ಫೇಸ್‌ಬುಕ್‌ನಿಂದ ಹೊಸ ಸ್ಮಾರ್ಟ್‌ಫೋನ್‌..!

By Ashwath

Updated: Saturday, March 30, 2013, 14:01 [IST]

ಫೇಸ್‌ಬುಕ್‌ನಿಂದ ಹೊಸ ಸ್ಮಾರ್ಟ್‌ಫೋನ್‌ ಬರುತ್ತಾ ? ಏಪ್ರಿಲ್‌ 4 ರಂದು ಬಿಡುಗಡೆಯಾಗಲಿದೆಯಾ ? ಸದ್ಯ ಟೆಕ್‌ ಕ್ಷೇತ್ರದ ಪಂಡಿತರ ತಲೆತಿನ್ನುತ್ತಿರುವ ಪ್ರಶ್ನೆಯಿದು.

ಏಪ್ರಿಲ್‌ 4 ರಂದು ಅಮೆರಿಕದಲ್ಲಿರುವ ತನ್ನ ಕೇಂದ್ರ ಕಛೇರಿ ವಿಲೋ ರಸ್ತೆಯಲ್ಲಿರುವ ಮೆನ್ಲೋ ಪಾರ್ಕ್ನಲ್ಲಿ ಒಂದು ಸಮಾರಂಭ ಏರ್ಪಾಡಿಸಿದ್ದು ಎಲ್ಲಾ ಮೀಡಿಯಾ ಸಂಸ್ಥೆಗಳಿಗೆ ಆಹ್ವಾನ ನೀಡಿದೆ. ಈ ಆಹ್ವಾನ ಪತ್ರಿಕೆಯಲ್ಲಿ ಆಂಡ್ರಾಯ್ಡ್ ಓಎಸ್‌ನಲ್ಲಿ ನೂತನ ಸಾಧನ ಬಿಡುಗಡೆ ಮಾಡುವ ಬಗ್ಗೆ ಸುಳಿವು ನೀಡಿದೆ. ಆದ್ರೆ ಹೊಸದಾಗಿ ಬಿಡುಗಡೆ ಮಾಡಲಿರುವ ಸಾಧನದ ಬಗ್ಗೆ ಫೇಸ್‌ಬುಕ್ ಅಧಿಕೃತವಾಗಿ ಎಲ್ಲಿ ಮಾಹಿತಿ ನೀಡಿಲ್ಲ. ಫೇಸ್‌ಬುಕ್‌ ಈ ರೀತಿ ಮಾಹಿತಿ ನೀಡಿ ಬಿಡುಗಡೆ ಮಾಡಲಿರುವ ಸಾಧನದ ಬಗ್ಗೆ ವಿವರಣೆ ಇಲ್ಲದೇ ಆಹ್ವಾನ ನೀಡಿದ್ದು ಸದ್ಯ ಟೆಕ್‌ ಪಂಡಿತರ ತಲೆನೋವಿಗೆ ಕಾರಣವಾಗಿದೆ. ಕೆಲವೊಂದು ಮೂಲಗಳ ಪ್ರಕಾರ ಈ ಸಂದರ್ಭದಲ್ಲಿ ಫೇಸ್‌ಬುಕ್‌ ನೂತನ ಸ್ಮಾರ್ಟ್‌ಫೋನ್‌ ತಯಾರಿಸಿದ್ದು ಇದನ್ನೇ ಬಿಡುಗಡೆ ಮಾಡಲು ಈ ಸಮಾರಂಭವನ್ನು ಆಯೋಜಿಸಿದೆ ಎಂದು ಹೇಳಲಾಗುತ್ತಿದೆ.

ಈ ಸ್ಮಾರ್ಟ್‌ಫೋನ್‌ ಸುದ್ದಿಯನ್ನು ಗಿಜ್ಬಾಟ್‌ ಈ ಹಿಂದೆಯೇ ತಂದಿತ್ತು.ಎಲ್ಲಾ ಮೊಬೈಲ್‌ಗಿಂತ ಇದು ಭಿನ್ನವಾಗಿದ್ದು 'LIKE' ಬಟನ್‌, 8 ಮೆಗಾಪಿಕ್ಸೆಲ್‌ ಕ್ಯಾಮೆರಾ, ಹೈ ಕ್ವಾಲಿಟಿ ಮೈಕ್ರೋಫೋನ್‌ ಸೇರಿದಂತೆ ಹತ್ತು ಹಲವು ವಿಶೇಷತೆ ಇದೆ ಎಂದು ಹೇಳಲಾಗುತ್ತಿದೆ. ಒಂದು ವೇಳೆ ಇದೇ ಸುದ್ದಿ ನಿಜವಾದ್ರೆ ಈ ಸ್ಮಾರ್ಟ್‌ಫೋನ್ ಹೇಗಿರುತ್ತೆ ಎಂಬುದಕ್ಕೆ ಈ ಸ್ಮಾರ್ಟ್‌ಫೋನ್‌ನ ಚಿತ್ರಗಳು ಈಗಾಗ್ಲೇ ಲೀಕ್‌ ಆಗಿದ್ದು ಇಂಟರ್‌ನೆಟ್‌ನಲ್ಲಿ ಹರಿದಾಡುತ್ತಿದೆ. ಈ ಫೇಸ್‌ಬುಕ್‌ ಮೊಬೈಲ್‌ ಚಿತ್ರಗಳನ್ನು ನಿಮಗಾಗಿ ಗಿಜ್ಬಾಟ್‌ ತಂದಿದ್ದು, ಒಂದೊಂದೆ ಪುಟ ತಿರುಗಿಸಿ ನೋಡಿಕೊಂಡು ಹೋಗಿ.

ಲಿಂಕ್‌ : ಫೇಸ್‌ಬುಕ್‌ ಡೇಟಾ ಸೆಂಟರ್ ರೂಮ್ ಹೇಗಿದೆ ಗೊತ್ತಾ ?