ಸದ್ಯದಲ್ಲೇ ಬಿಡುಗಡೆ ಆಗಲಿದೆ ಶಿಯೋಮಿ ಸ್ಮಾರ್ಟ್‌ ಬ್ಯಾಂಡ್‌ 6 ಡಿವೈಸ್‌!

ಹೌದು, ಮಾರುಕಟ್ಟೆಯಲ್ಲಿಗ ಭಿನ್ನ ಫೀಚರ್ಸ್‌ಗಳ ತರಹೇವಾರಿ ಸ್ಮಾರ್ಟ್‌ ಫಿಟ್ನೆಸ್‌ ಬ್ಯಾಂಡ್‌ ಡಿವೈಸ್‌ಗಳು ಮಾರುಕಟ್ಟೆಯಲ್ಲಿ ಲಭ್ಯ ಇವೆ. ಅವುಗಳಲ್ಲಿ ಶಿಯೋಮಿ ಸಂಸ್ಥೆಯ ಬ್ಯಾಂಡ್‌ಗಳು ಟ್ರೆಂಡಿಂಗ್‌ನಲ್ಲಿ ಕಾಣಿಸಿಕೊಂಡಿವೆ. ಕಂಪನಿಯು ತನ್ನ ಬ್ಯಾಂಡ್‌ಗಳ ಲಿಸ್ಟ್‌ಗೆ ಈಗ ನೂತನವಾಗಿ ಮಿ ಬ್ಯಾಂಡ್ 6 ಡಿವೈಸ್‌ ಬಿಡುಗಡೆ ಮಾಡುವ ಸೂಚನೆ ಹೊರಹಾಕಿದೆ. ಹಾಗೆಯೇ ಈ ಡಿವೈಸ್‌ನ ಕೆಲವು ಲೀಕ್ ಫೀಚರ್ಸ್‌ಗಳು ಗ್ರಾಹಕರಲ್ಲಿ ಕುತೂಹಲ ಮೂಡಿಸಿವೆ. ಹಾಗಾದರೇ ಮಿ ಬ್ಯಾಂಡ್ 6 ಡಿವೈಸ್‌ನ ಫೀಚರ್ಸ್‌ಗಳು ಹೇಗಿರಲಿವೆ ಎಂಬುದನ್ನು ನೋಡೋಣ ಬನ್ನಿರಿ.

ಹೊಸ ಮಿ ಬ್ಯಾಂಡ್ 6 ಡಿವೈಸ್‌ ವಿನ್ಯಾಸವು ಬಹುತೇಕ ಮಿ ಬ್ಯಾಂಡ್ 5 ಗೆ ಹೋಲುವಂತೆ ಕಾಣಿಸಲಿದೆ. ಆವೃತ್ತಿಯು ಅಮೆಜಾನ್‌ನ ಅಲೆಕ್ಸಾ ವಾಯಿಸ್‌ ಸಹಾಯಕರನ್ನು ಬೆಂಬಲಿಸುತ್ತದೆ ಎಂದು ಹೇಳಲಾಗಿದೆ. ಹಾಗೆಯೇ ಈ ಡಿವೈಸ್‌ ಎಸ್‌ಪಿಒ 2 ರಕ್ತದ ಆಮ್ಲಜನಕದ ಶುದ್ಧತ್ವ ಮಾಪನ ಹೊಂದಿರಲಿದೆ. ಫರ್ಮ್‌ವೇರ್ ಫೈಲ್ ಡಯಲ್ ಮಾದರಿಗಳ ಸರಣಿಯನ್ನು ಸಹ ತೋರಿಸುತ್ತದೆ.

ಚಾಟ್ ಮಾಹಿತಿಯ ಪ್ರದರ್ಶನಕ್ಕಾಗಿ ಮಿ ಬ್ಯಾಂಡ್ 6 ಡಿವೈಸ್‌ 308 ನೋಟಿಫೀಕೇಶನ್‌ ಐಕಾನ್‌ಗಳನ್ನು ಬೆಂಬಲಿಸುತ್ತದೆ. ಇದಲ್ಲದೆ, ಜೆಡಿ, ಟಿಮಾಲ್, ಮೀಟೂವಾನ್ ಕ್ಯೂಕ್ಯೂ, ಡೌಯಿನ್ ಮತ್ತು ಇತರ ಹಲವು ಸ್ಮಾರ್ಟ್‌ಫೋನ್ ಅಪ್ಲಿಕೇಶನ್ ಐಕಾನ್‌ಗಳಿವೆ. ಅವುಗಳ ನೋಟಿಫೀಕೇಶನ್‌ ಸ್ಕ್ರೀನ್‌ ಮೇಲೆ ಕಾಣಿಸಿಕೊಳ್ಳಲಿವೆ. ಹಾಗೆಯೇ ಈ ಡಿವೈಸ್‌ NFC ಹಾಗೂ ನಾನ್ NFC ಮಾಡೆಲ್‌ಗಳ ಆಯ್ಕೆ ಹೊಂದಿರಲಿದೆ.

ಇನ್ನು ಈ ಹಿಂದಿನ ಶಿಯೋಮಿ ಮಿ ಸ್ಮಾರ್ಟ್‌ ಬ್ಯಾಂಡ್‌ 5 ಡಿವೈಸ್‌ ಫಿಟ್ನೆಸ್‌ ಆಧಾರಿತ ಫೀಚರ್ಸ್‌ಗಳನ್ನು ಪಡೆದಿದೆ. ಇದು ಫಿಟ್‌ನೆಸ್ ಮತ್ತು ಹಾರ್ಟ್‌ರೇಟ್‌‌ ಮಾನಿಟರಿಂಗ್‌ , ಸ್ಲಿಪ್‌ ಟ್ರ್ಯಾಕಿಂಗ್, ಮಹಿಳೆಯರ ಆರೋಗ್ಯ ಟ್ರ್ಯಾಕಿಂಗ್, ಒತ್ತಡ ಮೇಲ್ವಿಚಾರಣೆ ಮತ್ತು ಹೆಚ್ಚಿನವುಗಳನ್ನು ಒಳಗೊಂಡಿದೆ. ಹಾಗೆಯೇ ಈ ಡಿವೈಸ್‌ 126x294 ಪಿಕ್ಸೆಲ್ ರೆಸಲ್ಯೂಶನ್ ಅನ್ನು ಹೊಂದಿದೆ. ಇದು 1.6-ಇಂಚಿನ ಅಮೋಲೆಡ್ ಕಲರ್ ಫುಲ್ ಟಚ್ ಡಿಸ್‌ಪ್ಲೇಯನ್ನು ಹೊಂದಿದೆ. ಅಲ್ಲದೆ ಈ ಡಿಸ್‌ಪ್ಲೇ 16 ಬಿಟ್ ಕಲರ್ ಮತ್ತು 450 ನಿಟ್ಸ್ ಬ್ರೈಟ್‌ನೆಸ್ ಅನ್ನು ಹೊಂದಿದೆ.