ನಿಮ್ಮಲ್ಲಿ ಬಹುತೇಕರಿಗೆ ಗೊತ್ತೇ ಇರಲ್ಲ ಅನಿಸುತ್ತೆ...ಇದು ಏಕಿದೆ ಎಂದು?

ವಿದ್ಯುತ್‌ ಇಲ್ಲದ ಬದುಕಲು ಸಾಧ್ಯವೇ ಇಲ್ಲ ಎಂಬಂತಹ ಪರಿಸ್ಥಿತಿ ನಿರ್ಮಾಣ ಆಗಿದೆ. ವಿದ್ಯುತ್‌ ಆಧಾರದಲ್ಲೇ ಕೆಲಸ ಮಾಡುವ ಅದೆಷ್ಟೋ ಸ್ಮಾರ್ಟ್‌ ಡಿವೈಸ್‌ಗಳು ಬಳಕೆದಾರರ ಜೀವನದ ಅವಿಭಾಜ್ಯ ಅಂಗದಂತೆ ಆಗಿವೆ. ಈ ನಡುವೆ ವಿದ್ಯುತ್‌ಗೆ ಸಂಬಂಧಿಸಿದ ಇಂಟ್ರೆಸ್ಟಿಂಗ್‌ ಮಾಹಿತಿಯೊಂದನ್ನು ತಿಳಿದುಕೊಳ್ಳಿ.

ಹೌದು, ವಿದ್ಯುತ್ ಇಲ್ಲದ ಮನೆಯಿಲ್ಲ. ಜೊತೆಗೆ ವಿದ್ಯುತ್‌ ಇಲ್ಲದೆ ಯಾವುದೇ ಕೆಲಸವೂ ಇರುವುದಿಲ್ಲ. ಅಷ್ಟರ ಮಟ್ಟಿಗೆ ವಿದ್ಯುತ್‌ ಇಂದು ಅನಿವಾರ್ಯ ಆಗಿದೆ. ಈ ನಡುವೆ ಪ್ರತಿ ಮನೆ ಅಥವಾ ಆಫೀಸ್‌ಗಳಲ್ಲಿ ವಿದ್ಯುತ್‌ ಸ್ವಿಚ್‌ಬೋರ್ಡ್ ಅಲ್ಲಲ್ಲಿ ರಾರಾಜಿಸುತ್ತಿರುತ್ತವೆ. ಇವುಗಳ ಮೂಲಕ ಮೊಬೈಲ್‌ ಚಾರ್ಜ್‌ ಮಾಡಿಕೊಳ್ಳಬಹುದು, ಫ್ಯಾನ್, ಟಿವಿ, ಕೂಲರ್, ವಾಷಿಂಗ್ ಮೆಷಿನ್‌ನಂತಹ ಇತರ ಎಲೆಕ್ಟ್ರಾನಿಕ್ ಉಪಕರಣಗಳಿಂದ ಸೇವೆ ಪಡೆದುಕೊಳ್ಳಬಹುದು. ಆದರೆ, ಸಾಕೆಟ್‌ನಲ್ಲಿ ಮೂರು ರಂಧ್ರಗಳು ಏಕೆ ಇವೆ ಎಂದು ನೀವು ಎಂದಾದರೂ ಗಮನಿಸಿದ್ದೀರಾ?.

ಮೂರು ರಂಧ್ರಗಳು ಯಾಕಿವೆ?: ಈ ವಿಷಯ ಸಾಮಾನ್ಯವಾಗಿ ಕೆಲವರಿಗೆ ತಿಳಿದಿರುತ್ತದೆ.ಆದರೆ, ಹಲವರಿಗೆ ಇದು ಯಾತಕ್ಕೆ ಇದೆ ಎಂಬಿತ್ಯಾದಿ ಪ್ರಶ್ನೆಗಳು ಮೂಡಿರಬಹದು. ಆ ಎಲ್ಲಾ ಪ್ರಶ್ನೆಗಳಿಗೆ ಇಲ್ಲಿ ಉತ್ತರ ಕಂಡುಕೊಳ್ಳೋಣ. ಪ್ಲಗ್‌ಗಳು ಸಾಮಾನ್ಯವಾಗಿ 3 ರಿಂದ 5 ರಂಧ್ರಗಳನ್ನು ಹೊಂದಿದ್ದರೂ ಸಹ ನಾವು ಫೋನ್ ಅಥವಾ ಫ್ಯಾನ್ ಪ್ಲಗ್, ಟಿವಿ ಪ್ಲಗ್, ವಾಷಿಂಗ್ ಮೆಷಿನ್ ಪ್ಲಗ್, ಕೂಲರ್ ಪ್ಲಗ್ ಅನ್ನು ಎರಡು ರಂಧ್ರಗಳನ್ನೇ ಚಾರ್ಜಿಂಗ್‌ಗಾಗಿ ಬಳಕೆ ಮಾಡುತ್ತೇವೆ.

ಸಾಮಾನ್ಯವಾಗಿ ಮನೆ ಅಥವಾ ಆಫೀಸ್‌ಗಳಲ್ಲಿ ಎರಡು ರೀತಿಯ ಸಾಕೆಟ್‌ಗಳಿವೆ. ಇದರಲ್ಲಿ 1 ಸಾಕೆಟ್‌ನಲ್ಲಿ 3 ರಂಧ್ರಗಳಿದ್ದರೆ ಮತ್ತೊಂದು ರೀತಿಯ ಸಾಕೆಟ್‌ನಲ್ಲಿ 5 ರಂಧ್ರಗಳ ಆಯ್ಕೆ ಇರುತ್ತದೆ. ನಾವು ಮೊದಲ ಮೂರು-ರಂಧ್ರ ಸಾಕೆಟ್ ಬಗ್ಗೆ ಹೇಳುವುವಾದರೆ ಅದು ಕೆಳಭಾಗದಲ್ಲಿ ಎರಡು ಸಣ್ಣ ರಂಧ್ರಗಳನ್ನು ಮತ್ತು ಮೇಲ್ಭಾಗದಲ್ಲಿ ಒಂದು ದಪ್ಪ ರಂಧ್ರವನ್ನು ಹೊಂದಿರುತ್ತದೆ. ವಾಸ್ತವವಾಗಿ, ಈ ಎರಡು ಸಣ್ಣ ರಂಧ್ರಗಳಿಗೆ ಪ್ರಸ್ತುತ ಮತ್ತು ತಟಸ್ಥ ತಂತಿಗಳನ್ನು ಜೋಡಿಸಲಾಗಿದೆ.

ದೊಡ್ಡ ರಂಧ್ರವನ್ನು ಅರ್ಥಿಂಗ್ ತಂತಿಗೆ ಮಾತ್ರ ಬಳಕೆ ಮಾಡಲಾಗುತ್ತದೆ. ಅಂದರೆ ಅದು ಬಳಕೆದಾರರನ್ನು ಸುರಕ್ಷಿತವಾಗಿಡಲು ಬಳಕೆ ಮಾಡಲಾಗುತ್ತದೆ. ಯಾಕೆಂದರೆ ಶಾರ್ಟ್ ಸರ್ಕ್ಯೂಟ್ ಆಗುವ ಸಂದರ್ಭದಲ್ಲಿ ಅರ್ಥಿಂಗ್ ತಂತಿಯು ಕರೆಂಟ್ ಅನ್ನು ನೆಲಕ್ಕೆ ಕೊಂಡೊಯ್ಯುತ್ತದೆ ಮತ್ತು ವಿದ್ಯುತ್ ಆಘಾತದಿಂದ ನಿಮ್ಮನ್ನು ರಕ್ಷಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಈ ಕಾರಣಕ್ಕೆ ಐರನ್‌ ಬಾಕ್ಸ್, ಮಿಕ್ಸಿ, ಲ್ಯಾಪ್‌ಟಾಪ್‌ ಸೇರಿದಂತೆ ಅನೇಕ ಡಿವೈಸ್‌ಗಳನ್ನು ಯಾವುದೇ ಅಂಜಿಕೆ ಇಲ್ಲದೆ ಮುಟ್ಟಬಹುದಾಗಿದೆ.

ಇದು ಗಾತ್ರದಲ್ಲಿ ದೊಡ್ಡದಾಗಿ ಯಾಕಿರುತ್ತದೆ?: ಸಾಮಾನ್ಯವಾಗಿ ಇರುವ ಪಿನ್‌ ಆಯ್ಕೆಗಿಂತ ಇದು ಸ್ವಲ್ಪ ದೊಡ್ಡದಾಗಿ ಕಾಣಿಸಿಕೊಳ್ಳುತ್ತದೆ. ಇದಕ್ಕೂ ಒಂದು ಪ್ರಮುಖ ಕಾರಣ ಇದೆ. ಪ್ಲಗ್ ಯಾವಾಗಲೂ ಉದ್ದ ಮತ್ತು ದಪ್ಪವಾಗಿ ತಯಾರಿಸಲು ಕಾರಣ ಸುರಕ್ಷತೆ ಉದ್ದೇಶಕ್ಕೆ. ಈ ಸಾಮಾನ್ಯ ಪ್ಲಗ್‌ ಅನ್ನು ಸಾಕೆಟ್‌ನ ರಂಧ್ರಕ್ಕೆ ಸಂಪರ್ಕಿಸಿದಾಗ ದೊಡ್ಡ ಮತ್ತು ದಪ್ಪ ಪ್ಲಗ್‌ನ ಗಾತ್ರದಿಂದಾಗಿ ಅದು ಸಡಿಲಗೊಳ್ಳುವುದಿಲ್ಲ, ಇದರಿಂದಾಗಿ ಅದು ಹೊರಬರಲು ಬಹಳ ಸಮಯ ತೆಗೆದುಕೊಳ್ಳುತ್ತದೆ.

ಅದರಲ್ಲೂ ಕೇವಲ ಎರಡು ರಂಧ್ರಗಳಿಗೆ ಹೋಲಿಸಿದರೆ ಮೂರು ರಂಧ್ರಗಳು ಉತ್ತಮ ಸ್ಥಿರತೆ ಮತ್ತು ಸಮತೋಲನವನ್ನು ಒದಗಿಸುತ್ತವೆ. ತ್ರಿಕೋನ ಸಂರಚನೆಗಳು ಬಲಗಳನ್ನು ಹೆಚ್ಚು ಸಮವಾಗಿ ವಿತರಿಸುವ ಕೆಲಸ ಮಾಡುತ್ತದೆ. ಎಲ್‌, ಎನ್‌ ಹಾಗೂ ಇ ಎಂದು ಈ ಮೂರು ಪಿನ್‌ಗಳನ್ನು ಕರೆಯಲಾಗುತ್ತಿದ್ದು, ಎಲ್‌ ರಂಧ್ರವು ನೇರ ವಿದ್ಯುತ್ ಸರಬರಾಜಿನ ಕೆಲಸ ಮಾಡಿದರೆ ಎನ್‌ ರಂಧ್ರವು ತಟಸ್ಥ ತಂತಿಗೆ ಸಂಪರ್ಕ ನೀಡುತ್ತದೆ. ಹಾಗೆಯೇ ಇದು ವಿದ್ಯುತ್ ಸರ್ಕ್ಯೂಟ್ ಅನ್ನು ಪೂರ್ಣಗೊಳಿಸುತ್ತದೆ.

ಅದರಂತೆ ಇ ಎಂದು ಕರೆಯಲ್ಪಡುವ ರಂಧ್ರವು ಭೂಮಿ ಅಥವಾ ನೆಲದ ಸಂಪರ್ಕವಾಗಿದೆ. ಇದು ವಿದ್ಯುತ್ ದೋಷಗಳು ಮತ್ತು ಹೆಚ್ಚುವರಿ ಪ್ರವಾಹವನ್ನು ಸುರಕ್ಷಿತವಾಗಿ ನೆಲಕ್ಕೆ ಹೊರಹಾಕಲು ಮಾರ್ಗವನ್ನು ನೀಡುತ್ತದೆ. ಈ ಮೂಲಕ ಮೊದಲೇ ತಿಳಿಸಿದಂತೆ ಮುಂದಾಗುವ ಅನಾನುಕೂಲಗಳಿಂದ ಕಾಪಾಡಿ ಡಿವೈಸ್‌ಗಳನ್ನು ರಕ್ಷಣೆ ಮಾಡುವ ಕೆಲಸ ಮಾಡುತ್ತದೆ.