ಬರಲಿದೆ 'ವಿವೋ' Z ಸರಣಿಯ ವೇಗದ ಪ್ರೊಸೆಸರ್ ಪೋನ್‌!.ಬರೆಯಲಿದೆ ಹೊಸ ದಾಖಲೆ!

ಹೊಸ ಪ್ರೊಸೆಸರ್ ನಿರೀಕ್ಷೆ

ವಿವೋ ಕಂಪನಿಯ ಹೊಸ Z ಸರಣಿಯ ಸ್ಮಾರ್ಟ್‌ಫೋನ್‌ ಸ್ನ್ಯಾಪ್‌ಡ್ರಾಗನ್ 712 CPU ಪ್ರೊಸೆಸರ್‌ ಶಕ್ತಿಯನ್ನು ಹೊಂದಿದ್ದು, ಮಿಡ್‌ರೇಂಜ್‌ ಸೆಗ್ಮೆಂಟ್‌ ಬೆಲೆಯಲ್ಲಿ ಹೊಸ ಪರಂಪರೆ ಬರೆಯಲಿದೆ. ಏಕೆದಂರೇ ಈ ಮಿಡ್‌ರೇಂಜ್‌ ಬೆಲೆಯಲ್ಲಿ ಬಿಡುಗಡೆ ಆಗುವ Z ಸರಣಿಯ ಮೊದಲ ಸ್ಮಾರ್ಟ್‌ಫೋನ್‌ನಲ್ಲಿ ನೂತನ ಫೀಚರ್ಸ್‌ಗಳನ್ನು ಅಳವಡಿಸುವ ನಿರೀಕ್ಷೆಗಳನ್ನು ಕಂಪನಿಯು ಹುಟ್ಟುಹಾಕಿದೆ.

ರಿಚ್‌ ಕ್ಯಾಮೆರಾ ಸೆಟ್‌ಅಪ್‌

Z ಸರಣಿಯ ಸ್ಮಾರ್ಟ್‌ಫೋನ್‌ನಲ್ಲಿ ಹಲವು ಹೊಸತನಗಳನ್ನು ಅಳವಡಿಸಲಿರುವ ವಿವೋ ಕಂಪನಿಯು ಕ್ಯಾಮೆರಾ ವಿಷಯದಲ್ಲಿ ಹಿಂದಿನಿಂದಲೂ ಗಮನ ನೀಡುತ್ತಲೆ ಬಂದಿದೆ. ವಿವೋ ವಿ15 ಪ್ರೊ ಮೂಲಕ ಮೊದಲ ಬಾರಿಗೆ 32ಎಂಪಿಯ ಪಾಪ್‌ಅಪ್‌ ಸೆಲ್ಫಿ ಕ್ಯಾಮೆರಾವನ್ನು ಪರಿಚಯಿಸಿ, ಮೊಬೈಲ್‌ ಮಾರುಕಟ್ಟೆ ಬೆರಗಾಗುವಂತೆ ಮಾಡಿತ್ತು. ಹಾಗೆಯೇ ಈಗ ಬಿಡುಗಡೆ ಆಗಲಿರುವ ಹೊಸ ಸರಣಿಯು ಅತ್ಯುತ್ತಮ ಕ್ಯಾಮೆರಾ ಫೀಚರ್ಸ್‌ ಹೊಂದಿರುವ ಸಾಧ್ಯತೆಗಳಿದ್ದು, ಎಚ್‌ಆರ್‌ಡಿ, ಬ್ಯೂಟಿ ಮೋಡ್‌, ಜೊತೆಗೆ ಇನ್ನಷ್ಟು ವಿಶೇಷತೆಗಳು ಸೇರಲಿವೆ.

ಮಲ್ಟಿಮೀಡಿಯಾದಲ್ಲಿ ಹೊಸತನ

ವಿವೋ ಕಂಪನಿಯು ಈಗಾಗಲೇ ತನ್ನ ಇತ್ತೀಚಿನ ಸ್ಮಾರ್ಟ್‌ಫೋನ್‌ಗಳಲ್ಲಿ ಮಲ್ಟಿಮೀಡಿಯಾ ಸೌಲಭ್ಯಗಳನ್ನು ವೃದ್ದಿಸಿದ್ದು, ಅಡ್ವಾನ್ಸಡ್ ಫೀಚರ್ಸ್‌ಗಳನ್ನು ಪರಿಚಯಿಸಿದೆ. ಇದರ ಮುಂದುವರೆದ ಭಾಗವಾಗಿ ಕಂಫನಿಯು ತನ್ನ ಹೊಸ Z ಸರಣಿಯ ಸ್ಮಾರ್ಟ್‌ಫೋನ್‌ಗಳಲ್ಲಿ ಅಂಚು ರಹಿತ ಫುಲ್‌ಸ್ಕ್ರೀನ್‌ ಡಿಸ್‌ಪ್ಲೇ ವೀಕ್ಷಣೆ, FHD+ ಪ್ಯಾನಲ್‌ನಲ್ಲಿ ಹೊಸತನದ ಬದಲಾವಣೆಗಳನ್ನು ಗ್ರಾಹಕರಿಗೆ ಪರಿಚಯಿಸಲಿದೆ.

ಇತರೆ ಸೌಲಭ್ಯಗಳು

ವಿವೋ ಕಂಪನಿಯ Z ಸರಣಿಯ ಹೊಸ ಸ್ಮಾರ್ಟ್‌ಫೋನ್‌ನಲ್ಲಿ ತ್ರಿವಳಿ ಕ್ಯಾಮೆರಾ ಫೀಚರ್ಸ್‌ ಅನ್ನು ನೀಡಲಿದ್ದು, ವೈಲ್ಡ್‌ ಆಂಗಲ್‌ ಲೆನ್ಸ್‌ಗಳನ್ನು ಅಳವಡಿಸುವ ಸಾಧ್ಯತೆಗಳಿವೆ. ಹಾಗೆಯೇ ನೂತನ ಆಂಡ್ರಾಯ್ಡ್‌ ಓಎಸ್‌, ಮತ್ತು ಪವರ್‌ಫುಲ್‌ ಬ್ಯಾಟರಿ ಶಕ್ತಿಯನ್ನು ನೀಡುವ ಸೂಚನೆಗಳನ್ನು ಹೊರಹಾಕಿದೆ. ಗುಣಮಟ್ಟದ ಸೌಂಡ್‌ಗಾಗಿ ಸ್ಟೀರಿಯೊ ಸ್ಪೀಕರ್ಸ್‌ಗಳನ್ನು ಸಹ ಅವಳಡಿಸುವ ನಿರೀಕ್ಷೆಗಳಿವೆ.

ಆನ್‌ಲೈನ್‌ ಮಾರುಕಟ್ಟೆಯತ್ತ ಗಮನ

ವಿವೋ ಈಗಾಗಲೇ ಆಫ್‌ಲೈನ್‌ ಮಾರುಕಟ್ಟೆಯಲ್ಲಿ ಉತ್ತಮ ಪ್ರತಿಕ್ರಿಯೇ ಹೊಂದಿದ್ದು, ಈಗ ಆನ್‌ಲೈನ್‌ನತ್ತ ಮನಸ್ಸು ಮಾಡಿದೆ. ಆನ್‌ಲೈನ್‌ ಮಾರುಕಟ್ಟೆಯಲ್ಲಿ ಸದ್ಯ ಸ್ಮಾರ್ಟ್‌ಫೋನ್‌ಗಳ ಮಾರಾಟ ಉತ್ತಮವಾಗಿದ್ದು, ವಿವೋ ಸಹ ತನ್ನ ಹೊಸ ಸರಣಿಯನ್ನು ಆನ್‌ಲೈನ್‌ ಮಾರುಕಟ್ಟೆಗೆ ಮೊದಲು ಪರಿಚಯಿಸುವ ಸಿದ್ಧತೆಗಳಲ್ಲಿದೆ. ಸ್ಯಾಮ್‌ಸಂಗ್, ಶಿಯೋಮಿ, ಹಾನರ್‌ ಮತ್ತು ಆಸೂಸ್‌ ಕಂಪನಿಗಳಿಗೆ ಆನ್‌ಲೈನ್‌ ಮಾರುಕಟ್ಟೆಯಲ್ಲಿ ಪೈಪೋಟಿ ನೀಡಲಿದೆ.