ಶಿಯೋಮಿಯ ಈ ಏಳು ಜನಪ್ರಿಯ ಸ್ಮಾರ್ಟ್‌ ಟಿವಿಗಳ ಬೆಲೆಯಲ್ಲಿ ಏರಿಕೆ!

ಹೌದು, ಶಿಯೋಮಿ ಸಂಸ್ಥೆಯ ತನ್ನ ಏಳು ಜನಪ್ರಿಯ ಸ್ಮಾರ್ಟ್‌ ಟಿವಿ ಮಾಡೆಲ್‌ಗಳ ಬೆಲೆಯಲ್ಲಿ ಈಗ 3,000ರೂ. ವರೆಗೂ ಏರಿಕೆ ಮಾಡಿದೆ. ಆ ಪೈಕಿ ಇತ್ತೀಚಿಗಷ್ಟೆ ಲಾಂಚ್ ಮಾಡಿರುವ ಶಿಯೋಮಿಯ Horizon ಎಡಿಷನ್‌ ಸೇರಿದಂತೆ, ಮಿ ಟಿವಿ 4A ಪ್ರೊ ಮತ್ತು ಮಿ ಟಿವಿ 4X ಸರಣಿಯ ಸ್ಮಾರ್ಟ್‌ ಟಿವಿಗಳು ಬೆಲೆ ಏರಿಕೆ ಕಂಡ ಲಿಸ್ಟ್‌ನಲ್ಲಿ ಕಾಣಿಸಿಕೊಂಡಿವೆ. ಈ ಬಗ್ಗೆ ಶಿಯೋಮಿ ಅಧಿಕೃತ ಹೇಳಿಗೆ ನೀಡಿಲ್ಲ. ಆದರೆ ಪ್ರಮುಖ ಇ-ಕಾಮರ್ಸ್ ತಾಣಗಳು ಬೆಲೆಯಲ್ಲಿ ಬದಲಾವಣೆ ಮಾಡಿವೆ.

32 ಇಂಚಿನ ಮಾಡೆಲ್‌ ಫೀಚರ್ಸ್‌

ಮಿ ಟಿವಿ 4A ಹರೈಸನ್ ಆವೃತ್ತಿಯ 32 ಇಂಚಿನ ಸ್ಮಾರ್ಟ್‌ಟಿವಿ 1,368x768 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯದ ಎಚ್‌ಡಿ ರೆಡಿ ಡಿಸ್‌ಪ್ಲೇಯನ್ನು ಹೊಂದಿದೆ. ಇನ್ನು ಈ ಟಿವಿ 20D ಸ್ಟಿರಿಯೊ ಸ್ಪೀಕರ್‌ಗಳನ್ನ ಹೊಂದಿದ್ದು, ಡಿಟಿಎಸ್-ಎಚ್‌ಡಿ ಸರೌಂಡ್ ಸೌಂಡ್‌ ಅನ್ನು ಒಳಗೊಂಡಿದೆ. ಇದಲ್ಲದೆ ಈ ಸ್ಮಾರ್ಟ್‌ಟಿವಿ ಕ್ವಾಡ್‌-ಕೋರ್‌ ಪ್ರೊಸೆಸರ್‌ ಅನ್ನು ಹೊಂದಿದ್ದು, ಇದು ಪ್ಯಾಚ್‌ವಾಲ್ ಇಂಟರ್‌ಪೇಸ್‌ ಜೊತೆಗೆ ಆಂಡ್ರಾಯ್ಡ್ ಟಿವಿ 9.0 ಬೆಂಬಲದೊಂದಿಗೆ ಕಾರ್ಯನಿರ್ವಹಿಸುತ್ತದೆ. ಇದರೊಂದಿಗೆ ಮಾಲಿ -450 GPU ಮತ್ತು 1GB RAM ಅನ್ನು ಹೊಂದಿದ್ದು, ಇದು 8GB ಆನ್‌ಬೋರ್ಡ್ ಸ್ಟೋರೇಜ್‌ ಅನ್ನು ಹೊಂದಿದೆ. ಸದ್ಯ ಈ ಮಾಡೆಲ್‌ನ ಆರಂಭಿಕ ಬೆಲೆ 15,999ರೂ. ಆಗಿದೆ.

43 ಇಂಚಿನ ಆವೃತ್ತಿಯ ಮಾಡೆಲ್‌ ಫೀಚರ್ಸ್‌

ಮಿ ಟಿವಿ 4A ಹರೈಸನ್ ಆವೃತ್ತಿಯ 43 ಇಂಚಿನ ಮಾದರಿಯು 1,920x1,080 ಪಿಕ್ಸೆಲ್‌ಗಳ ಸ್ಕ್ರೀನ್‌ ರೆಸಲ್ಯೂಶನ್‌ ಅನ್ನು ಹೊಂದಿರುವ ಫುಲ್-ಹೆಚ್‌ಡಿ ಡಿಸ್‌ಪ್ಲೇಯನ್ನು ಹೊಂದಿದೆ. ಅಲ್ಲದೆ 43-ಇಂಚಿನ ಆಯ್ಕೆಯು 32-ಇಂಚಿನ ಆವೃತ್ತಿಯ ಫಿಚರ್ಸ್ಗಳನ್ನೇ ಹೊಂದಿದೆ. 43 ಇಂಚಿನ ಮಿ ಟಿವಿ 4A ಹರೈಸನ್ ಆವೃತ್ತಿಯಲ್ಲಿ ಒಂದೇ, ಕ್ವಾಡ್-ಕೋರ್ ಪ್ರೊಸೆಸರ್, 1GB RAM ಮತ್ತು 8GB ಸ್ಟೋರೇಜ್‌ ಆಯ್ಕೆಯನ್ನು ನೀಡಲಾಗಿದೆ. ಜೊತೆಗೆ ಈ ಸ್ಮಾರ್ಟ್‌ಟಿವಿ ಕೂಡ ಆಂಡ್ರಾಯ್ಡ್ ಟಿವಿ 9.0 ಬೆಂಬಲದೊಂದಿಗೆ ಕಾರ್ಯನಿರ್ವಹಿಸಲಿದೆ. ಇನ್ನು ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಸ್ಟ್ಯಾಂಡರ್ಡ್ ವೈ-ಫೈ, ಬ್ಲೂಟೂತ್, ಎಚ್‌ಡಿಎಂಐ, ಯುಎಸ್‌ಬಿ, 3.5 ಎಂಎಂ ಹೆಡ್‌ಫೋನ್ ಜ್ಯಾಕ್ ಅನ್ನು ಬೆಂಬಲಿಸಲಿದೆ. ಈ ಆವೃತ್ತಿಯ ಬೆಲೆಯು 24,999ರೂ. ಆಗಿದೆ.

ಶಿಯೋಮಿಯ ಕಂಪನಿಯ ಎಲ್ಲ ಸ್ಮಾರ್ಟ್ ಟಿವಿಗಳು ಸಾಕಷ್ಟು ಸಾಮಾನ್ಯವಾಗಿದೆ. ಇವೆಲ್ಲವೂ ಸಂಪರ್ಕ ತಂತ್ರಜ್ಞಾನಗಳಾದ ವೈ-ಫೈ, ಬ್ಲೂಟೂತ್, ಕ್ರೋಮ್‌ಕಾಸ್ಟ್ ಮತ್ತು ಹೆಚ್ಚಿನದನ್ನು ಬೆಂಬಲಿಸಬಹುದು. ಇವೆಲ್ಲವುಗಳ ನಡುವೆ 4 ಎ ಹರೈಸನ್ ಆವೃತ್ತಿಯು ಮಾರುಕಟ್ಟೆಗೆ ಇತ್ತೀಚಿನ ಪ್ರವೇಶವಾಗಿದ್ದು, ಬಳಕೆದಾರರಿಗೆ 178 ಡಿಗ್ರಿ ವೀಕ್ಷಣಾ ಕೋನವನ್ನು ನೀಡುತ್ತದೆ ಮತ್ತು ವಿವಿದ್ ಪಿಕ್ಚರ್ ಎಂಜಿನ್‌ನೊಂದಿಗೆ ಬರುತ್ತದೆ.