ವಿಂಡೋಸ್‌ XP, ವಿಂಡೋಸ್ vista ಬಳಕೆದಾರರೇ ಗಮನಿಸಿ: ನಿಮ್ಮ ಕಂಪ್ಯೂಟರ್‌ನಲ್ಲಿ ಜಿ-ಮೇಲ್ ಒಪನ್ ಆಗಲ್ಲ..!

ಗೂಗಲ್ ಒಡೆತನದ ಇ-ಮೇಲ್ ದೈತ್ಯ ಜಿ-ಮೇಲ್ ಇನ್ನು ಮುಂದೆ ಹಳೇ ವರ್ಷನ್ ಕ್ರೋಮ್‌ಗೆ ಸಪೋರ್ಟ್ ಮಾಡುವುದಿಲ್ಲ ಎನ್ನಲಾಗಿದೆ. ಹಳೇಯ ಆವೃತ್ತಿಯ ಕ್ರೋಮ್‌ನಲ್ಲಿ ಸುರಕ್ಷತೆ ಕಡಿಮೆ ಇರುವ ಕಾರಣ ಗೂಗಲ್ ಈ ಕ್ರಮಕ್ಕೆ ಮುಂದಾಗಿದೆ ಎನ್ನುವ ಮಾಹಿತಿ ಲಭ್ಯವಾಗಿದೆ.

ಓದಿರಿ: ಮುಂದುವರೆಯುತ್ತಾ ಜಿಯೋ ಉಚಿತ ಕೊಡುಗೆ.? ಫೆಬ್ರವರಿ 6 ರಂದು ನಿರ್ಧಾರವಾಗಲಿದೆ ಜಿಯೋ ಭವಿಷ್ಯ

ಇತ್ತಿಚೀನ ದಿನಗಳಲ್ಲಿ ಇ-ಮೇಲ್ ಹ್ಯಾಕಿಂಗ್ ಹೆಚ್ಚಾಗುತ್ತಿದ್ದು, ಈ ಹಿನ್ನಲೆಯಲ್ಲಿ ಜಿ-ಮೇಲ್ ಅನ್ನು ಹೆಚ್ಚು ಭದ್ರ ಪಡಿಸಲು ಗೂಗಲ್ ಈ ಕಾರ್ಯ ಮುಂದಾಗಿದೆ, ಹಾಗಾಗಿ ಈ ವರ್ಷದ ಕೊನೆಯಲ್ಲಿ ಕ್ರೋಮ್ v53 ಗಿಂತಲೂ ಕಳೆಗಿನ ಆವೃತ್ತಿಗಳಲ್ಲಿ ಜಿ-ಮೇಲ್ ಕಾರ್ಯನಿರ್ವಹಿಸುವುದಿಲ್ಲ ಎನ್ನಲಾಗಿದೆ.

ಈ ಕ್ರೋಮ್ v53 ಆವೃತ್ತಿಗಿಂತಲು ಕೆಳಗಿನವೂ ವಿಂಡೋಸ್‌ XP, ವಿಂಡೋಸ್ vistaದಲ್ಲಿ ಬಳಕೆಯಾಗುತ್ತಿದ್ದು, ಈ ಓಎಸ್‌ಗಳಲ್ಲಿರುವ ಕ್ರೋಮ್ ಆಪ್‌ಡೇಟ್ ಮಾಡಲು ಸಾಧ್ಯವಿಲ್ಲ ಎನ್ನಲಾಗಿದ್ದು, ಹಾಗಾಗಿ ಈವರೆಲ್ಲರೂ ವಿಡೋಂಸ್ ಆಪ್‌ಡೇಟ್ ಮಾಡಬೇಕಾಗಿದೆ.

ಓದಿರಿ: ರೆಡ್‌ಮಿ ಪ್ರೋ 2: ಡುಯಲ್ ಕ್ಯಾಮೆರಾ, 6 GB RAM, 128 GB ಮೆಮೊರಿ, 4500mAh ಬ್ಯಾಟರಿ

ಈ ಹಿನ್ನಲೆಯಲ್ಲಿ ಫೆಬ್ರವರಿ 8 ರಿಂದ ಕ್ರೋಮ್‌ ತನ್ನ ಬಳಕೆದಾರರಿಗೆ ಈ ಕುರಿತು ನೋಟಿಫಿಕೇಷನ್ ನೀಡಲಿದ್ದು, ತಮ್ಮ ಕ್ರೋಮ್‌ ಆವೃತ್ತಿಯನ್ನು ಆಪ್‌ಡೇಟ್ ಮಾಡಿಕೊಳ್ಳಿ ಎಂದು ತಿಳಿಸಲಿದೆ. ಈಗಾಗಲೇ ಹೊಸ ವರ್ಷನ್ ಗಳು ಆನ್‌ಲೈನ್ ನಲ್ಲಿ ಉಚಿತವಾಗಿ ಲಭ್ಯವಿದೆ.

ಹೊಸ ಆಪ್‌ಡೇಟ್‌ಗಳಲ್ಲಿ ಜಿ-ಮೇಲ್ ಹೆಚ್ಚು ಸುರಕ್ಷಿತವಾಗಿರಲಿದೆ. ಇದರಿಂದ ನಿಮ್ಮ ಮೇಲ್ ಹ್ಯಾಕ್ ಆಗುವುದು ಕಡಿಮೆಯಾಗಲಿದೆ. ಒಟ್ಟಿನಲ್ಲಿ ಗೂಗಲ್ ನ ಈ ಕ್ರಮ ಕೆಲವರಿಗೆ ಸಹಾಯವಾದರೆ ಇನ್ನು ಕೆಲವರಿಗೆ ನುಂಗಲಾರದ ತುಪ್ಪವಾಗಲಿದೆ.