ಶಿಯೋಮಿಯಿಂದ ಭಾರತೀಯ ಮಾರುಕಟ್ಟೆಗೆ ಹೊಸ 'ಟ್ರಿಮ್ಮರ್' ಬಿಡುಗಡೆ!

ಚೀನಾ ಮೂಲದ ಶಿಯೋಮಿ ಕಂಪನಿ ಭಾರತೀಯ ಮಾರುಕಟ್ಟೆಯಲ್ಲಿ ಈಗಾಗಲೇ ಸ್ಮಾರ್ಟ್‌ಫೋನ್‌, ಫ್ಯಾಶನ್‌ ಸೇರಿದಂತೆ ಹಲವು ವಲಯಗಳಲ್ಲಿ ಉತ್ಪನ್ನಗಳನ್ನು ಬಿಡುಗಡೆ ಮಾಡಿ ಜನಪ್ರಿಯತೆ ಗಳಿಸಿದೆ. ಈ ನಿಟ್ಟಿನಲ್ಲಿ ಮುಂದುವರೆದಿರುವ ಕಂಪನಿಯು ಇದೀಗ ಕೇಶಾಲಂಕಾರ ವಲಯಕ್ಕೂ ದಾಪುಗಾಲಿಟ್ಟಿದ್ದು, ಪುರುಷರಿಗಾಗಿ ಹೊಸ ಬಿಯರ್ಡ್‌(ಗಡ್ಡ) ಟ್ರಿಮ್ಮರ್‌ ಉತ್ಪನ್ನವನ್ನು ಮಾರುಕಟ್ಟೆಗೆ ಪರಿಚಯಿಸಿದೆ.

ಹೌದು, ಶಿಯೋಮಿ ಕಂಪನಿಯು ಇತ್ತೀಚಿಗಷ್ಟೆ ಮಿ ಬಿಯರ್ಡ್‌ ಟ್ರಿಮ್ಮರ್‌ ಉತ್ಪನ್ನವನ್ನು ಲಾಂಚ್‌ ಮಾಡಿದ್ದು, ಇಂದಿನಿಂದ (ಜೂನ್‌ 27) ಈ ಉತ್ಪನ್ನದ ಓಪೆನ್‌ ಸೇಲ್‌ ಮಾರಾಟವನ್ನು ಆರಂಭಿಸಿದೆ. ಮಿ ಬಿಯರ್ಡ್‌ ಟ್ರಿಮ್ಮರ್‌ ಭಾರತೀಯ ಗ್ರಾಹಕರಿಗಾಗಿ ತಯಾರಿಸಲಾಗಿದ್ದು, ಈ ಉತ್ಪನ್ನವು ದೇಶಿಯ ಮಾರುಕಟ್ಟೆ ಹೊರತುಪಡಿಸಿ ಬೇರೆ ಯಾವುದೇ ಮಾರುಕಟ್ಟೆಯಲ್ಲಿ ದೊರೆಯುವುದಿಲ್ಲ ಎಂದು ಕಂಪನಿಯ ಭಾರತೀಯ ಮ್ಯಾನೇಜಿಂಗ ಡೈರೆಕ್ಟರ್‌ ಮನು ಜೈನ್‌ ತಿಳಿಸಿದ್ದಾರೆ.

ಈ ಉತ್ಪನ್ನವು ಬ್ಲ್ಯಾಕ್‌ ಕಲರ್‌ ವೇರಿಯಂಟ್‌ನಲ್ಲಿದ್ದು, ಇದರೊಂದಿಗೆ 40 ಲೆಂತ್‌ ಸೆಟ್ಟಿಂಗ್, ಸ್ಟೈಲ್‌ನೆಸ್‌ ಸ್ಟೀಲ್‌ ಬಾಡಿಯ ರಚನೆ, ಪವರ್‌ಫುಲ್‌ ಬ್ಯಾಟರಿ, IPX7 ವಾಟರ್‌ಪ್ರೂಫ್‌, ಟ್ರಾವೆಲ್‌ ಲಾಕ್ ಫೀಚರ್ಸ್‌ಗಳನ್ನು ಹೊಂದಿದೆ. ಹಾಗೆಯೇ ಕ್ವಾರ್ಡೆಡ್‌ ಮತ್ತು ಕ್ವಾರ್ಡ್‌ಲೆಸ್‌ (corded/cordless)ನಲ್ಲಿಯೂ ಉಪಯೋಗಿಸಬಹುದಾಗಿದ್ದು, ಈ ಸಾಧನವು ಅಲ್ಟ್ರಾ ಸ್ಪೆಶಿಯಸ್‌ ಸೆಲ್ಫ ಶಾರ್ಪಿಂಗ್ ಬ್ಲೆಡ್‌ ಒಳಗೊಂಡಿದೆ. ಇದರ ಬೆಲೆಯು 1199ರೂ.ಗಳು ಆಗಿದೆ.

ಈ ಡಿವೈಸ್‌ನೊಂದಿಗೆ ಅತ್ಯುತ್ತಮ ಬ್ಯಾಟರಿ ಒದಗಿಸಲಾಗಿದ್ದು, ಚಾರ್ಜಿಂಗ್‌ 5V ಅಡಾಪ್ಟರ್‌ಗೆ ಬೆಂಬಲ ನೀಡುತ್ತದೆ. 2 ಗಂಟೆ ಚಾರ್ಜ್‌ ಮಾಡಿದರೇ ಸುಮಾರು 90 ನಿಮಿಷ ಬಾಳಿಕೆ ಒದಗಿಸಲಿದೆ. ಇನ್‌ಸ್ಟಟ್‌ ಬಳಕೆಗೆ ಕ್ಲಿಕ್‌ ಚಾರ್ಜ್‌ ಸೌಲಭ್ಯ ನೀಡಲಾಗಿದ್ದು, 5 ನಿಮಿಷ ಚಾರ್ಜ್‌ ಮಾಡಿದರೇ 10 ನಿಮಿಷದ ಬಳಕೆ ಮಾಡಬಹುದಾಗಿದೆ. ಇದರೊಂದಿಗೆ ಎಲ್‌ಇಡಿ ಬ್ಯಾಟರಿ ಇಂಡಿಕೇಟರ್‌ ಇದ್ದು, USB ಮೂಲಕವು ಚಾರ್ಜ್‌ ಮಾಡಬಹುದು.

ಕ್ವಾಡ್‌ ಎಡ್ಜ್‌ ಡಿಸೈನ್‌ ಹೊಂದಿರುವ ಈ ಡಿವೈಸ್‌ IPX7 ವಾಟರ್‌ಪ್ರೂಫ್‌ ಸೌಲಭ್ಯ ಪಡೆದಿದೆ ಹಾಗೂ ಟ್ರಾವೆಲ್‌ ಮೋಡ್‌ ಫೀಚರ್‌ ನೀಡಲಾಗಿದ್ದು, ಇದು ಟ್ರಾವಲಿಂಗ್‌ ಸಮಯದಲ್ಲಿ ಡಿವೈಸ್‌ನ ಬ್ಯಾಟರಿ ಶಕ್ತಿಯನ್ನು ಉಳಿಸಲು ನೆರವಾಗಲಿದೆ. 1199ರೂ.ಗಳು ಪ್ರೈಸ್‌ಟ್ಯಾಗ್‌ ಅನ್ನು ಹೊಂದಿದ್ದು, ಕಂಪನಿಯ ಅಧಿಕೃತ ವೆಬ್‌ತಾಣ(Mi.com) ಅಥವಾ ಇ ಕಾಮರ್ಸ್‌ ದೈತ್ಯ ಅಮೆಜಾನ್‌ ಮೂಲಕ ಗ್ರಾಹಕರು ಖರೀದಿಸಬಹುದಾಗಿದೆ.