Click it and Unblock the Notifications
Smartphones: ಹೊಸ ಸ್ಮಾರ್ಟ್ಫೋನ್ ಕೊಂಡುಕೊಳ್ಳಲು ಮುಂದಾಗಿದ್ದೀರಾ? ಸ್ವಲ್ಪ ಇರಿ ಹೊಸ ವರ್ಷಕ್ಕೆ ಇವು ಲಾಂಚ್ ಆಗಲಿವೆ!
ವರ್ಷಾಂತ್ಯದ ಹಿನ್ನೆಲೆ ಸಾಕಷ್ಟು ಸ್ಮಾರ್ಟ್ಫೋನ್ಗಳಿಗೆ (Smartphones) ಪ್ರಮುಖ ಇ-ಕಾಮರ್ಸ್ ಸೈಟ್ ಮೂಲಕ ಭಾರೀ ಆಫರ್ ಘೋಷಣೆ ಮಾಡಲಾಗಿದೆ. ಪರಿಣಾಮ ಫೋನ್ಗಳ ಖರೀದಿ ಜೊತೆಗೆ ಹಣವನ್ನು ಸಹ ಉಳಿತಾಯ ಮಾಡಬಹುದಾಗಿದೆ. ಈ ಕಾರಣಕ್ಕೆ ಜನರು ಹೊಸ ಹೊಸ ಫೋನ್ಗಳಿಗೆ ಅಪ್ಗ್ರೇಡ್ ಆಗಲು ಮುಂದಾಗಿದ್ದಾರೆ.
ಹೌದು, ಇತ್ತೀಚಿನ ಹೊಸ ಸ್ಮಾರ್ಟ್ಫೋನ್ಗಳು ಭಿನ್ನ ಫೀಚರ್ಸ್ ಆಯ್ಕೆ ಪಡೆದಿದ್ದು, ಹೆಚ್ಚಿನ ಬೇಡಿಕೆ ಪಡೆದುಕೊಂಡಿವೆ. ಅದರಲ್ಲೂ ಬಜೆಟ್ ಬೆಲೆಯಿಂದ ಹಿಡಿದು ದುಬಾರಿ ಬೆಲೆಯ ಫೋನ್ಗಳು ಬಳಕೆದಾರರಿಗೆ ಅಗತ್ಯ ಸೇವೆಗಳನ್ನು ನೀಡುತ್ತಿವೆ. ಈ ಎಲ್ಲಾ ಬೆಳವಣಿಗೆ ನಡುವೆ ಮುಂದಿನ ವರ್ಷದ ಆರಂಭದಲ್ಲೇ ಕೆಲವು ಹೊಸ ಫೋನ್ಗಳು ಅನಾವರಣ ಆಗಲಿದ್ದು, ಈ ಫೋನ್ಗಳು ಲಾಂಚ್ ಆಗುವ ಮುನ್ನವೇ ಬಹಳಷ್ಟು ಸದ್ದು ಮಾಡುತ್ತಿವೆ. ನೀವೇನಾದ್ರೂ ಈ ವೇಳೆ ಹೊಸ ಫೋನ್ ಖರೀದಿ ಮಾಡಲು ಮುಂದಾದರೆ ಈ ಲೇಖನ ನಿಮಗೆ ಅನುಕೂಲ ಆಗಲಿದೆ. ಹಾಗಿದ್ರೆ, ಬನ್ನಿ ಯಾವೆಲ್ಲಾ ಫೋನ್ಗಳು ಮುಂದಿನ ವರ್ಷದ ಆರಂಭದಲ್ಲಿ ಲಾಂಚ್ ಆಗಲಿವೆ ಅನ್ನೋದನ್ನು ನೋಡೋಣ.
ಶಿಯೋಮಿ ರೆಡ್ಮಿ ನೋಟ್ 13 ಸರಣಿ: ಈ ಸ್ಮಾರ್ಟ್ಫೋನ್ಗಳನ್ನು (Xiaomi Redmi Note 13 series) ಜನವರಿ 4 ರಂದು ಬಿಡುಗಡೆ ಮಾಡುವುದಾಗಿ ಈಗಾಗಲೇ ಕಂಪೆನಿ ಮಾಹಿತಿ ನೀಡಿದೆ. ಈ ಫೋನ್ಗಳ ವಿಭಾಗದಲ್ಲಿ ಮೂರು ವೇರಿಯಂಟ್ ಆಯ್ಕೆ ಇದ್ದು, ಅದರಲ್ಲಿ ರೆಡ್ಮಿ ನೋಟ್ 13, ರೆಡ್ಮಿ ನೋಟ್ 13 ಪ್ರೊ, ಮತ್ತು ರೆಡ್ಮಿ ನೋಟ್ 13 ಪ್ರೊ ಪ್ಲಸ್ ಗಳು ಲಾಂಚ್ ಆಗಲಿವೆ. ಈ ಸ್ಮಾರ್ಟ್ಫೋನ್ಗಳು ಮೀಡಿಯಾ ಟೆಕ್ ಡೈಮೆನ್ಸಿಟಿ 7200 ಪ್ರೊಸೆಸರ್ ಅನ್ನು ಹೊಂದಲಿದೆ ಎನ್ನಲಾಗಿದ್ದು, 5000mAh ಸಾಮರ್ಥ್ಯದ ಬ್ಯಾಟರಿ ಆಯ್ಕೆ ಪಡೆದುಕೊಂಡಿರಲಿದೆ ಎಂದು ತಿಳಿದುಬಂದಿದೆ.
ಒನ್ಪ್ಲಸ್ 12 ಸರಣಿ: ಈ ಸ್ಮಾರ್ಟ್ಫೋನ್ (OnePlus 12 series) ಅನ್ನು ಭಾರತದಲ್ಲಿ ಜನವರಿ 23 ರಂದು ಅನಾವರಣ ಮಾಡಲಾಗುವುದು ಎಂದು ಕಂಪೆನಿ ಮಾಹಿತಿ ನೀಡಿದೆ. ಈ ಫೋನ್ಗಾಗಿ ಜನರು ಬಹಳ ಕಾತುರರಿಂದ ಕಾದು ಕುಳಿತಿದ್ದಾರೆ. ಇನ್ನು ಈ ಫೋನ್ 6.8 ಇಂಚಿನ ಅಮೋಲೆಡ್ ಡಿಸ್ಪ್ಲೇ ಆಯ್ಕೆ ಪಡೆದಿದ್ದು, ಸ್ನಾಪ್ಡ್ರಾಗನ್ 8 ಜನ್ 3 ಚಿಪ್ಸೆಟ್ನಿಂದ ಕಾರ್ಯನಿರ್ವಹಿಸಲಿದೆ. ಇದರೊಂದಿಗೆ 100W ವೇಗದ ಚಾರ್ಜಿಂಗ್ ಮತ್ತು 50W ವೈರ್ಲೆಸ್ ಚಾರ್ಜಿಂಗ್ ಅನ್ನು ಇದು ಬೆಂಬಲಿಸಲಿದ್ದು, ಇದೇ ವೇಳೆ ಒನ್ಪ್ಲಸ್ 12R (OnePlus 12R) ಸ್ಮಾರ್ಟ್ಫೋನ್ ಸಹ ಲಾಂಚ್ ಆಗಲಿದೆ ಎಂದು ತಿಳಿದುಬಂದಿದೆ.
ವಿವೋ X100 ಪ್ರೊ ಮತ್ತು X100 : ಈ ಫೋನ್ಗಳು (Vivo X100 Pro and X100) ಸಹ ಜನವರಿಯಲ್ಲಿ ಲಾಂಚ್ ಆಗಲಿವೆ ಎಂದು ಹೇಳಲಾಗಿದೆ. ಟೀಸರ್ ಪ್ರಕಾರ ವಿವೋ X100 ಸರಣಿ ಫೋನ್ಗಳು ಮೀಡಿಯಾ ಟೆಕ್ ಡೈಮೆನ್ಸಿಟಿ 9300 ಪ್ರೊಸೆಸರ್ ಅನ್ನು ಹೊಂದಿರಲಿವೆ ಎನ್ನಲಾಗಿದ್ದು, ಈ ಮೂಲಕ ಉತ್ತಮ ಕಾರ್ಯಕ್ಷಮತೆ ನೀಡುವ ಗುರಿ ಹೊಂದಿವೆ ಎನ್ನಲಾಗಿದೆ. ಜೊತೆಗೆ ಈಗಾಗಲೇ ಸ್ಮಾರ್ಟ್ಫೋನ್ ಮಾರುಕಟ್ಟೆಯಲ್ಲಿ ಈ ಫೋನ್ಗಳ ಬಹಳ ಸದ್ದು ಮಾಡುತ್ತಿವೆ.
ಸ್ಯಾಮ್ಸಂಗ್ ಗ್ಯಾಲಕ್ಸಿ S24: ಈ ಸ್ಮಾರ್ಟ್ಫೋನ್ (Samsung Galaxy S24) ಅನ್ನು ಭಾರತದಲ್ಲಿ ಜನವರಿ 17 ರಂದು ಲಾಂಚ್ ಮಾಡಲಾಗುತ್ತದೆ ಎಂದು ತಿಳಿದುಬಂದಿದೆ. ಈ ಫೋನ್ನ ಬಿಡುಗಡೆಗಾಗಿ ಭಾರತದಲ್ಲಿ ಸ್ಯಾಮ್ಸಂಗ್ ಪ್ರಿಯರು ಜಾತಕ ಪಕ್ಷಿಯಂತೆ ಕಾದು ಕುಳಿತಿದ್ದಾರೆ. ಈ ಫೋನ್ ಪ್ರಮುಖ ಮಟ್ಟದ ಫೀಚರ್ಸ್ನೊಂದಿಗೆ ಕಾಣಿಸಿಕೊಳ್ಳಲಿದೆ ಎನ್ನಲಾಗಿದ್ದು, ಪ್ರಭಾವಶಾಲಿಯಾದ ಬರೋಬ್ಬರಿ 200 ಮೆಗಾಪಿಕ್ಸೆಲ್ ಕ್ಯಾಮೆರಾ ಸೆನ್ಸರ್ ಪಡೆದುಕೊಂಡಿರಲಿದೆ ಎಂದು ಹೇಳಲಾಗಿದೆ.
-
1,29,999 -
22,999 -
64,999 -
99,999 -
29,999 -
39,999 -
-
63,999 -
1,56,900 -
96,949
-
1,39,900 -
1,29,900 -
79,900 -
65,900 -
12,999 -
96,949
-
16,499 -
38,999 -
30,700 -
49,999
-
19,999 -
17,970 -
21,999 -
13,474 -
18,999 -
22,999 -
19,999 -
17,999 -
26,999 -
5,999
-1763362932432.svg){kind=logo}
Continue with Google