ಸರಣಿಯ ಮೂಲಕ ಗ್ರಾಹಕರಿಂದ ಸೈ ಎನಿಸಿಕೊಂಡಿದ್ದು, ಅದರ ಮುಂದುವರಿದ ಭಾಗವಾಗಿ ಇದೀಗ ಒಪ್ಪೊ ರೆನೋ 2 ಲಾಂಚ್‌ಗೆ ತಯಾರಾಗಿದೆ. ಈ ಫೋನ್ 20X ಜೂಮ್ ಸಾಮರ್ಥ್ಯದೊಂದಿಗೆ 48ಎಂಪಿ ಕ್ಯಾಮೆರಾ ಸೆನ್ಸಾರ್‌ ಹೊಂದಿದ್ದು, ಸ್ನ್ಯಾಪ್‌ಡ್ರಾಗನ್ 730G ಚಿಪ್‌ಸೆಟ್‌ ಇರಲಿದೆ. ಹಾಗೆಯೇ 4000mAh ಬ್ಯಾಟರಿ ಒಳಗೊಂಡಿರಲಿದ್ದು, VOOC ಫಾಸ್ಟ್‌ ಚಾರ್ಜಿಂಗ್ ಸೌಲಭ್ಯವನ್ನು ಪಡೆದಿರಲಿದೆ.

ರಿಯಲ್‌ ಮಿ Q

ಜನಪ್ರಿಯ ಸ್ಮಾರ್ಟ್‌ಫೋನ್‌ ಕಂಪನಿಗಳ ಪೈಕಿ ಇಂದಾಗಿರುವ 'ರಿಯಲ್‌ ಮಿ' ಯು ಸಹ ಇದೀಗ ಹೈ ಎಂಡ್‌ ಸ್ಮಾರ್ಟ್‌ಫೋನ್‌ ಬಿಡುಗಡೆ ಮಾಡಲು ಸಜ್ಜಾಗಿದೆ. ಇದೇ ಸೆಪ್ಟೆಂಬರ್‌ 5ರಂದು ಚೀನಾದಲ್ಲಿ ರಿಯಲ್‌ ಮಿ Q ಸ್ಮಾರ್ಟ್‌ಫೋನ್ ಲಾಂಚ್‌ ಮಾಡುವುದಾಗಿ ತಿಳಿಸಿದೆ. ರಿಯಲ್‌ ಮಿ Q ಸ್ಮಾರ್ಟ್‌ಫೋನ್ ಸಹ 48ಎಂಪಿ ಕ್ಯಾಮೆರಾ ಒಳಗೊಂಡಿರಲಿದ್ದು, ಸೋನಿಯ IMX586 ಸೆನ್ಸಾರ್‌ ಕ್ಯಾಮೆರಾ ಪಡೆದಿರಲಿದೆ. ಹಾಗೆಯೇ ಸ್ನ್ಯಾಪ್‌ಡ್ರಾಗನ್ 712 ಪ್ರೊಸೆಸರ್‌ ಬಲ ಇರಲಿದೆ.