ಧ್ವನಿ ನಿಯಂತ್ರಣವಿರುವ ಹೊಸ 4ಕೆ ಆ್ಯಕ್ಷನ್ ಕ್ಯಾಮೆರ ಗಾರ್ಮಿನ್ ವರ್ಬ್ ಅಲ್ಟ್ರಾ 30.

ವಿನ್ಯಾಸ ಮತ್ತು ದೇಹ.

ವಿನ್ಯಾಸದ ಲೆಕ್ಕಾಚಾರದಲ್ಲಿ ವರ್ಬ್ ಅಲ್ಟ್ರಾ 30 ಕ್ಯಾಮೆರಾದಲ್ಲಿ ಹೆಚ್ಚಿನ ಬದಲಾವಣೆಗಳೇನಿಲ್ಲ. ಹಿಂದಿನ ಕ್ಯಾಮೆರಾದಂತೆಯೇ ಇದರಲ್ಲೂ ಪುಟ್ಟ ಚೊಕ್ಕ ವಿನ್ಯಾಸವಿದೆ.

ಹೊಸ ವಿಶೇಷತೆಗಳು ಹಲವಿದೆ.

ಹೊಸ ವರ್ಬ್ ಅಲ್ಟ್ರಾ 30 ಕ್ಯಾಮೆರಾದಲ್ಲಿ ಆಸಕ್ತಿ ಕೆರಳಿಸುವ ಹಲವು ವಿಶೇಷತೆಗಳಿವೆ. ಎಲೆಕ್ಟ್ರಾನಿಕ್ 3 ಆ್ಯಕ್ಸಿಸ್ ಇಮೇಜ್ ಸ್ಟೆಬಿಲೈಜೇಷನ್ ಇರುವುದರಿಂದ ತುಂಬ ಉತ್ತಮ ಚಿತ್ರಗಳನ್ನು ತೆಗೆಯಬಹುದು. ಹೆಸರೇ ತಿಳಿಸುವಂತೆ, ಈ ಕ್ಯಾಮೆರಾದಲ್ಲಿ 4ಕೆ ವೀಡಿಯೋಗಳನ್ನು ರೆಕಾರ್ಡ್ ಮಾಡಬಹುದು ಹಾಗೂ ಸ್ಲೋ ಮೋಷನ್ ವೀಡಿಯೋಗಳನ್ನು ಚಿತ್ರಿಸಬಹುದು.

ಸ್ಲೋ ಮೋಷನ್ ವೀಡಿಯೋ ತೆಗೆಯುವಾಗ ಎಲೆಕ್ಟ್ರಾನಿಕ್ ಇಮೇಜ್ ಸ್ಟೆಬಿಲೈಜೇಷನ್ ಕಾರ್ಯನಿರ್ವಹಿಸುತ್ತದೆ.

ಈ ಕ್ಯಾಮೆರಾದ ವಿಶೇಷತೆಯೆಂದರೆ 60ಎಫ್.ಪಿ.ಎಸ್ ಸ್ಲೋ ಮೋಷನ್ ವೀಡಿಯೋ ತೆಗೆಯುವಾಗಲೂ ಎಲೆಕ್ಟ್ರಾನಿಕ್ ಇಮೇಜ್ ಸ್ಟೆಬಿಲೈಜೇಷನ್ ಕಾರ್ಯನಿರ್ವಹಿಸುತ್ತದೆ.

ಧ್ವನಿ ನಿಯಂತ್ರಣ.

ವರ್ಬ್ ಅಲ್ಟ್ರಾ 30ರಲ್ಲಿರುವ ಮತ್ತೊಂದು ವಿಶಿಷ್ಟತೆಯೆಂದರೆ ಧ್ವನಿಯಿಂದ ಕ್ಯಾಮೆರಾವನ್ನು ನಿಯಂತ್ರಿಸುವ ಸೌಲಭ್ಯ. ಒಂದಷ್ಟು ದೂರದಿಂದ 'ಓಕೆ ಗಾರ್ಮಿನ್' ಎಂದು ಕೂಗಿದರೆ ಕ್ಯಾಮೆರಾದ ಲೈಟುಗಳು ಬ್ಲಿಂಕ್ ಆಗುತ್ತದೆ, ಅದರರ್ಥ, ನಿಮ್ಮ ಆದೇಶಗಳನ್ನು ತೆಗೆದುಕೊಳ್ಳಲು ಅದು ಸಿದ್ಧವಾಗಿದೆ ಅಂತ.

ನಂತರ 'ರೆಕಾರ್ಡ್ ಎ ವೀಡಿಯೋ', 'ಟೇಕ್ ಎ ಫೋಟೋ' ಎಂದು ಹೇಳುವ ಮೂಲಕ ಕ್ಯಾಮೆರಾವನ್ನು ಉಪಯೋಗಿಸಬಹುದು. ಗೋಪ್ರೋದ ಹೀರೋ 5ರಲ್ಲೂ ಈ ಸೌಲಭ್ಯವಿರುವ ಬಗ್ಗೆ ಸುದ್ದಿಗಳಿವೆ.

ಲೈವ್ ಇವೆಂಟನ್ನು ಸ್ಟ್ರೀಮ್ ಮಾಡಿ.

ನಿಮ್ಮ ವರ್ಬ್ ಅಲ್ಟ್ರಾ 30 ಅನ್ನು ಐಫೋನ್ ಅಥವಾ ಐಪ್ಯಾಡಿಗೆ ಡಾಟಾಗಾಗಿ ಸಂಪರ್ಕಿಸಿ ಮತ್ತು ಲೈವ್ ಇವೆಂಟನ್ನು ಸ್ಟ್ರೀಮ್ ಮಾಡಬಹುದು ಎಂದು ಗಾರ್ಮಿನ್ ಕಂಪನಿ ತಿಳಿಸಿದೆ. ಆದರೆ, ಲೈವ್ ಸ್ಟ್ರೀಮಿಂಗ್ 720ಪಿಯಲ್ಲಿ ಮಾತ್ರ ಸಾಧ್ಯ. ಕ್ಯಾಮೆರಾದಲ್ಲಿ ವೈಫೈ ಇದೆಯೋ ಇಲ್ಲವೋ ಎನ್ನುವುದರ ಬಗ್ಗೆ ಸ್ಪಷ್ಟತೆಯಿಲ್ಲ. ಆದರೆ ಗಾರ್ಮಿನ್ ತಿಳಿಸುವ ಪ್ರಕಾರ ಡಾಟಾ ಸಂಪರ್ಕದ ಮೂಲಕ ಲೈವ್ ಸ್ಟ್ರೀಮಿಂಗ್ ಸಾಧ್ಯ.

ಬೆಲೆ.

ಗಾರ್ಮಿನ್ ವರ್ಬ್ ಅಲ್ಟ್ರಾ 30ರ ಬೆಲೆ $499 (ಅಂದಾಜು 34,000 ರುಪಾಯಿ). ಈ ಬೆಲೆಗೆ ತಕ್ಕುದಾದ ಕ್ಯಾಮೆರಾ ಇದು.