ವಿವೋ Y78 5G ಸ್ಮಾರ್ಟ್‌ಫೋನ್‌ ಅನಾವರಣ: ಫೀಚರ್ಸ್‌ ಏನಿವೆ?

ಸ್ಮಾರ್ಟ್‌ಫೋನ್‌ ಮಾರುಕಟ್ಟೆಯಲ್ಲಿ ಭಾರೀ ಸಂಚಲನ ಉಂಟು ಮಾಡಿರುವ ವಿವೋದ ಸ್ಮಾರ್ಟ್‌ಫೋನ್‌ಗಳ ಸಾಲಿಗೆ ಈಗ ಹೊಸ ಸ್ಮಾರ್ಟ್‌ಫೋನ್‌ವೊಂದು ಸೇರ್ಪಡೆಗೊಂಡಿದೆ. ಈ ಫೋನ್ 64MP ಪ್ರಮುಖ ಕ್ಯಾಮೆರಾ, 120Hz ರಿಫ್ರೆಶ್‌ ರೇಟ್ ಹೊಂದಿದ್ದು, ಆಕರ್ಷಕ ಶೈಲಿ ಪಡೆದಿದೆ.

ಹೌದು, ವಿವೋ ಇದೀಗ ಜಾಗತಿಕವಾಗಿ ವಿವೋ Y78 5G (Vivo Y78 5G)ಸ್ಮಾರ್ಟ್‌ಫೋನ್‌ ಅನ್ನು ಅನಾವರಣ ಮಾಡಿದೆ. ಈ ಫೋನ್‌ ಕ್ವಾಲ್ಕಾಮ್ ಸ್ನ್ಯಾಪ್ ಡ್ರ್ಯಾಗನ್ 695 SoC ಪ್ರೊಸೆಸರ್‌ನಿಂದ ಕಾರ್ಯನಿರ್ವಹಿಸಲಿದೆ. ಇದರಲ್ಲಿ ಗಮನಿಸುವ ವಿಷಯ ಏನೆಂದರೆ ಈ ತಿಂಗಳ ಆರಂಭದಲ್ಲಿ ಚೀನಾದಲ್ಲಿ ಲಾಂಚ್‌ ಆದ ಈ ವೇರಿಯಂಟ್‌ ಡೈಮೆನ್ಸಿಟಿ 7020 SoCನ ಬಲ ಪಡೆದುಕೊಂಡಿದೆ.ಹಾಗಿದ್ರೆ,ಮತ್ಯಾಕೆ ತಡ ಬನ್ನಿ ಈ ಸ್ಮಾರ್ಟ್‌ಫೋನ್‌ನ ಪ್ರಮುಖ ಫೀಚರ್ಸ್‌ ವಿವರವನ್ನು ತಿಳಿಯೋಣ.

ವಿವೋ Y78 5G ಡಿಸ್‌ಪ್ಲೇ ವಿವರ: ಈ ವಿವೋ Y78 5G ಸ್ಮಾರ್ಟ್‌ಫೋನ್ 678 ಇಂಚಿನ FHD+ ಅಮೋಲೆಡ್‌ ಡಿಸ್‌ಪ್ಲೇ ಹೊಂದಿದ್ದು, ಇದು 2400 × 1080 ಪಿಕ್ಸೆಲ್ ರೆಸಲ್ಯೂಶನ್‌ ಸಾಮರ್ಥ್ಯ ಪಡೆದಿದೆ. ಜೊತೆಗೆ 120Hz ರಿಫ್ರೆಶ್‌ ರೇಟ್‌ ಆಯ್ಕೆ ನೀಡಲಾಗಿದ್ದು, 1300 ನಿಟ್ಸ್‌ ಗರಿಷ್ಠ ಬ್ರೈಟ್‌ನೆಸ್‌ ಸೌಲಭ್ಯ ಈ ಫೋನ್‌ನಲ್ಲಿದೆ. ಇನ್ನು ಸೆಲ್ಫಿ ಉದ್ದೇಶಕ್ಕಾಗಿ ಪಂಚ್-ಹೋಲ್ ಕಟೌಟ್‌ ಶೈಲಿ ಪಡೆದುಕೊಂಡಿದೆ.

ವಿವೋ Y78 5G ಪ್ರೊಸೆಸರ್ ಮಾಹಿತಿ: ಈ ಫೋನ್ ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 695 ಚಿಪ್‌ಸೆಟ್‌ ಬಲ ಹೊಂದಿದ್ದು, ಅಡ್ರಿನೊ ಜಿಪಿಯು ಶಕ್ತಿ ಪಡೆದುಕೊಂಡಿದೆ. ಇದರೊಂದಿಗೆ 8 GB RAM ಹಾಗೂ 256GB ಇಂಟರ್‌ ಸ್ಟೋರೇಜ್‌ ಸಾಮರ್ಥ್ಯ ಇದರಲ್ಲಿದ್ದು, ಆಂಡ್ರಾಯ್ಡ್ 13 ಆಧಾರಿತ ಫನ್‌ಟಚ್ ಓಎಸ್ 13 ಅನ್ನು ರನ್ ಮಾಡುತ್ತದೆ.

ವಿವೋ Y78 5G ಕ್ಯಾಮೆರಾ ರಚನೆ: ಈ ಫೋನ್‌ನ ಕ್ಯಾಮೆರಾ ವಿಚಾರಕ್ಕೆ ಬಂದರೆ ಟ್ರಿಪಲ್‌ ರಿಯರ್‌ ಕ್ಯಾಮೆರಾ ಆಯ್ಕೆ ಹೊಂದಿದ್ದು, ಅದರಲ್ಲಿ 64 ಮೆಗಾಪಿಕ್ಸೆಲ್‌ ಪ್ರಾಥಮಿಕ ಕ್ಯಾಮೆರಾ, 2 ಮೆಗಾಪಿಕ್ಸೆಲ್‌ ಡೆಪ್ತ್ ಯೂನಿಟ್ ಮತ್ತು 2 ಮೆಗಾಪಿಕ್ಸೆಲ್‌ ಮ್ಯಾಕ್ರೋ ಲೆನ್ಸ್ ಆಯ್ಕೆ ಪಡೆದುಕೊಂಡಿದೆ. ಇದರೊಂದಿಗೆ ಸೆಲ್ಫಿ ಉದ್ದೇಶಕ್ಕೆ 16 ಮೆಗಾಪಿಕ್ಸೆಲ್‌ ಸೆನ್ಸರ್‌ ಆಯ್ಕೆ ಪಡೆದುಕೊಂಡು ಆಕರ್ಷಕ ಶೈಲಿಯಲ್ಲಿ ಕಾಣುತ್ತದೆ.

ವಿವೋ Y78 5G ಬ್ಯಾಟರಿ ಸಾಮರ್ಥ್ಯ ಹಾಗೂ ಇತರೆ: ಈ ಫೋನ್‌ 5000mAh ಸಾಮರ್ಥ್ಯದ ಬ್ಯಾಟರಿಯಿಂದ ಪ್ಯಾಕ್‌ ಆಗಿದ್ದು, 44W ವೈರ್ಡ್ ಫಾಸ್ಟ್ ಚಾರ್ಜಿಂಗ್ ಬೆಂಬಲ ಪಡೆದುಕೊಂಡಿದೆ. ಇನ್ನುಳಿದಂತೆ 5G SA/NSA, 4G VoLTE, ವೈ ಫೈ, ಬ್ಲೂಟೂತ್ ಆವೃತ್ತಿ 5.2, ಜಿಪಿಎಸ್‌, ಯುಎಸ್‌ಬಿ ಟೈಪ್-ಸಿ ಮತ್ತು ಎನ್‌ಎಫ್‌ಸಿ ಕನೆಕ್ಟಿವಿಟಿ ಆಯ್ಕೆ ಪಡೆದಿಕೊಂಡಿದೆ. ಜೊತೆಗೆ ಈ ಫೋನ್ ಫ್ಲೇರ್ ಬ್ಲಾಕ್ ಹಾಗೂ ಡ್ರೀಮಿ ಗೋಲ್ಡ್ ಬಣ್ಣದ ಎರಡು ಆಯ್ಕೆಗಳಲ್ಲಿ ಲಭ್ಯ.

ಈ ಫೋನ್‌ ಅನ್ನು ಜಾಗತಿಕವಾಗಿ ಲಾಂಚ್‌ ಮಾಡಲಾಗಿದೆಯಾದರೂ ಸಹ ಫೋನ್‌ನ ಬೆಲೆ ಬಗ್ಗೆ ಇನ್ನೂ ಮಾಹಿತಿ ಬಹಿರಂಗಪಡಿಸಿಲ್ಲ. ಇನ್ನು ವಿವೋ Y ಸರಣಿಯ ಫೋನ್‌ಗಳು ಸಾಮಾನ್ಯವಾಗಿ ಮಧ್ಯಮ ಶ್ರೇಣಿಯ ಸ್ಮಾರ್ಟ್‌ಫೋನ್‌ಗಳಾಗಿವೆ. ವಿವೋ ಕಂಪೆನಿಯು ಈ ಸರಣಿಯನ್ನು 2015ರಲ್ಲಿ ಆರಂಭಿಸಿತ್ತು. ಈ ಮೂಲಕ ಅಗ್ಗದ ದರದಲ್ಲಿ ಅತ್ಯುತ್ತಮ ಫೀಚರ್ಸ್‌ ಇರುವ ಫೋನ್‌ಗಳನ್ನು ಮಾರಾಟ ಮಾಡಿಕೊಂಡು ಬರುತ್ತಿದೆ.

ವಿವೋ Y78 5G ಯ ನಿರೀಕ್ಷಿತ ಬೆಲೆ ವಿವರ: ವಿವೋ Y78 5G ಸ್ಮಾರ್ಟ್‌ಫೋನ್‌ನ 8 GB RAM ಹಾಗೂ 256 GB ಇಂಟರ್‌ಸ್ಟೋರೇಜ್ ಆಯ್ಕೆಗೆ 1,699 ಚೈನೀಸ್ ಯುವಾನ್ ಬೆಲೆ ನಿಗದಿ ಮಾಡಲಾಗಿದ್ದು, ಈ ಮೂಲಕ ಜಾಗತಿಕವಾಗಿ 20,100ರೂ. ಗಳ ಆಸುಪಾಸಿನ ಬೆಲೆ ಪಡೆಯಬಹುದು ಎನ್ನಲಾಗಿದೆ. ಹಾಗೆಯೇ 12 GB RAM ಹಾಗೂ 256 GB ಇಂಟರ್‌ ಸ್ಟೋರೇಜ್‌ಗೆ 23,700ರೂ.ಗಳಾಗಿರಬಹುದು ಎಂದು ನಂಬಲಾಗಿದೆ.