ಸುಭಾಷ್ ಚಂದ್ರ ಬೋಸ್‌ ಸಾವಿನ ಮಾಹಿತಿ ಬಯಲು ಮಾಡಲಿರುವ ವೆಬ್‌ಸೈಟ್‌

ನೇತಾಜಿ ಕೊನೆಯ ದಿನಗಳ ಕುರಿತ ವೆಬ್‌ಸೈಟ್‌ ಲಾಂಚ್‌

ಸುಭಾಷ್ ಚಂದ್ರ ಬೋಸ್ ರವರ ಕೊನೆಯ ದಿನಗಳ ಕುರಿತ ಸಾಕ್ಷ್ಯ ಮಾಹಿತಿ ವೆಬ್‌ಸೈಟ್‌ ಒಂದನ್ನು ಬ್ರಿಟನ್‌ನಲ್ಲಿ ಲಾಂಚ್‌ ಮಾಡಲಾಗಿದೆ.

www.bosefiles.info

ಈ ವೆಬ್‌ಸೈಟ್‌ ಅನ್ನು ಸ್ವಾತಂತ್ರ್ಯ ಹೋರಾಟಗಾರ ಮತ್ತು ಭಾರತೀಯ ರಾಷ್ಟ್ರೀಯ ಸೇನೆಯ (INA) ದಳಪತಿ ಸುಭಾಷ್‌ ಚಂದ್ರ ಬೋಸ್‌ ರವರ ಸಾವಿನ ಸುತ್ತಮುತ್ತಲಿರುವ ಹಲವಾರು ಮಾಹಿತಿಗಳನ್ನು ಬಯಲಿಗೆಳೆಯುವ ಗುರಿ ಹೊಂದಿದ್ದು ಲಾಂಚ್‌ ಮಾಡಲಾಗಿದೆ ಎನ್ನಲಾಗಿದೆ.

ವೆಬ್‌ಸೈಟ್‌ ಲಾಂಚ್‌ ಮಾಡಿದವರು

ಬ್ರಿಟನ್‌ ಮೂಲದ ಸ್ವತಂತ್ರ ಪತ್ರಕರ್ತ ಹಾಗೂ ಬೋಸ್‌ ರವರ ಸೋದರ ಮೊಮ್ಮಗ ಆಶಿಸ್‌ ರೇ ರವರು ಈ ವೆಬ್‌ಸೈಟ್‌ ಅನ್ನು ಲಾಂಚ್‌ ಮಾಡಿದ್ದಾರೆ.

ವೆಬ್‌ಸೈಟ್‌ನಲ್ಲಿರುವ ಮಾಹಿತಿ ಏನು ?

ಅಶಿಸ್‌ ರೇ ಹೇಳಿರುವಂತೆ "ಸುಭಾಷ್‌ ಚಂದ್ರ ಬೋಸ್‌ ರವರ ಬಗ್ಗೆ 25 ವರ್ಷಗಳಿಂದ ನೆಡೆದ ತನಿಖೆ ಮತ್ತು ಸಂಶೋಧನೆಯನ್ನು ಕಾಲಾನುಕ್ರಮದಲ್ಲಿ ಸತ್ಯತೆಯನ್ನು ನೀಡುವ ಉದ್ದೇಶ ಹೊಂದಲಾಗಿದೆ ಎಂದು ಹೇಳಿದ್ದಾರೆ.

ಭಾರತೀಯರಿಗಾಗಿ ಈ ವೆಬ್‌ಸೈಟ್‌

ಸುಭಾಷ್‌ ಚಂದ್ರ ಬೋಸ್‌ ರವರ ಬಗೆಗಿನ ಮಾಹಿತಿಯನ್ನು ತಿಳಿಸುವ www.bosefiles.info ವೆಬ್‌ಸೈಟ್‌ ಅನ್ನು ಇಂದಿಗೂ ಸಹ ಯಾರು ಸುಭಾಷ್‌ ಚಂದ್ರ ಬೋಸ್‌ ರವರನ್ನು ಪೂಜಿಸುತ್ತಿರುವ ಭಾರತೀಯರಿಗಾಗಿ ನೀಡಲಾಗುತ್ತಿದೆ ಎಂದು ಅಶಿಸ್‌ ಹೇಳಿದ್ದಾರೆ.

ಬೋಸ್‌ ರವರ ಸಾವಿನ ಬಗೆಗಿನ ನಂಬಿಕೆ

ಸುಭಾಷ್‌ ಚಂದ್ರ ಬೋಸ್‌ ರವರು 1945 ರ ತೈವಾನ್‌ ವಿಮಾನ ಅಪಘಾತದಲ್ಲಿ ಸಾವಿಗೀಡಾಗಿದ್ದಾರೆ ಎಂದು ನಂಬಲಾಗಿದೆ. ಈ ಮಾಹಿತಿಯನ್ನು ಜರ್ಮನಿಯಲ್ಲಿರುವ ಮಗಳು ಮತ್ತು ಒಬ್ಬನೇ ವಾರಸುದಾರನಾದ Dr Pfaff ನಂಬಿದ್ದಾರೆ. ಆದರೆ ಇವರ ಭಾರತೀಯ ಸಂಬಂಧಿಗಳು ಈ ಮಾಹಿತಿ ಬಗ್ಗೆ ಭಿನ್ನಮತ ಹೊಂದಿದ್ದು, ಸೋವಿಯತ್‌ ಒಕ್ಕೂಟಕ್ಕೆ ತಪ್ಪಿಸಿಕೊಂಡಿರುವ ಬಗ್ಗೆ ಹೇಳಿದ್ದಾರೆ.

ನರೇಂದ್ರ ಮೋದಿಯವರ ಭರವಸೆ

ಪ್ರಧಾನಿ ನರೇಂದ್ರ ಮೋದಿಯವರು ಕಳೆದ ಅಕ್ಟೋಬರ್‌ ತಿಂಗಳಿನಲ್ಲಿ ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್‌ ರವರನ್ನು ಮಾಸ್ಕೋದಲ್ಲಿ ಬೇಟಿಯಾದಾಗ ಬೋಸ್‌ ಸಾವಿನ ಕುರಿತಾದ ಮಾಹಿತಿಯನ್ನು ಚರ್ಚಿಸುವ ಭರವಸೆಯನ್ನು ಬೋಸ್‌ರವರ ಸಂಬಂಧಿ ಕುಟುಂಬಗಳಿಗೆ ನೀಡಿದ್ದರು.

ವೆಬ್‌ಸೈಟ್‌ನಲ್ಲಿ ಪೋಸ್ಟ್‌ ಆದ ಮಾಹಿತಿ

ವೆಬ್‌ಸೈಟ್‌ನಲ್ಲಿ ಮಾಸ್ಕೋದಲ್ಲಿರುವ ಇಂಡಿಯನ್‌ ಎಂಬೆಸ್ಸಿ ಮತ್ತು ರಷ್ಯಾದ ವಿದೇಶಾಂಗ ಸಚಿವಾಲಯದ ದಾಖಲೆಗಳನ್ನು ಪೋಸ್ಟ್‌ ಮಾಡಲಾಗಿದೆ. ಇವುಗಳಲ್ಲಿ ಸುಭಾಷ್‌ ಚಂದ್ರ ಬೋಸ್‌ರವರು ಸೋವಿಯತ್‌ ಒಕ್ಕೂಟಕ್ಕೆ 1945 ರ ಮೊದಲು ಸಹ ಹೋಗಿಲ್ಲಾ ಹಾಗೂ ನಂತರವು ಸಹ ಹೋಗಿಲ್ಲಾ ಎಂಬುದನ್ನು ತಿಳಿಸಿದೆ.

ವೆಬ್‌ಸೈಟ್‌ ವಿವರ

ವೆಬ್‌ಸೈಟ್‌ಗಾಗಿ ಇಲ್ಲಿ ಕ್ಲಿಕ್‌ ಮಾಡಿ