ಸೋನಿ ಪರಿಚಯಿಸಲಿದೆ ವಿಶ್ವದ ಅತ್ಯಂತ ಪುಟ್ಟ 4K ವಿಡಿಯೊ ಕ್ಯಾಮೆರಾ.!

ಡಿಸೈನ್

ಪುಟ್ಟ ರಚನೆಯನ್ನು ಹೊಂದಿರುವ ಸೋನಿಯ RX0 II ವಿಡಿಯೋ ರೆಕಾರ್ಡರ್‌ 2.32 x 1.59 x 1.37 ಇಂಚುಗಳ ಸುತ್ತಳತೆಯನ್ನು ಹೊಂದಿದ್ದು, ಇದರ ತೂಕ ಕೇವಲ 132ಗ್ರಾಂ ಆಗಿರಲಿದೆ. ಇದರೊಂದಿಗೆ ವಾಟರ್‌ಪ್ರೊಫ್, ದೂಳು ಮುಕ್ತ ಮತ್ತು ಹಾನಿಗೆ ಒಳಪಡದ ಬಾಹ್ಯ ರಚನೆಯನ್ನು ಹೊಂದಿದೆ ಎನ್ನಲಾಗುತ್ತಿದೆ.

ಪಿಕ್ಸಲ್ ಮತ್ತು ಲೆನ್ಸ್‌

15.3 ಮೆಗಾಪಿಕ್ಸಲ್‌ ರೆಸಲ್ಯೂಶನ್ ಸಾಮರ್ಥ್ಯವನ್ನು ಹೊಂದಿರುವ ಸೋನಿಯ RX0 II ವಿಡಿಯೋ ರೆಕಾರ್ಡರ್‌, Exmor RS ಇಮೇಜ್‌ ಸೆನ್ಸಾರ್‌ ಮತ್ತು ಸೋನಿಯ BIONZ X ಇಂಜಿನ್ ಸಹ ಹೊಂದಿದೆ. Zeiss ಕಂಪನಿಯ 24mm ವೈಲ್ಡ್‌ ಆಂಗಲ್ ಫಿಕ್ಸಡ ಲೆನ್ಸ್‌ ಇರಲಿದ್ದು, 4K ಗುಣಮಟ್ಟದ ವಿಡಿಯೋ ರೆಕಾರ್ಡಿಂಗ್ ಸೌಲಭ್ಯವನ್ನು ಹೊಂದಿರಲಿದೆ ಎಂದು ಹೇಳಲಾಗುತ್ತಿದೆ.

ಐ ಆಟೋಫೋಕಸ್‌

ಐ ಆಟೋಫೋಕಸ್‌ ಅನ್ನು ಹೊಂದಿದ್ದು, ವೇಗ, ಅಕ್ಯುರಸಿಯಲ್ಲಿ ಮತ್ತು ಐ AF ಫೀಚರ್ ಆಯ್ಕೆಯಲ್ಲಿ ಅಪ್‌ಡೇಟ್‌ ಮಾಡಿದೆ. ಹೀಗಾಗಿ ಹಾಫ್ ಶೆಟರ್ ಒತ್ತುವ ಮೂಲಕ ಆಟೋಮ್ಯಾಟಿಕ್ ಆಗಿ ಫೋಕಸ್‌ ಮಾಡಿಕೊಳ್ಳುತ್ತದೆ. ಮೆನು ಸಿಸ್ಟಮ್‌ ನಲ್ಲಿ ಎಡ ಕಣ್ಣು, ಬಲಗಣ್ಣು ಮತ್ತು ಆಟೋ ಎಂಬ ಆಯ್ಕೆಗಳು ಲಭ್ಯವಿರಲಿವೆ.

ಅಪ್‌ಗ್ರೇಡ್ ಮಾದರಿ

ಸೋನಿ ಕಂಪನಿ ಈ ಹಿಂದೆ RX0 ಹೆಸರಿನ ಪುಟ್ಟ ವಿಡಿಯೊ ರೆಕಾರ್ಡರ್ ಅನ್ನು ಬಿಡುಗಡೆ ಮಾಡಿತ್ತು, ಈ ಹೊಸ RX0 II ವಿಡಿಯೋ ರೆಕಾರ್ಡರ್‌ ಬಹುತೇಕ ಹಿಂದಿನ ಮಾದರಿಯನ್ನೇ ಹೋಲುವಂತೆ ಕಂಡುಬಂದರೂ ಹೊಸ ಸಾಕಷ್ಟು ಅಪ್‌ಗ್ರೇಡ್‌ ಫೀಚರ್ಸ್‌ಗಳನ್ನು ಪರಿಚಯಿಸಿದೆ.

ಸೂಪರ್‌ ಸ್ಲೋ ಮೊಷನ್

ಸೂಪರ್‌ ಸ್ಲೋ ಮೋಷನ್ ಆಯ್ಕೆಯನ್ನು ಹೊಂದಿರಲಿದ್ದು, ಪ್ರತಿ ಸೆಕೆಂಡ್‌ಗೆ 1000 ಫ್ರೇಮ್‌ಗಳನ್ನು ರೆಕಾರ್ಡ್‌ ಮಾಡುವ ಸಾಮರ್ಥ್ಯವನ್ನು ಈ ಸಾಧನ ಹೊಂದಿರಲಿದೆ ಎನ್ನಲಾಗುತ್ತಿದೆ. ಕಂಪನಿಯ RX0 ವಿಡಿಯೊ ರೆಕಾರ್ಡರ್ 960fps ಸಾಮರ್ಥ್ಯದ ಸ್ಲೋ ಮೋಷನ್ ಆಯ್ಕೆಯನ್ನು ಹೊಂದಿತ್ತು.

ವೇಗದ ಶೆಟರ್

ಸೋನಿಯ RX0 II ವಿಡಿಯೋ ರೆಕಾರ್ಡರ್‌ Anti-Distortion ಶೆಟರ್ ಅನ್ನು ಒಳಗೊಂಡಿದ್ದು, ಪ್ರತಿ ಸೆಕೆಂಡಿಗೆ 1/32,000 ಸಾಮರ್ಥ್ಯದಲ್ಲಿ ಶೂಟ್‌ ಮಾಡಬಹುದಾಗಿದೆ. 16fps ಸಾಮರ್ಥ್ಯ ವೇಗದಲ್ಲಿ ಶೂಟಿಂಗ್ ಆಯ್ಕೆಯನ್ನು ಹೊಂದಿದೆ.

ಲಭ್ಯತೆ

ಸೋನಿಯ RX0 II ಪುಟ್ಟ ವಿಡಿಯೋ ರೆಕಾರ್ಡರ್‌ ಇದೇ ಏಪ್ರಿಲ್ ತಿಂಗಳಲ್ಲಿ ಯುಎಸ್‌ ಮತ್ತು ಆಸ್ಟ್ರೇಲಿಯಾ ರಾಷ್ಟ್ರಗಳಲ್ಲಿ ದೊರೆಯಲಿದೆ. ಈ ಸಾಧನದ ಕಿಟ್‌ VCT-SGR1 ಶೂಟಿಂಗ್ ಗ್ರಿಪ್‌ ಒಳಗೊಂಡಿರಲಿದೆ.