ಏನಿದು TPMS ಸಿಸ್ಟಮ್?, ಇದು ನಿಮ್ಮ ಕಾರನ್ನು, ನಿಮ್ಮನ್ನು ಹೇಗೆ ರಕ್ಷಿಸಲಿದೆ?

ಈಗಂತೂ ಬಹುಪಾಲು ಮಂದಿ ಕಾರುಗಳನ್ನು ಖರೀದಿ ಮಾಡಲು ಸಮರ್ಥರಾಗಿದ್ದಾರೆ. ಹಾಗೆಯೇ ಕಾರು ಖರೀದಿ ಮಾಡಿ ಮನೆ ಮುಂದೆ ನಿಲ್ಲಿಸುವುದಷ್ಟೇ ಅಲ್ಲದೆ ಕಾರ್‌ ಸಂಬಂಧ ಅಗತ್ಯವಾದ ವಿವಿಧ ವಿಚಾರಗಳನ್ನು ತಿಳಿದುಕೊಳ್ಳುವುದು ಅನಿವಾರ್ಯವಾಗಿದೆ. ಈ ಮೂಲಕ ರಕ್ಷಣೆ ಹಾಗೂ ಉತ್ತಮ ಪ್ರಯಾಣದ ಅನುಭವವನ್ನು ಪಡೆದುಕೊಳ್ಳಬಹುದು. ಅದರಂತೆ TPMS ಸಿಸ್ಟಮ್ ಬಗ್ಗೆ ಕಾರು ಬಳಕೆದಾರರು ತಿಳಿಯಲೇಬೇಕು.

ಹೌದು, TPMS ಸಿಸ್ಟಮ್‌ಗಳು ಇತ್ತೀಚೆಗೆ ಹೊಸ ಮಾದರಿಯ ಕಾರುಗಳಲ್ಲಿ ಕಾಣಿಸಿಕೊಳ್ಳುತ್ತಿವೆ. ಈ ಸಿಸ್ಟಮ್‌ ಮೂಲಕ ಬಳಕೆದಾರರು ಎಲ್ಲಾ ರೀತಿಯಲ್ಲೂ ರಕ್ಷಣೆಗೆ ಒಳಪಡುತ್ತಾರೆ. ಅಂದರೆ ಇದು ನಿಮ್ಮ ಕಾರಿನಲ್ಲಿದ್ದರೆ ಅಪಘಾತ ಆಗುವುದಿಲ್ಲ, ಜೊತೆಗೆ ಈ ವಿಷಯಕ್ಕೆ ಸಂಬಂಧಿಸಿದಂತೆ ಚಾಲಕನಿಗೆ ಎಚ್ಚರಿಕೆ ಸಹ ನೀಡುತ್ತದೆ.ಹಾಗಿದ್ರೆ, ಏನಿದು TPMS ಸಿಸ್ಟಮ್, ಇದು ಏನೆಲ್ಲಾ ಫೀಚರ್ಸ್‌ ಹೊಂದಿದೆ ಎಂಬಿತ್ಯಾದಿ ಮಾಹಿತಿಯನ್ನು ತಿಳಿಸಿಕೊಡಲಾಗಿದೆ ಓದಿರಿ.

ಏನಿದು TPMS ಸಿಸ್ಟಮ್?: ಕಾರುಗಳ ಟೈರ್‌ಗಳಲ್ಲಿ ಅತ್ಯುತ್ತಮವಾದ ಟೈರ್ ಒತ್ತಡವನ್ನು ನಿರ್ವಹಿಸುವುದು ಅವುಗಳ ಕಾರ್ಯಕ್ಷಮತೆ ಮತ್ತು ಉತ್ತಮ ಮೈಲೇಜ್‌ಗೆ ಇದು ತುಂಬಾನೆ ಅಗತ್ಯವಾದ ಡಿವೈಸ್‌ ಆಗಿದೆ. ಇದು ವಾಹನ ಸುರಕ್ಷತೆ ಮತ್ತು ಅಪಘಾತಗಳನ್ನು ತಡೆಗಟ್ಟಲು ಮುಖ್ಯವಾಗಿದ್ದು, ಚಾಲನೆ ಮಾಡುವಾಗ ಟೈರ್ ಒತ್ತಡವನ್ನು ಮೇಲ್ವಿಚಾರಣೆ ಮಾಡಲು ಚಾಲಕನಿಗೆ ಅನುಮತಿಸುತ್ತದೆ. ಟೈರ್‌ ಏರ್ ಕಡಿಮೆಯಾದರೆ ಅಥವಾ ಕೆಳಗೆ ಇಳಿದರೆ ಇದು ಚಾಲಕನನ್ನು ಎಚ್ಚರಿಸುತ್ತದೆ.

ಇದು ಹೇಗೆ ಕೆಲಸ ಮಾಡುತ್ತದೆ?: ಈ TPMS ಮೂಲ ಘಟಕಗಳು ಸೆನ್ಸರ್‌ಗಳು, ರಿಸೀವರ್ ಮತ್ತು ಡಿಸ್‌ಪ್ಲೇ ಘಟಕವನ್ನು ಒಳಗೊಂಡಿವೆ. ಸೆನ್ಸರ್‌ಗಳನ್ನು ಸಾಮಾನ್ಯವಾಗಿ ಪ್ರತಿ ಟೈರ್‌ನ ಕವಾಟ ಕಾಂಡಗಳಿಗೆ ಜೋಡಿಸಲಾಗುತ್ತದೆ ಅಥವಾ ಟೈರ್ ಒತ್ತಡದ ಕವಾಟಗಳೊಳಗೆ ಸಂಯೋಜಿಸಲಾಗುತ್ತದೆ. ಅದು ನಿರಂತರವಾಗಿ ಟೈರ್ ಒಳಗೆ ಗಾಳಿಯ ಒತ್ತಡ ಮತ್ತು ತಾಪಮಾನವನ್ನು ಅಳೆಯುತ್ತಿರುತ್ತದೆ. ಬಳಿಕ ಸೆನ್ಸರ್‌ಗಳಿಂದ ಡೇಟಾವನ್ನು ರಿಸೀವರ್‌ಗೆ ರವಾನಿಸುತ್ತದೆ. ಈ ಮಾಹಿತಿ ಡಿಸ್‌ಪ್ಲೇ ಮೂಲಕ ಚಾಲಕನಿಗೆ ತಿಳಿಯುತ್ತದೆ.

ಇನ್ನು ಆಧುನಿಕ ಕಾರುಗಳು ಇನ್‌ಬಿಲ್ಟ್‌ ಆಗಿಯೇ ಟೈರ್ ಒತ್ತಡ ಮಾನಿಟರ್ ವ್ಯವಸ್ಥೆಗಳೊಂದಿಗೆ ಬರುತ್ತವೆ. ಜೊತೆಗೆ ಇದರ ಸಂಪೂರ್ಣ ವ್ಯವಸ್ಥೆಯು ಸಾಮಾನ್ಯವಾಗಿ ಕಾರಿನ ಇನ್ಫೋಟೈನ್ಮೆಂಟ್ ಸಿಸ್ಟಮ್ ಅಥವಾ ಇನ್ಸ್ಟ್ರುಮೆಂಟ್ ಕ್ಲಸ್ಟರ್‌ನೊಂದಿಗೆ ಸಂಯೋಜಿಸಲ್ಪಟ್ಟಿದೆ. ಅದಾಗ್ಯೂ ಇದನ್ನು ಹಳೆಯ ಕಾರುಗಳಿಗೆ ಹಾಗೂ TPMS ಇಲ್ಲದ ಕಾರುಗಳಿಗೆ ಇದನ್ನು ಸುಲಭವಾಗಿ ಸಂಯೋಜಿಸಬಹುದಾಗಿದೆ. ಈ TPMS ನಲ್ಲಿ ನೇರ ಹಾಗೂ ಪರೋಕ್ಷ ಎಂಬ ಎರಡು ಆಯ್ಕೆಗಳಿದ್ದು, ಗ್ರಾಹಕರು ತಮ್ಮ ಅಗತ್ಯಕ್ಕೆ ತಕ್ಕಂತೆ ಖರೀದಿ ಮಾಡಬಹುದು.

ಉದಾಹರಣೆಗೆ ಹೇಳುವುದಾದರೆ ನೇರ TPMSನಲ್ಲಿ ಒತ್ತಡವನ್ನು ನೇರವಾಗಿ ಅಳೆಯಲು ಪ್ರತಿ ಟೈರ್ ಒಳಗೆ ಅಳವಡಿಸಲಾದ ಸೆನ್ಸರ್‌ ಅನ್ನು ಬಳಕೆ ಮಾಡುತ್ತದೆ.ಆದರೆ ಪರೋಕ್ಷ TPMSನಲ್ಲಿ ಚಕ್ರದ ವೇಗ ಮತ್ತು ಇತರ ನಿಯತಾಂಕಗಳನ್ನು ಆಧರಿಸಿ ಪರೋಕ್ಷವಾಗಿ ಟೈರ್ ಒತ್ತಡವನ್ನು ಅಂದಾಜು ಮಾಡುತ್ತದೆ. ಹಾಗೆಯೇ ನೇರ TPMS ಹೆಚ್ಚು ನಿಖರ ಮತ್ತು ನೈಜ-ಸಮಯದ ಒತ್ತಡದ ಮಾಹಿತಿಯನ್ನು ತಿಳಿಸುತ್ತದೆ.ಆದರೆ,ಪರೋಕ್ಷ TPMS ನೇರ TPMSಗಿಂತ ಕಡಿಮೆ ನಿಖರವಾದ ಮಾಹಿತಿಯನ್ನು ನೀಡುತ್ತದೆ.ಆದರೆ,ಮೌಲ್ಯಯುತ ಎಚ್ಚರಿಕೆಗಳನ್ನು ಈ ಮೂಲಕ ಪಡೆದುಕೊಳ್ಳಬಹುದು.

ಅಷ್ಟೇ ಅಲ್ಲದೆ, ನೇರ TPMSನಲ್ಲಿ ಪ್ರತಿ ಟೈರ್‌ನಲ್ಲಿ ಸೆನ್ಸರ್‌ ಅಳವಡಿಸುವ ಅಗತ್ಯವಿದೆ. ಆದರೆ, ಪರೋಕ್ಷ TPMS ಸಿಸ್ಟಮ್‌ ABS ವ್ಯವಸ್ಥೆಯನ್ನು ಅವಲಂಬಿಸಿದ್ದು, ಈ ಮೂಲಕ ಹೆಚ್ಚುವರಿ ಸೆನ್ಸರ್‌ಗಳ ಅಗತ್ಯ ಇರುವುದಿಲ್ಲ. ಹಾಗೂ ಪ್ರತಿ ಟೈರ್‌ನಲ್ಲಿನ ಒತ್ತಡವನ್ನು TPMS ನಲ್ಲಿ ಪ್ರತ್ಯೇಕವಾಗಿ ಮೇಲ್ವಿಚಾರಣೆ ಮಾಡಲಾಗುತ್ತದೆ. ಅದರಂತೆ ಪರೋಕ್ಷ TPMS ನಲ್ಲಿ ಒಟ್ಟಾರೆಯಾಗಿ ಎಲ್ಲಾ ಟೈರ್‌ಗಳಲ್ಲಿ ಒತ್ತಡದ ಬದಲಾವಣೆಗಳನ್ನು ಅಂದಾಜು ಮಾಡಲಾಗುತ್ತದೆ.

ಈ TPMS ಸಿಸ್ಟಮ್‌ ಏಕೆ ಅಗತ್ಯ?: TPMS ಇಂದು ಅಗತ್ಯ ಡಿವೈಸ್‌ ಆಗಲು ಹಲವಾರು ಕಾರಣಗಳಿವೆ. ಕಾರಿನ ಟೈರ್‌ಗಳು ನಿಖರವಾದ ಟೈರ್ ಒತ್ತಡ ಮತ್ತು ಬಳಕೆದಾರರಿಗೆ ಹಲವಾರು ಪ್ರಯೋಜನಗಳನ್ನು ನೀಡುತ್ತದೆ ಎಂದು ಖಚಿತಪಡಿಸಿಕೊಳ್ಳುವುದು TPMS ಸಿಸ್ಟಮ್‌ನ ಪ್ರಮುಖ ಆಲೋಚನೆಯಾಗಿದೆ. ಅದರಲ್ಲೂ ಸುರಕ್ಷತೆಯನ್ನು ಹೆಚ್ಚಿಸುತ್ತದೆ ಮತ್ತು ಟೈರ್ ಒತ್ತಡವು ಉತ್ತಮವಾಗಿದ್ದರೆ, ಕಾರು ರಸ್ತೆಯ ಮೇಲೆ ಸ್ಥಿರವಾಗಿರುತ್ತದೆ ಮತ್ತು ಚಾಲನೆ ಮಾಡುವಾಗ ಟೈರ್ ಹಾನಿಗೊಳಗಾಗುವ ಸಾಧ್ಯತೆ ಕಡಿಮೆ ಇರುತ್ತದೆ.

ಮತ್ತೊಂದೆಡೆ, ಅತಿಯಾಗಿ ಗಾಳಿ ತುಂಬಿದ ಟೈರ್‌ಗಳು ಟೈರ್ ಮತ್ತು ರಸ್ತೆಯ ನಡುವಿನ ಸಂಪರ್ಕ ಪ್ರದೇಶವನ್ನು ಕಡಿಮೆ ಮಾಡುತ್ತದೆ, ಇದು ಎಳೆತಕ್ಕೆ ಕಾರಣವಾಗುತ್ತದೆ. ಜೊತೆಗೆ ಸ್ಕಿಡ್ಡಿಂಗ್‌ಸಹ ಸಂಭವಿಸಬಹುದು. ಈ ಮೂಲಕ ನೀವು ನಿಗದಿ ಪಡಿಸಿದ ಟೈರ್ ಒತ್ತಡದಲ್ಲಿ ಏನಾದರೂ ಬದಲಾವಣೆ ಕಂಡುಬಂದರೆ TPMS ಚಾಲಕನನ್ನು ಎಚ್ಚರಿಸುತ್ತದೆ. ಈ ಮೂಲಕ ಸರಿಪಡಿಸಲು ತಕ್ಷಣದ ಕ್ರಮವನ್ನು ತೆಗೆದುಕೊಳ್ಳಲು ಅವರಿಗೆ ಅವಕಾಶ ನೀಡುತ್ತದೆ.ಇದೆಲ್ಲದರ ಜೊತೆಗೆ TPMS ಟೈರ್ ಜೀವಿತಾವಧಿಯನ್ನು ಹೆಚ್ಚಿಗೆ ಮಾಡಲಿದೆ.