ಬಳಕೆದಾರರಲ್ಲಿ ಕುತೂಹಲ ಮೂಡಿಸಿದ್ದ ಈ ಫೀಚರ್‌ ವಾಟ್ಸಾಪ್‌ ಸೇರಿವ ಕಾಲ ದೂರವಿಲ್ಲ!

ಹೌದು, ಜನಪ್ರಿಯ ವಾಟ್ಸಾಪ್‌ ಇದೀಗ ಮೆಸೆಜ್ ಡಿಸ್‌ಅಪಿಯರ್ ಆಯ್ಕೆಯನ್ನು ಸದ್ಯದಲ್ಲಿಯೇ ಅಳವಡಿಸಲಿದೆ ಎನ್ನುವ ಸಂಗತಿಯನ್ನು ಅಧಿಕೃತವಾಗಿ ತಿಳಿಸಿದೆ. ಈ ಫೀಚರ್ಸ್‌ನಲ್ಲಿ ವಾಟ್ಸಾಪ್‌ನಲ್ಲಿನ ನೂತನ ಮೆಸೆಜ್‌ಗಳು ಏಳು ದಿನಗಳ ನಂತರ ಕಣ್ಮರೆಯಾಗುತ್ತದೆ(disappear). ಇನ್ನು ಈ ಆಯ್ಕೆಯು ಗ್ರೂಪ್‌ ಮೆಸೆಜ್‌ ಹಾಗೂ ವೈಯಕ್ತಿಕ ಮೆಸೆಜ್‌ ಎರಡಕ್ಕೂ ಲಭ್ಯವಾಗಲಿದೆ ಎಂದು ಹೇಳಲಾಗಿದೆ.

ಬಳಕೆದಾರರು ವೈಯಕ್ತಿಕ ಮೆಸೆಜ್‌ನಲ್ಲಿ ಈ ಆಯ್ಕೆಯನ್ನು ಆನ್‌- ಆಫ್‌ ಮಾಡುವ ಅವಕಾಶವನ್ನು ಹೊಂದಿರುತ್ತಾರೆ. ಆನ್ ಮಾಡಿದ್ದರೇ ಏಳು ದಿನಗಳ ನಂತರ ಮೆಸೆಜ್‌ಗಳು ಕಣ್ಮರೆಯಾಗುತ್ತವೆ-disappear, ಆಫ್ ಮಾಡಿದರೇ ಮೆಸೆಜ್‌ಗಳು ಕಾಣಸಿಗುತ್ತವೆ. ಇನ್ನು ಗ್ರೂಪ್ ಮೆಸೆಜ್‌ಗಳಲ್ಲಿ ಗ್ರೂಪ್‌ ಅಡ್ಮಿನ್‌ಗೆ ಮಾತ್ರ ಆನ್ - ಆಫ್ ಮಾಡುವ ಆಯ್ಕೆ ಲಭ್ಯವಾಗಲಿದೆ ಎಂದು ಹೇಳಲಾಗುತ್ತಿದೆ.

ಏಳು ದಿನಗಳ ಅವಧಿಯಲ್ಲಿ ಬಳಕೆದಾರರು ವಾಟ್ಸಾಪ್ ಅನ್ನು ತೆರೆಯದಿದ್ದರೆ, ಸಂದೇಶವು ಕಣ್ಮರೆಯಾಗುತ್ತದೆ. ಆದರೆ ಅಪ್ಲಿಕೇಶನ್ ತೆರೆಯುವವರೆಗೆ ಅದರ ಪೂರ್ವವೀಕ್ಷಣೆಯನ್ನು ನೋಟಿಫೀಕೇಶನ್‌ನಲ್ಲಿ ಪ್ರದರ್ಶಿಸಬಹುದು. ಇನ್ನು ವಾಟ್ಸಾಪ್‌ನ ಫೋಟೊ, ವಿಡಿಯೊ ಮೆಸೆಜ್‌ಗಳನ್ನು ಮ್ಯಾನ್ಯುವಲ್ ಆಗಿ ಮೀಡಿಯಾ ಡೌನ್‌ಲೋಡ್‌ನ ಸೆಟ್ಟಿಂಗ್‌ಗಳ ಮೂಲಕ ಸೇವ ಮಾಡಿಕೊಳ್ಳಬಹುದಾಗಿದೆ. ಆದಾಗ್ಯೂ, ಮೆಸೆಜ್‌ ಅಳಿಸುವ ಸಮಯದ ಚೌಕಟ್ಟನ್ನು ಕಸ್ಟಮೈಸ್ ಮಾಡುವ ಯಾವುದೇ ಆಯ್ಕೆಯಿಲ್ಲ.

ಇನ್ನು ಕಣ್ಮರೆಯಾಗುತ್ತಿರುವ disappear ಮೆಸೆಜ್‌ ಫಾರ್ವರ್ಡ್ ಮಾಡಿದರೆ ಈ ಫೀಚರ್ ಕಾರ್ಯನಿರ್ವಹಿಸುವುದಿಲ್ಲ ಎನ್ನಲಾಗಿದೆ. ಆದರೆ ಕಣ್ಮರೆಯಾಗುತ್ತಿರುವ ಮೆಸೆಜ್‌ಗಳ ಸ್ಕ್ರೀನ್‌ಶಾಟ್ ಅನ್ನು ಫಾರ್ವರ್ಡ್ ಮಾಡಲು ಅಥವಾ ತೆಗೆದುಕೊಳ್ಳಲು ಬಳಕೆದಾರರಿಗೆ ವಾಟ್ಸಾಪ್ ಅನುಮತಿಸುತ್ತದೆ ಎನ್ನಲಾಗಿದೆ. ಕಣ್ಮರೆಯಾಗುತ್ತಿರುವ ಮೆಸೆಜ್‌ ಫೀಚರ್‌ ಐಒಎಸ್, ಆಂಡ್ರಾಯ್ಡ್, ಕೈಯೋಸ್ ಮತ್ತು ವೆಬ್ / ಡೆಸ್ಕ್ಟಾಪ್ ಬಳಕೆದಾರರಿಗೆ ಲಭ್ಯವಿರುತ್ತದೆ.