ಕೇರಳ ಸಂತ್ರಸ್ತರಿಗೆ ಸಿಹಿ ಸುದ್ದಿ ನೀಡಿದ ಶಿಯೋಮಿ: ಉಚಿತ ಸ್ಮಾರ್ಟ್‌ಫೋನ್ ಸೇವೆ..!

ಹೆಚ್ಚು ಮಾರಾಟ:

ಭಾರತೀಯ ಮಾರುಕಟ್ಟೆಯಲ್ಲಿ ಅತೀ ಹೆಚ್ಚಿನ ಪ್ರಮಾಣದ ಸ್ಮಾರ್ಟ್‌ಫೋನ್‌ಗಳನ್ನು ಮಾರಾಟ ಮಾಡಿರುವ ಶಿಯೋಮಿ, ಕೇರಳ ಪ್ರವಾಹ ಪೀಡಿತರಿಗೆ ಸಹಾಯ ಹಸ್ತ ಚಾಚಿದೆ. 'ಕೇರಳದಲ್ಲಿ ಹಾಳಾದ ಶಿಯೋಮಿ ಸ್ಮಾರ್ಟ್‌ಪೋನ್‌ಗಳನ್ನು ಉಚಿತವಾಗಿ ರಿಪೇರಿ ಮಾಡಿಕೊಡಲಾಗುವುದು' ಎಂದು ತಿಳಿಸಿದೆ.

ವರದಿ:

ಈ ಕುರಿತು ಮೊಬೈಲ್ ಇಂಡಿಯನ್ ಜಾಲತಾಣವು ವರದಿಯನ್ನು ಮಾಡಿದ್ದು, ಶಿಯೋಮಿ ಭಾರತೀಯ ಮುಖ್ಯಸ್ಥ ಮನು ಜೈನ್ ಈ ಬಗ್ಗೆ ಮಾಹಿತಿಯನ್ನು ನೀಡಿದ್ದಾರೆ ಎಂದು ವರದಿಯಲ್ಲಿ ತಿಳಿಸಿದ್ದಾರೆ. ' ಭಾರೀ ಮಳೆ ಮತ್ತು ಪ್ರವಾಹದಿಂದಾಗಿ ನೀರಿನಲ್ಲಿ ಬಿದ್ದು ಹಾಳಾಗಿರುವು ಶಿಯೋಮಿ ಸ್ಮಾರ್ಟ್‌ಪೋನ್‌ಗಳನ್ನು ಕೇರಳದಲ್ಲಿ ಉಚಿತವಾಗಿ ರಿಪೇರಿ ಮಾಡಿಸಿಕೊಡಲಾಗುವುದು. ಇದಕ್ಕಾಗಿ ಸಿದ್ಧತೆಯನ್ನು ನಡೆಸಲಾಗಿದೆ' ಎಂದು ಮನು ಜೈನ್ ತಿಳಿಸಿದ್ದಾರೆ ಎನ್ನಲಾಗಿದೆ.

ಶೀಘ್ರವೇ ಅಧಿಕೃತ ಮಾಹಿತಿ:

ಶಿಯೋಮಿ ಉಚಿತವಾಗಿ ಸ್ಮಾರ್ಟ್‌ಫೋನ್‌ಗಳನ್ನು ರಿಪೇರಿ ಮಾಡಿಕೊಡುವ ಬಗ್ಗೆ ಶೀಘ್ರವೇ ಅಧಿಕೃತ ಮಾಹಿತಿಯೂ ಬಿಡುಗಡೆಯಾಗಲಿದೆ ಎನ್ನಲಾಗಿದೆ. ಸ್ಮಾರ್ಟ್‌ಫೋನ್ ಸಂಪರ್ಕ ಸಾಧನಗಳಲ್ಲಿ ಮೊದಲನೇ ಸ್ಥಾನದಲ್ಲಿದ್ದು, ಈ ಹಿನ್ನಲೆಯಲ್ಲಿ ಸ್ಮಾರ್ಟ್‌ಫೋನ್ ಗಳನ್ನು ರಿಪೇರಿ ಮಾಡಿಕೊಡುವುದು ಸಹ ಅವಶ್ಯವಾಗಲಿದೆ.

ಪವರ್ ಬ್ಯಾಂಕ್ ನೀಡಿತ್ತು.

ಇದಲ್ಲದೇ ಶಿಯೋಮಿ ಈ ಹಿಂದೆಯೇ ಸ್ಮಾರ್ಟ್‌ಫೋನ್‌ ಬಳಕೆದಾರರಿಗೆ ಸಹಾಯ ಮಾಡುವ ನಿಟ್ಟಿನಲ್ಲಿ ಫುಲ್ ಚಾರ್ಜ್ ಆಗಿದ್ದ ಪವರ್ ಬ್ಯಾಂಕ್‌ಗಳನ್ನು ಉಚಿತವಾಗಿ ನೀಡಿತ್ತು. ಇದರಿಂದಾಗಿ ಬ್ಯಾಟರಿ ಕಳೆದುಕೊಂಡಿದ್ದ ಮೊಬೈಲ್‌ಗಳಿಗೆ ಜೀವ ನೀಡುವ ಕಾರ್ಯವನ್ನು ಮಾಡಿತ್ತು.

ನೆರವು:

ಈಗಾಗಲೇ ಟೆಲಿಕಾಂ ಕಂಪನಿಗಳಾದ ಜಿಯೋ, ಏರ್‌ಟೆಲ್, ವೊಡಾಫೋನ್ ಮತ್ತು ಐಡಿಯಾ ಕೇರಳದಲ್ಲಿ ಉಚಿತ ಕರೆ ಮಾಡುವ ಅವಕಾಶ ಮತ್ತು ಡೇಟಾವನ್ನು ಬಳಕೆಯನ್ನು ಉಚಿತ ಮಾಡಿವೆ. ಈ ಹಿನ್ನಲೆಯಲ್ಲಿ ಬ್ಯಾಲೆನ್ಸ್ ಇಲ್ಲದೇ ದೂರದಲ್ಲಿ ಪರಡಾಡುತ್ತಿದ್ದವರಿಗೆ ಇದರಿಂದಾಗಿ ಹೆಚ್ಚಿನ ಸಹಾಯವಾಗಿತ್ತು.

ಗೂಗಲ್:

ಇದಲ್ಲದೇ ಗೂಗಲ್ ಕೇರಳದಲ್ಲಿ ನಾಪತ್ತೆಯಾಗಿರುವವರನ್ನು ಪತ್ತೆ ಮಾಡಲು ಗೂಗಲ್ ಪರ್ಸನ್ ಫೈಂಡರ್ ಪೇಜ್ ಅನ್ನು ಬಳಕೆಗೆ ಮುಕ್ತವಾಗಿಸಿದೆ. ಅಲ್ಲದೇ ಗೂಗಲ್ ಮ್ಯಾಪ್ ಸಹಾಯದಿಂದ ಪರಿಹಾರ ತಂಡಗಳಿಗೆ ಸಹಾಯವನ್ನು ಮಾಡುತ್ತಿದೆ. ಜೊತೆಗೆ ಸಾಮಾನ್ಯ ಜನರಿಗೆ ಆಹಾರ ಸೇರಿದಂತೆ ಬೇರೆ ಮಾದರಿಯ ಸಹಾಯ ಎಲ್ಲಿ ಲಭ್ಯವಿದೆ ಎನ್ನುವುದನ್ನು ಮ್ಯಾಪ್‌ನಲ್ಲಿ ತಿಳಿಸುತ್ತಿದೆ ಎನ್ನಲಾಗಿದೆ.