ಲೆನೊವೊ ಪರಿಚಯಿಸಲಿದೆ ವಿಶ್ವದ ಮೊದಲ ಫೋಲ್ಡೆಬಲ್ ಲ್ಯಾಪ್‌ಟಾಪ್‌!

ಡಿಸ್‌ಪ್ಲೇ

13.3 ಇಂಚಿನ ಪೂರ್ಣ ಹೆಚ್‌ಡಿ OLED ಡಿಸ್‌ಪ್ಲೇ ಸಾಮರ್ಥ್ಯವನ್ನು ಹೊಂದಿರಲಿದ್ದು, 2K ರೆಸಲ್ಯೂಶನ್‌ ಸ್ಕ್ರೀನ್‌ ಇದಾಗಿರಲಿದೆ. ಡಿಸ್‌ಪ್ಲೇಯನ್ನು ಮಡಚಿದಾಗ 9.6 ಇಂಚಿನಲ್ಲಿ ಕಾಣಿಸಿಕೊಳ್ಳಲಿದೆ. ಮಡುಚುವ ಡಿಸ್‌ಪ್ಲೇ ಮಾದರಿಯಲ್ಲಿರುವ ಈ ಲ್ಯಾಪ್‌ಟಾಪ್‌ನ ಅರ್ಧ ಸ್ಕ್ರೀನ್‌ ಅನ್ನು ಡಿಸ್‌ಪ್ಲೇ ಆಗಿ ಮತ್ತು ಇನ್ನರ್ಧ ಸ್ಕ್ರೀನ್‌ ಕೀಬೋರ್ಡ್‌ ಆಗಿ ಬಳಸಬಹುದಾಗಿದೆ.

ಬಹುಉಪಯೋಗಿ ಪಿಸಿ

ಪೋಲ್ಡೆಬಲ್ ಪಿಸಿ ಬಹುಉಪಯೋಗಿ ಡಿವೈಸ್‌ ಆಗಿದ್ದು, ಇದನ್ನು ಲ್ಯಾಪ್‌ಟಾಪ್‌, ನೋಟ್‌ಬುಕ್‌, ವಿಡಿಯೊ ಪ್ಲೇಯರ್‌, ಟಾಬ್ಲೆಟ್ ಜೊತೆ ಪೆನ್‌ ಮಾದರಿ ಆಗಿಯೂ ಸಹ ಬಳಸಬಹುದಾಗಿದೆ. ಹಾಗೆಯೇ ಇದಕ್ಕೊಂದು ಸ್ಯ್ಟಾಂಡ್‌ ನೀಡಲಾಗಿದ್ದು, ಸ್ಟ್ಯಾಂಡ್‌ ಬಳಸಿ ಡೆಸ್ಕ್‌ಟಾಪ್‌ ಪಿಸಿ ಮಾದರಿಯಂತೆಯೂ ಸಹ ಉಪಯೋಗಿಸುವ ಆಯ್ಕೆಗಳನ್ನು ಇದು ಹೊಂದಿರುವುದು ವಿಶೇಷ.

ಇತರೆ ಫೀಚರ್ಸ್

ಫೊಲ್ಡೆಬಲ್ ಪಿಸಿಯು ವಿಂಡೊಸ್‌ ಓಎಸ್‌ನಲ್ಲಿ ಕಾರ್ಯನಿರ್ವಹಿಸಲಿದೆ ಎನ್ನುವ ಮಾಹಿತಿಯಷ್ಟೆ ಕಂಪನಿಯು ಹೊರಹಾಕಿದ್ದು, ಇನ್ನುಳಿದಂತೆ ಎರಡು ಯುಎಸ್‌ಬಿ ಪೋರ್ಟ್‌ ಆಯ್ಕೆಗಳು ಇರಲಿದೆ. ಇದರೊಂದಿಗೆ IR ಕ್ಯಾಮೆರಾ ಆಯ್ಕೆ ಇರಲಿರುವ ಜೊತೆಗೆ ಸೌಂಡ್‌ಗಾಗಿ ಸ್ಟೀರಿಯೊ ಸ್ಪೀಕರ್ಸ್‌ಗಳನ್ನು ಒದಗಿಸಲಾಗಿದೆ.

2020ಕ್ಕೆ ಬರಲಿದೆ

ಲೆನೊವೊ ಕಂಪನಿಯು ಮಡಚುವ ಸ್ಕ್ರೀನ್ ಮಾದರಿ ಲ್ಯಾಪ್‌ಟಾಪ್ ಅನ್ನು ತಯಾರಿಸುತ್ತಿದ್ದು, ಇದು ವಿಶ್ವದಲ್ಲಿಯೇ ಮೊದಲ ಮಡಚುವ ಪಿಸಿ ಎಂದೆನಿಸಿಕೊಳ್ಳಲಿದೆ. ಸದ್ಯ ಸುದ್ದಿ ಮಾಡುತ್ತಿರುವ ಈ ಫೋಲ್ಡೆಬಲ್ ಲ್ಯಾಪ್‌ಟಾಪ್‌ ಸೇಲ್ ಆರಂಭಿಸುವುದು ಮಾತ್ರ ಮುಂದಿನ ವರ್ಷ 2020 ರ ಜನೆವರಿಯಲ್ಲಿ ಎನ್ನಲಾಗುತ್ತಿದೆ.