ಗ್ರಾಹಕರ ಹಿತರಕ್ಷಣೆಗಾಗಿ TRAI ನಿಂದ ಚಾನೆಲ್ ಸೆಲೆಕ್ಟರ್ ಅಪ್ಲಿಕೇಶನ್ ಬಿಡುಗಡೆ!

ಹೌದು, ಟೆಲಿಕಾಂ ರೆಗ್ಯುಲೇಟರಿ ಅಥಾರಿಟಿ ಆಫ್ ಇಂಡಿಯಾ ಪ್ರಸಾರ ಸೇವೆಗಳಿಗಾಗಿ ಹೊಸ ತೆರಿಗೆಯ ಆದೇಶವನ್ನು ಜಾರಿಗೊಳಿಸಿದ ನಂತರ, ವೆಬ್ ಪೋರ್ಟಲ್‌ನಲ್ಲಿ ಅಥವಾ ಆಯಾ ಡಿಸ್ಟ್ರಿಬ್ಯೂಟೆಡ್ ಪ್ಲಾಟ್‌ಫಾರ್ಮ್ ಆಪರೇಟರ್‌ಗಳ (ಡಿಪಿಒ) ಅಪ್ಲಿಕೇಶನ್‌ಗಳಲ್ಲಿ ಟಿವಿ ಚಾನೆಲ್‌ಗಳು ಅಥವಾ ತಮ್ಮ ಆಯ್ಕೆಯ ಚಾನೆಲ್‌ಗಳನ್ನು ಆರಿಸಿಕೊಳ್ಳಲು ಗ್ರಾಹಕರು ತೊಂದರೆ ಅನುಭವಿಸುತ್ತಿರುವುದು ಗಮನಕ್ಕೆ ಬಂದಿದೆ ಎಂದು TRAI ಹೇಳಿಕೆಯಲ್ಲಿ ತಿಳಿಸಿದೆ. ಈ ಕಾರಣಕ್ಕಾಗಿದೆ ಹೊಸ ಮಾದರಿಯ ಅಪ್ಲಿಕೇಶನ್‌ ಅನ್ನು ಪ್ರಾರಂಭಿಸಲಾಗಿದೆ ಎಂದು ಟ್ರಾಯ್‌ ಹೇಳಿಕೊಂಡಿದೆ.

ಸದ್ಯ ಡಿಪಿಒಗಳಿಂದ ಡೇಟಾವನ್ನು ಪಡೆಯುವಂತಹ ಅಪ್ಲಿಕೇಶನ್ ಅನ್ನು ಅಭಿವೃದ್ಧಿಪಡಿಸಲು ಪ್ರಾಧಿಕಾರ ನಿರ್ಧರಿಸಿದೆ. TRAI ಚಾನೆಲ್ ಸೆಲೆಕ್ಟರ್ ಅಪ್ಲಿಕೇಶನ್ ಆಂಡ್ರಾಯ್ಡ್ ಮತ್ತು ಐಒಎಸ್ ಗಾಗಿ ಗೂಗಲ್ ಪ್ಲೇ ಮತ್ತು ಆಪ್ ಸ್ಟೋರ್ ಮೂಲಕ ಲಭ್ಯವಿದೆ. ಇದು ಪ್ರಸ್ತುತ ಪ್ರಮುಖ ಡಿಟಿಎಚ್ ಆಪರೇಟರ್‌ಗಳು ಮತ್ತು ಮಲ್ಟಿ ಸಿಸ್ಟಮ್ ಆಪರೇಟರ್‌ಗಳೊಂದಿಗೆ ಕಾರ್ಯನಿರ್ವಹಿಸುತ್ತಿದೆ. ಆದಾಗ್ಯೂ, ವೇದಿಕೆಯಲ್ಲಿ ಇತರ ಸೇವಾ ಪೂರೈಕೆದಾರರನ್ನು ಸಂಯೋಜಿಸುವ ಪ್ರಯತ್ನಗಳು ನಡೆಯುತ್ತಿವೆ ಎಂದು TRAI ತಿಳಿಸಿದೆ.

ಇನ್ನು ಟಿವಿ ಚಂದಾದಾರರಿಗೆ ವಿಶ್ವಾಸಾರ್ಹ, ದೃಡವಾದ ಮತ್ತು ಪಾರದರ್ಶಕ ವ್ಯವಸ್ಥೆಗಳನ್ನು ಒದಗಿಸಲು ಟಿವಿ ಚಾನೆಲ್ ಸೆಲೆಕ್ಟರ್ ಆಪ್ ಅನ್ನು ಅಭಿವೃದ್ಧಿಪಡಿಸಿದೆ ಎಂದು ಹೇಳಿದೆ. ಅಲ್ಲದೆ ಚಂದಾದಾರರನ್ನು ತಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಯಲ್ಲಿ ಒಟಿಪಿ ಮೂಲಕ ದೃಡಿಕರಿಸುತ್ತದೆ. ಒಂದು ವೇಳೆ ಡಿಪಿಒ ಹೊಂದಿರುವ ಚಂದಾದಾರರ ನೋಂದಾಯಿತ ಮೊಬೈಲ್ ಸಂಖ್ಯೆ ಇಲ್ಲದಿದ್ದರೆ, ಚಂದಾದಾರರು ತಮ್ಮ ಟಿವಿ ಪರದೆಯಲ್ಲಿ ಒಟಿಪಿ ಪಡೆಯುತ್ತಾರೆ. ಜೊತೆಗೆ ಅಪ್ಲಿಕೇಶನ್ ಚಂದಾದಾರರಿಗೆ ತಮ್ಮದೇ ಆದ ಚಂದಾದಾರಿಕೆಯನ್ನು ಪರಿಶೀಲಿಸಲು, ಅವರ ಡಿಟಿಎಚ್ ಅಥವಾ ಕೇಬಲ್ ಆಪರೇಟರ್ ಒದಗಿಸಿದ ಎಲ್ಲಾ ಚಾನಲ್‌ಗಳನ್ನು ವೀಕ್ಷಿಸಲು, ಆಸಕ್ತಿಯ ಚಾನಲ್‌ಗಳನ್ನು ಮಾತ್ರ ಆಯ್ಕೆ ಮಾಡಲು ಮತ್ತು ಅನಗತ್ಯ ಚಾನಲ್‌ಗಳನ್ನು ತೆಗೆದುಹಾಕಲು ಇದರಿಂದ ಅನುಕೂಲವಾಗಲಿದೆ.

ಇದಲ್ಲದೆ ಬಳಕೆದಾರರು ಆಯ್ಕೆ ಮಾಡಿದ ಚಾನಲ್‌ಗಳು ಅಥವಾ ಹೂಗುಚ್ಚಗಳ ಉತ್ತಮ ಸಂಯೋಜನೆಯನ್ನು ಒಂದೇ ಬೆಲೆಯಲ್ಲಿ ಅಥವಾ ಕಡಿಮೆ ಬೆಲೆಯಲ್ಲಿ ಆಪ್ ಬಳಸುವ ಮೂಲಕ ಪಡೆಯಬಹುದು ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ. ಅಸ್ತಿತ್ವದಲ್ಲಿರುವ ಚಂದಾದಾರಿಕೆಯನ್ನು ಮಾರ್ಪಡಿಸಲು ಮತ್ತು ನಿಮ್ಮ ಚಂದಾದಾರಿಕೆ ವಿನಂತಿಯ ನೈಜ ಸಮಯದ ಸ್ಥಿತಿಯನ್ನು ಪರಿಶೀಲಿಸುವ ಸೌಲಭ್ಯವನ್ನೂ ಇದು ಗ್ರಾಹಕರಿಗೆ ನೀಡುತ್ತದೆ. ಇನ್ನು ಅಪ್ಲಿಕೇಶನ್‌ನ ಮತ್ತೊಂದು ಪ್ರಮುಖ ಲಕ್ಷಣವೆಂದರೆ ಚಂದಾದಾರಿಕೆಯನ್ನು ಡಿಟಿಎಚ್ ಅಥವಾ ಕೇಬಲ್ ಆಪರೇಟರ್‌ಗೆ ಕಳುಹಿಸುವ ಮೊದಲು ಅದನ್ನು ಉತ್ತಮಗೊಳಿಸುವುದು ಮತ್ತು ಆದ್ದರಿಂದ, ಚಂದಾದಾರರು ಹಣಕ್ಕೆ ಉತ್ತಮ ಮೌಲ್ಯವನ್ನು ಪಡೆಯಬಹುದು ಎಂದು ಟ್ರಾಯ್ ಹೇಳಿದೆ.