ಶಿಯೋಮಿ ವ್ಯಾಲಂಟೇನ್ಸ್‌ ಡೇ ಸೇಲ್‌: ಸ್ಮಾರ್ಟ್‌ ಡಿವೈಸ್‌ಗಳ ಮೇಲೆ ಭಾರೀ ಆಫರ್!

ಹೌದು, ಶಿಯೋಮಿ ತನ್ನ ವೆಬ್‌ಸೈಟ್‌ನಲ್ಲಿ ವ್ಯಾಲಂಟೇನ್ಸ್‌ ಡೇ ಸೇಲ್‌ ಆಯೋಜಿಸಿದ್ದು, ಸಂಸ್ಥೆಯ ಆಯ್ದ ಉತ್ಪನ್ನಗಳ ಮೇಲೆ ಭಾರೀ ಡಿಸ್ಕೌಂಟ್ ನೀಡುತ್ತಿದೆ. ಈ ವಿಶೇಷ ಮಾರಾಟದಲ್ಲಿ ಧರಿಸಬಹುದಾದ ಗ್ಯಾಡ್ಜೆಟ್ಸ್‌, ಆಡಿಯೋ ಉತ್ಪನ್ನಗಳು, ಸ್ಮಾರ್ಟ್ ಟಿವಿಗಳು ಮತ್ತು ಸ್ಮಾರ್ಟ್ IoT ಡಿವೈಸ್‌ಗಳಿಗೆ ರಿಯಾಯಿತಿಯನ್ನು ಲಭ್ಯ ಮಾಡಿದೆ. ಆದರೆ ಈ ಸೇಲ್‌ ಆಫರ್‌ನಲ್ಲಿ ಸ್ಮಾರ್ಟ್‌ಫೋನ್‌ಗಳು ಮತ್ತು ಲ್ಯಾಪ್‌ಟಾಪ್‌ಗಳು ಕಾಣಿಸಿಕೊಂಡಿಲ್ಲ.

ವ್ಯಾಲೆಂಟೈನ್ಸ್ ಡೇ ಜೊತೆಗೆ ಶಿಯೋಮಿಯು ಮೂರು ವರ್ಷಗಳ ಮಿ ಟಿವಿ ವಾರ್ಷಿಕೋತ್ಸವ ಸಹ ಆಚರಿಸುತ್ತಿದೆ. ಈ ನಿಟ್ಟಿನಲ್ಲಿ ಮಿ ಟಿವಿಗಳ ಮೇಲೆಯು ಭರ್ಜರಿ ರಿಯಾಯಿತಿ ತಿಳಿಸಿದೆ. ಸಂಸ್ಥೆಯ ಮಿ ಟಿವಿ 4A Pro (43 ಇಂಚು) ಡಿವೈಸ್ ಬೆಲೆಯು 23,999ರೂ. ಆಗಿದೆ. ಮಿ ಟಿವಿ 4X (43 ಇಂಚು) ಡಿವೈಸ್‌ ಬೆಲೆಯು 27,999ರೂ. ಆಗಿದ್ದು, ಹಾಗೆಯೇ ಮಿ ಟಿವಿ 4X (50 ಇಂಚು) ಡಿವೈಸ್‌ ಬೆಲೆಯು 33,999ರೂ.ಆಗಿದೆ. ಇದರೊಂದಿಗೆ ಸಂಸ್ಥೆಯ ಮಿ ಮಿ ಟಿವಿ Horizon ಆವೃತ್ತಿ (32-ಇಂಚು) ಟಿವಿಗೆ 500 ರೂ.ಗಳ ರಿಯಾಯಿತಿ ಲಭ್ಯ ಇದ್ದು, ಈಗ 15,499ರೂ.ಗೆ ಲಭ್ಯ.

ಮಿ ಟಿವಿ ಸ್ಟಿಕ್ ಮತ್ತು ಮಿ ಬಾಕ್ಸ್ 4K ಡಿವೈಸ್‌ಗಳ ಮೇಲೆಯು ರಿಯಾಯಿತಿ ಇದ್ದು, ಇವುಗಳು ಕ್ರಮವಾಗಿ 2,299 ಮತ್ತು 3,299ರೂ.ಗಳ ಪ್ರೈಸ್‌ಟ್ಯಾಗ್‌ನಲ್ಲಿ ಕಾಣಿಸಿಕೊಂಡಿವೆ. ಇನ್ನು ಸಂಸ್ಥೆಯ ಆಡಿಯೊಗೆ ಸಂಬಂಧಿಸಿದಂತೆ, ಮಿ ಟ್ರೂ ವೈರ್‌ಲೆಸ್ ಇಯರ್‌ಫೋನ್ 2 ಬೆಲೆ 2,999ರೂ.ಆಗಿದೆ. ಮಿ ಟ್ರೂ ವೈರ್‌ಲೆಸ್ ಇಯರ್‌ಫೋನ್ಸ್ 2C ಬೆಲೆ 2,199ರೂ. ಆಗಿದೆ. ಮಿ ಡ್ಯುಯಲ್ ಡ್ರೈವರ್ ಇನ್-ಇಯರ್ ಇಯರ್‌ಫೋನ್‌ 699ರೂ. ಬೆಲೆ ಹೊಂದಿದೆ.

ರೆಡ್ಮಿ ಪವರ್ ಬ್ಯಾಂಕ್ ಡಿವೈಸ್‌ ಮೇಲೆ 200ರೂ.ಗಳ ಬೆಲೆ ಕಡಿತವಾಗಿದ್ದು, 1,199ರೂ. ದರದಲ್ಲಿ ಕಾಣಿಸಿಕೊಂಡಿದೆ. ಹಾಗೆಯೇ ಶಿಯೋಮಿ ಮಿ ವಾಚ್ ರಿವಾಲ್ವ್ ಡಿವೈಸ್‌ 10,999ರೂ.ಗಳ ಪ್ರೈಸ್‌ ಅನ್ನು ಹೊಂದಿದ್ದು, ಆದರೆ ಈ ಸೇಲ್‌ನಲ್ಲಿ 7,999ರೂ.ಗಳಿಗೆ ಲಭ್ಯವಿದೆ. ಹಾಗೆಯೇ ರೆಡ್ಮಿ ಬ್ಯಾಂಡ್ ಡಿವೈಸ್‌ 200ರೂ. ಡಿಸ್ಕೌಂಟ್‌ ಪಡೆದಿದ್ದು, 1,399ರೂ.ಗಳ ದರದಲ್ಲಿ ಕಾಣಿಸಿಕೊಂಡಿದೆ.