ಹೆಚ್ಚು ಬ್ಯಾಟರಿ ಬಾಳಿಕೆಯುಳ್ಳ ಲ್ಯಾಪ್‌ಟಾಪ್ಸ್ ಖರೀದಿಸಲು ಮರೆಯದಿರಿ

ಲೆನೊವೊ ಥಿಂಕ್‌ಪ್ಯಾಡ್ X260 - 21 ಗಂಟೆಗಳು

ಬೆಲೆ ರೂ: 1,07,000
ಇದು ಬಾಹ್ಯ ಮತ್ತು ಆಂತರಿಕ ಬ್ಯಾಟರಿ ಸಾಮರ್ಥ್ಯದೊಂದಿಗೆ ಬಂದಿದ್ದು ಇದು 21 ಗಂಟೆಗಳ ಬ್ಯಾಟರಿ ಬ್ಯಾಕಪ್ ಅನ್ನು ಬಳಕೆದಾರರಿಗೆ ನೀಡಲಿದೆ. ಇದು 6 ನೇ ಜೆನ್ ಇಂಟೆಲ್ ಕೋರ್ ಐ7 ಪ್ರೊಸೆಸರ್, 8ಜಿಬಿ RAM ಮತ್ತು 512 ಜಿಬಿ ಎಸ್‌ಎಸ್‌ಡಿ ಸ್ಟೋರೇಜ್ ಅನ್ನು ಪಡೆದುಕೊಂಡು ಬಂದಿದೆ.

ಆಪಲ್ ಮ್ಯಾಕ್‌ಬುಕ್ - 11 ಗಂಟೆಗಳು

ಇದು 12 ಇಂಚಿನ ಎಲ್‌ಇಡಿ ಬ್ಯಾಕ್‌ಲಿಟ್ ರೆಟೀನಾ ಡಿಸ್‌ಪ್ಲೇಯನ್ನು ಪಡೆದುಕೊಂಡು ಬಂದಿದ್ದು 2304x1440 ಪಿಕ್ಸೆಲ್ ರೆಸಲ್ಯೂಶನ್ ಅನ್ನು ಹೊಂದಿದೆ. ಇದು ಅತ್ಯಾಧುನಿಕ ಇಂಟೆಲ್ ಕೋರ್ m3/m5 ಪ್ರೊಸೆಸರ್‌ನೊಂದಿಗೆ ಬಂದಿದ್ದು, 8ಜಿಬಿ RAM ಅನ್ನು ಒಳಗೊಂಡಿದೆ. ಎಸ್‌ಎಸ್‌ಡಿ ಸ್ಟೋರೇಜ್ 256ಜಿಬಿ/512ಜಿಬಿ ಯಾಗಿದೆ.

ಎಚ್‌ಪಿ ಸ್ಪ್ರೆಕ್ಟ್ರೆ - 9 ಗಂಟೆಗಳು

ಬೆಲೆ ರೂ 1,04,990 ರಿಂದ ಆರಂಭ
ವಿಶ್ವದಲ್ಲೇ ಹೆಚ್ಚು ತೆಳು ಲ್ಯಾಪ್‌ಟಾಪ್ ಎಂದೇ ಖ್ಯಾತಿಗೊಂಡಿರುವ ಈ ಲ್ಯಾಪ್‌ಟಾಪ್ ವಿಂಡೋಸ್ 10 ಚಾಲಿತ ಲ್ಯಾಪ್‌ಟಾಪ್‌ ಎಂಬ ಹೆಗ್ಗಳಿಗೆ ಪಾತ್ರವಾಗಿದೆ. ಕಂಪೆನಿಯ ಪ್ರಕಾರ ಬ್ಯಾಟರಿ ಲೈಫ್ 9 ಗಂಟೆಯಾಗಿದೆ.

ಡೆಲ್ XPS 13, 18 ಗಂಟೆಗಳು

ಬೆಲೆ ಆರಂಭ ರೂ 95,990
ಡೆಲ್‌ನ XPS 13 ಲ್ಯಾಪ್‌ಟಾಪ್ ಇನ್‌ಫಿನಿಟಿ ಎಡ್ಜ್ ಡಿಸ್‌ಪ್ಲೇಯನ್ನು ಪಡೆದುಕೊಂಡಿದ್ದು ಬೇಜಲ್ ರಹಿತವಾಗಿದೆ. XPS 13 ಇದು ಹೆಚ್ಚು ಕಡಿಮೆ 18 ಗಂಟೆಗಳ ಬ್ಯಾಟರಿ ಬ್ಯಾಕಪ್ ಅನ್ನು ನೀಡುತ್ತಿದೆ. ವಿಶೇಷತೆಗಳನ್ನು ನೋಡಹೊರಟರೆ, ಡೆಲ್ XPS 13 ಆರನೇ ಜನರೇಶನ್ ಇಂಟೆಲ್ ಕೋರ್ i5/i7 ಪ್ರೊಸೆಸರ್‌ನೊಂದಿಗೆ ಬಂದಿದ್ದು 4ಜಿಬಿ/8ಜಿಬಿ RAM ಅನ್ನು ಒಳಗೊಂಡಿದೆ ಹಾಗೂ 128ಜಿಬಿ/256ಜಿಬಿ ಸ್ಟೋರೇಜ್ ಅನ್ನು ಪಡೆದುಕೊಂಡಿದೆ.

ಅಸೂಸ್ ಜೆನ್‌ಬುಕ್ UX305LA - 12 ಗಂಟೆಗಳು

ಜೆನ್‌ಬುಕ್ UX305LA ಉತ್ತಮ ನೋಟವನ್ನು ಹೊಂದಿರುವ ನೋಟ್‌ಬುಕ್ ಪಿಸಿ ಎಂಬುದಾಗಿ ಹೆಸರು ಗಳಿಸಿದ್ದು ತೈವಾನ್‌ನ ಟೆಕ್ ದೈತ್ಯನ ನಿರ್ಮಾಣವಾಗಿದೆ, 1.49 ಸೆಮೀ ದಪ್ಪವನ್ನು ಇದು ಪಡೆದುಕೊಂಡಿದ್ದು 1.3 ಕೆಜಿ ತೂಕವನ್ನು ಹೊಂದಿದೆ. ಇದು 12 ಗಂಟೆಗಳ ಬ್ಯಾಟರಿ ಬ್ಯಾಕಪ್ ಅನ್ನು ನೀಡುತ್ತಿದೆ.

ಮೈಕ್ರೋಮ್ಯಾಕ್ಸ್ ಕ್ಯಾನ್‌ವಾಸ್ ಲ್ಯಾಪ್‌ಬುಕ್ L1161

ಬೆಲೆ ರೂ 10,499
ಮೈಕ್ರೋಮ್ಯಾಕ್ಸ್ ಇತ್ತೀಚೆಗೆ ಕ್ಯಾನ್‌ವಾಸ್ ಲ್ಯಾಪ್‌ಬುಕ್ ಲ್ಯಾಪ್‌ಟಾಪ್ ಅನ್ನು ದೇಶದಲ್ಲಿ ಲಾಂಚ್ ಮಾಡಿದೆ. 11.6 ಇಂಚಿನ ಲ್ಯಾಪ್‌ಟಾಪ್ ಇದಾಗಿದ್ದು ಬ್ಯಾಟರಿ ಲೈಫ್ 11 ಗಂಟೆಗಳದ್ದಾಗಿದೆ ಇದರ ಡಿಸ್‌ಪ್ಲೇ ರೆಸಲ್ಯೂಶನ್ 1366x768 ಪಿಕ್ಸೆಲ್‌ಗಳಾಗಿವೆ. ಇದು 1.83GHZ ಇಂಟೆಲ್ ಕ್ವಾಡ್ ಕೋರ್ ಪ್ರೊಸೆಸರ್ ಅನ್ನು ಹೊಂದಿದ್ದು 2ಜಿಬಿ RAM ಅನ್ನು ಒಳಗೊಂಡಿದೆ.

ಅಸೂಸ್ ಇಬುಕ್ X205TA - 12 ಗಂಟೆಗಳು

ಬೆಲೆ ರೂ: 15,990
ಸ್ಕ್ರೀನ್ ಗಾತ್ರ 11.6 ಇಂಚಿನದ್ದಾಗಿದ್ದು 1366x768 ಪಿಕ್ಸೆಲ್ ರೆಸಲ್ಯೂಶನ್ ಅನ್ನು ಹೊಂದಿದೆ, ಈ ಅಸೂಸ್ ಇಬುಕ್ ಹಗುರವಾಗಿದ್ದು ಪೋರ್ಟೇಬಲ್ ಆಗಿದೆ. ಇದರ ಬ್ಯಾಟರಿ ಲೈಫ್ 12 ಗಂಟೆಗಳಾಗಿದೆ. ಇಂಟೆಲ್ ಕ್ವಾಡ್ ಕೋರ್ ಪ್ರೊಸೆಸರ್ ಅನ್ನು ಹೊಂದಿದ್ದು 2ಜಿಬಿ RAM ಇದರಲ್ಲಿದೆ. 32 ಜಿಬಿ EMMC ಸ್ಟೋರೇಜ್ ಅನ್ನು ಹೊಂದಿದೆ ಇದನ್ನು ಎಸ್‌ಡಿ ಕಾರ್ಡ್ ಬಳಸಿ ವಿಸ್ತರಿಸಬಹುದಾಗಿದೆ.