ವೊಡಾಫೋನ್‌ನಿಂದ ಹೊಸ ರೀಚಾರ್ಜ್ ಪ್ಲ್ಯಾನ್; ಒಂದು ವರ್ಷ ಅನಿಯಮಿತ ಉಚಿತ ಕರೆ!

ಬಿಗ್‌ ವ್ಯಾಲಿಡಿಟಿ

ವೊಡಾಪೋನ್ ಪ್ರಿಪೇಡ್‌ 999ರೂ.ಗಳ ರೀಚಾರ್ಜ್ ಆಯ್ಕೆಯಲ್ಲಿ 365 ದಿನಗಳ ವ್ಯಾಲಿಡಿಟಿಯನ್ನು ನೀಡಿದ್ದು, ಗ್ರಾಹಕರು ಪೂರ್ಣ ಒಂದು ವರ್ಷ ಉಚಿತ ಲೋಕಲ್ ಕರೆಗಳು, ಎಸ್‌ಟಿಡಿ ಮತ್ತು ರೋಮಿಂಗ್ ಕರೆಗಳ ಪ್ರಯೋಜನ ಪಡೆಯಬಹುದಾಗಿದೆ. ಹೆಚ್ಚಾಗಿ ಡೇಟಾ ಬಳಸದ ಕಂಪನಿ ಪ್ರಿಪೇಡ್‌ ಬಳಕೆದಾರರಿಗೆ ಈ ರೀಚಾರ್ಜ್‌ ಉತ್ತಮ ಎನಿಸಲಿದೆ.

ಅನ್‌ಲಿಮಿಟೆಡ್‌ ಕರೆಗಳು

ವೊಡಾಫೋನಿನ ಈ ಪ್ಲ್ಯಾನ್‌ನಲ್ಲಿ ಗ್ರಾಹಕರು ಅನಿಯಮಿತ ಉಚಿತ ಲೋಕಲ್‌, ಎಸ್‌ಟಿಡಿ ಮತ್ತು ಉಚಿತ ರೋಮಿಂಗ್ ಕರೆಗಳನ್ನು ಮಾಡಬಹುದಾಗಿದ್ದು, ಒಂದು ವರ್ಷದ ವ್ಯಾಲಿಡಿಟಿ ಇರಲಿದೆ. ವೊಡಾಫೋನ್‌ ಪ್ರಿಪೇಡ್‌ ಬಳಕೆದಾರರು ಈ ಪ್ರಯೋಜನ ಪಡೆಯಬಹುದು.

ಉಚಿತ ಎಸ್‌ಎಮ್‌ಎಸ್

ಒಂದು ವರ್ಷದ ವ್ಯಾಲಿಡಿಟಿಯ ವೊಡಾಫೋನಿನ 999ರೂ.ಗಳ ಪ್ಲ್ಯಾನಿನಲ್ಲಿ ಬಳಕೆದಾರರು ಪ್ರತಿದಿನ 100 ಉಚಿತ ರಾಷ್ಟ್ರೀಯ ಎಸ್‌ಎಮ್‌ಎಸ್‌ಗಳನ್ನು ಕಳುಹಿಸಬಹುದಾಗಿದೆ. ಪ್ರಮುಖ ಎಲ್ಲ ನೆಟವರ್ಕ್‌ ಕಂಪನಿಗಳು ಇದೀಗ ಪ್ರತಿದಿನ 100 ಎಸ್‌ಎಮ್‌ಎಸ್‌ ನೀಡುತ್ತಿವೆ. ಅದರಂತೆಯೆ ವೊಡಾಫೋನ್‌ ಸಹ ಉಚಿತ ಎಸ್‌ಎಮ್‌ಎಸ್‌ ಸೇವೆ ಒದಗಿಸಲಿದೆ.

12GB ಡೇಟಾ

ವಾರ್ಷಿಕ ಅವಧಿಯ ವ್ಯಾಲಿಡಿಟಿಯನ್ನು ಹೊಂದಿರುವ ವೊಡಾಫೋನ್ ಈ ಪ್ಲ್ಯಾನ್‌ನಲ್ಲಿ ಕಂಪನಿಯು ವರ್ಷಕ್ಕೆ 12GB ಡೇಟಾವನ್ನು ಮಾತ್ರ ನೀಡಿರುವುದು ಈ ಪ್ಲ್ಯಾನಿನ ಮೈನಸ್‌ ಪಾಯಿಂಟ್ ಎನ್ನಬಹುದಾಗಿದೆ. ಇದೇ ತರಹದ ಒಂದು ಪ್ಲ್ಯಾನ್‌ ಅನ್ನು ಏರಟೆಲ್‌ ನೆಟವರ್ಕ್‌ ಸಹ ತನ್ನ ಗ್ರಾಹಕರಿಗೆ ಪರಿಚಯಿಸಿದೆ.

ಪಂಜಾಬ್‌ನಲ್ಲಿ ಮಾತ್ರ

ವೊಡಾಫೋನ್ ಪರಿಚಯಿಸಿರುವ 999ರೂ.ಗಳ ಪ್ಲ್ಯಾನ್‌ ಸದ್ಯ ಪಂಜಾಬ್ ರಾಜ್ಯದಲ್ಲಿ ಮಾತ್ರ ಎನ್ನಲಾಗಿದ್ದು, ಕಂಪನಿಯು ಮುಂದಿನ ದಿನಗಳಿಗೆ ಉಳಿದ ರಾಜ್ಯಗಳಿಗೆ ಈ ಯೋಜನೆಯನ್ನು ವಿಸ್ತರಿಸಬಹುದು ಎನ್ನಲಾಗುತ್ತಿದೆ. ಈ ಹೊಸ ವಾರ್ಷಿಕ ವ್ಯಾಲಿಡಿಟಿಯ ಪ್ಲ್ಯಾನ್‌ ಬಳಕೆದಾರರನ್ನು ಉಳಿಸಿಕೊಳ್ಳವ ಲಕ್ಷಣಗಳನ್ನು ಸೂಚಿಸುತ್ತಿವೆ.