ಕ್ಲೋಸ್‌ ಅಪ್‌ ಶಾಟ್‌ನಲ್ಲಿ ಅತ್ಯುತ್ತಮ ಫೋಟೊ ಸೆರೆಹಿಡಿಯಲು ಈ ಟಿಪ್ಸ್‌ ಅನುಸರಿಸಿ!

ಆಟೋ ಫೋಕಸ್‌

ವಸ್ತುಗಳ ಕ್ಲೊಸ್‌ಅಪ್‌ ಶಾರ್ಟ್‌ ಸೆರೆಹಿಡಿಯಲು ಕ್ಯಾಮೆರಾ ಆಯ್ಕೆಯಲ್ಲಿ ಆಟೋ ಫೋಕಸ್‌ ಆಯ್ಕೆಯನ್ನು ಬಳಸಬಹುದಾಗಿದೆ. ಕ್ಯಾಮೆರಾ ಲೆನ್ಸ್‌ ಬೆಳಕಿನ ಅಂಶಗಳನ್ನು ಆದರಿಸಿ ತಾನಾಗಿಯೇ ಆಟೋ ಫೋಕಸ್‌ ಮಾಡಿಕೊಳ್ಳುತ್ತದೆ. ಸರಿಯಾಗಿ ಕ್ಲಿಕ್‌ ಮಾಡಿ ಅತ್ಯುತ್ತಮ ಫೋಟೊ ಸೆರೆಹಿಡಿಯಬಹುದಾಗಿದೆ. ಆದರೆ ಕೆಲವೊಮ್ಮೆ ಸರಿಯಾಗಿ ಫೋಕಸ್‌ ಮಾಡದಿದ್ದಾಗ ಮ್ಯಾನುವಲ್‌ ಆಯ್ಕೆ ಮೂಲಕ ಸೆರೆ ಹಿಡಿದರೆ ಉತ್ತಮ.

ಮ್ಯಾನುವಲ್‌ ಫೋಕಸ್‌

ಆಟೋ ಫೋಕಸ್‌ನಲ್ಲಿ ಅಷ್ಟು ಸ್ಪಷ್ಟವಾಗಿ ಫೋಟೊಗಳು ಬರದಿದ್ದಾಗ ಮ್ಯಾನುವಲ್‌ ಆಯ್ಕೆಯೇ ಬೆಸ್ಟ್‌. ಕ್ಯಾಮೆರಾದಲ್ಲಿ ಸರಿಯಾದ ಮೋಡ್‌ಗೆ ಸೆಟ್ಟಿಂಗ್‌ ಮಾಡಿಕೊಂಡು ಫೋಕಸ್‌ ರಿಂಗ್‌ ಅನ್ನು ತಿರುಗಿಸುವ ಮೂಲಕ ಸ್ಪಷ್ಟ ಚಿತ್ರ ಮೂಡುವಂತೆ ಕ್ಲಿಕ್‌ ಮಾಡಬಹುದು. ಈ ಆಯ್ಕೆಯಲ್ಲಿ ಎಲ್‌ಇಡಿ ಡಿಸ್‌ಪ್ಲೇನಲ್ಲಿ ಚಿತ್ರಗಳನ್ನು ಗಮನಿಸಬಹುದಾಗಿರುವುದು ನೆರವಾಗಲಿದೆ. ಅಗತ್ಯಕ್ಕೆ ತಕ್ಕನಾಗಿ ಜೂಮ್‌ ಸಹ ಮಾಡಿಕೊಳ್ಳಬಹುದು.

ಫೋಕಸ್‌ ಪ್ಲೇಟ್‌

ಮೈಕ್ರೊ ಫೋಟೊ ಹೆಚ್ಚು ಸ್ಪಷ್ಟವಾಗಿ ಮೂಡಿಬರಲು ಫೋಕಸ್‌ ಪ್ಲೇಟ್‌ ಬಳಸುತ್ತಾರೆ. ಕ್ಯಾಮೆರಾದ ಟ್ರಾಯ್‌ಪೋಡ್‌ಗೆ ಫೋಕಸ್‌ ಪ್ಲೇಟ್‌ ಅನ್ನು ಜೋಡಿಸಿಕೊಂಡು 1:1 ಅನುಪಾತದಲ್ಲಿ ಅಥವಾ ಒಂದು ಅಂದಾಜಿನ ಮೇಲೆ ಲೆನ್ಸ್‌ ಸೆಟ್‌ ಮಾಡಿಕೊಳ್ಳಬಹುದು. ಕ್ಯಾಮೆರಾ ಮುಂದಕ್ಕೆ ಮತ್ತು ಹಿಂದಕ್ಕೆ ಚಲಿಸುವಂತಿದ್ದು, ಪ್ರತಿ ಚಲನೆಯಲ್ಲಿಯೂ ಫೋಕಸ್‌ನಲ್ಲಿ ಬದಲಾವಣೆ ಕಾಣುತ್ತಿರಿ ನಿಮಗೆ ಸೂಕ್ತ ಫೋಕಸ್‌ ಅನಿಸಿದಾಗ ಕ್ಲಿಕ್‌ ಮಾಡಬಹುದು.

ರಾಕಿಂಗ್ ಟೆಕ್ನಿಕ್‌

ಕ್ಯಾಮೆರಾದೊಂದಿಗೆ ಯಾವುದೇ ಟ್ರಾಯ್‌ಪೋಡ್‌ ಇಲ್ಲದಿದ್ದಾಗ ಈ ರಾಕಿಂಗ್ ಟೆಕ್ನಿಕ್ ನಲ್ಲಿ ಫೋಟೊ ಕ್ಲಿಕ್‌ ಮಾಡಬಹುದಾಗಿದೆ. ಫೋಕಸ್‌ ಪ್ಲೇಟ್‌ ಇಲ್ಲದೇ ವಸ್ತುವಿನ ಸನಿಹ ಹೋಗಿ ಮ್ಯಾನುವಲ್ ಆಯ್ಕೆಗಳನ್ನು ಬಳಸಿ ಸರಿಯಾಗಿ ಮತ್ತು ಸ್ಥಿರವಾಗಿ ಪೋಕಸ್‌ ಮಾಡಿ ಫೋಟೊ ಕ್ಲಿಕ್ಕಿಸಬಹುದಾಗಿದೆ. ಬಹುತೇಕ ಸಂದರ್ಭಗಳಲ್ಲಿ ಫೋಟೊ ಬ್ಲರ್‌ ಆಗಿರುವ ಸಾಧ್ಯತೆಗಳಿರುತ್ತವೆ.

ಟ್ರಾಯ್‌ಫೋಡ್‌ ಬಳಸಿ

ಇಂದಿನ ಬಹುತೇಕ ಟ್ರಾಯ್‌ಪೋಡ್‌ಗಳಲ್ಲಿ ಅಭಿವ್ಯಕ್ತಿಗೊಳಿಸುವ ಕೇಂದ್ರದ ಕಾಲಂ ಕಂಡುಬರುತ್ತವೆ(articulating centre column) ಇದರ ನೆರವಿನಿಂದ ಕ್ಯಾಮೆರಾವನ್ನು ಅಡ್ಡಲಾಗಿ ಸೆಟ್‌ಮಾಡಿ ಬಹುದಾಗಿದೆ. ಇವುಗಳ ಬಳಕೆಯಿಂದ ಕ್ಯಾಮೆರಾವನ್ನು ನೆಲೆದ ಹತ್ತಿರವರೆಗೂ ಒಯ್ಯಬಹುದಾಗಿದ್ದು, ಫೋಕಸ್‌ ಪ್ಲೇಟ್‌ ಬಳಸಿ ಸೆರೆಹಿಡಿಯುವಂತೆ ಇದರಲ್ಲಿಯೂ 1:1 ಅನುಪಾತದಲ್ಲಿ ಫೋಟೊ ಸೆರೆಹಿಡಿಯಬಹುದು.