ಗೂಗಲ್‌ ಹೊಸ ಸ್ಮಾರ್ಟ್‌ಫೋನ್‌ ಬೆಲೆ 349 ಡಾಲರ್‌!

ಹೊಸ ನೆಕ್ಸಸ್‌ ಸ್ಮಾರ್ಟ್‌ಫೋನನ್ನು ಗೂಗಲ್‌ ಬಿಡುಗಡೆ ಮಾಡುವವರೆಗೆ ಅದಕ್ಕೆ ಸಂಬಂಧಿಸಿದ ಸುದ್ದಿಗಳು ಬರುತ್ತಲೇ ಇರುತ್ತದೆ.ಈಗ ಹೊಸದಾಗಿ ಬಿಡುಗಡೆಯಾಗಲಿರುವ ಸ್ಮಾರ್ಟ್‌ಫೋನಿನ ದರವನ್ನು ಗೂಗಲ್‌ ತನ್ನ ಪ್ಲೇ ಸ್ಟೋರ್‌ನಲ್ಲಿ ಪ್ರಕಟಿಸಿದೆ.

ತನ್ನ ಹೊಸ ಎಲ್‌ಜಿ ನೆಕ್ಸಸ್‌ 5 ಸ್ಮಾರ್ಟ್‌ ಫೋನ್‌ಗೆ 349 ಡಾಲರ್‌( ಅಂದಾಜು21300 ರೂಪಾಯಿ) ಎನ್ನುವ ಸುದ್ದಿಯನ್ನು ಗೂಗಲ್‌ ತನ್ನ ಪ್ಲೇ ಸ್ಟೋರ್‌ನಲ್ಲಿ ಅಕಸ್ಮಿಕವಾಗಿ ಪ್ರಕಟಿಸಿದೆ. ಈ ಸುದ್ದಿಯನ್ನು ಪ್ರಕಟಿಸಿದ ಕೆಲವೇ ಕ್ಷಣಗಳಲ್ಲಿ ಗೂಗಲ್‌ ಈ ಮಾಹಿತಿಯನ್ನು ಪ್ಲೇ ಸ್ಟೋರ್‌ನಿಂದ ತೆಗೆದ್ದರೂ ಅಮೆರಿಕ Marques Brownlee ಎಂಬವರು ಪ್ಲೇ ಸ್ಟೋರ್‌ನಲ್ಲಿ ಅಪ್‌ಲೋಡ್‌ ಆಗಿರುವ ನೆಕ್ಸಸ್‌ 5 ಸ್ಮಾರ್ಟ್‌ಫೋನಿರುವ ಪೇಜ್‌ನ್ನು ಪ್ರಿಂಟ್‌ ಸ್ಕ್ರೀನ್‌ ಮೂಲಕ ತೆಗದು ಫೋಟೋವನ್ನು ಟ್ವೀಟರ್‌ನ್ನು ಹಾಕಿದ್ದಾರೆ.

ಇಲ್ಲಿಯವರಗೆ ಲೀಕ್‌ ಆಗಿರುವ ಚಿತ್ರದಂತೆ ಈ ಸ್ಮಾರ್ಟ್‌ಫೋನ್‌ ಬಂದಿದ್ದು ಇದೇ ರೀತಿ ಇರುತ್ತದೆ ಮತ್ತು ನೆಕ್ಸಸ್‌ 5 ಬೆಲೆ ಪ್ಲೇ ಸ್ಟೋರ್‌ನಲ್ಲಿ ನಿಗದಿಯಾಗಿದಂತೆ ಇರುತ್ತದೆ ಎಂದು ಹೇಳಲಾಗಿದೆ. ಇದೇ 28ಕ್ಕೆ ಗೂಗಲ್‌ ಈ ಸ್ಮಾರ್ಟ್‌ಫೋನ್‌ ಬಿಡುಗಡೆ ಮಾಡುವ ಸಾಧ್ಯತೆ ಇದೆ.

ಎಲ್‌ಜಿ ನೆಕ್ಸಸ್‌ 5 ಸ್ಮಾರ್ಟ್‌‌ಫೋನ್‌ ಈ ವಿಶೇಷತೆಗಳೊಂದಿಗೆ ಬರುವ ಸಾಧ್ಯತೆ ಇದೆ.
ವಿಶೇಷತೆ:
4.95 ಇಂಚಿನ ಐಪಿಎಸ್‌ ಎಲ್‌ಸಿಡಿ ಫುಲ್‌ ಎಚ್‌ಡಿ ಸ್ಕ್ರೀನ್‌
ಆಂಡ್ರಾಯ್ಡ್‌ ಕಿಟ್‌ಕ್ಯಾಟ್‌ ಓಎಸ್‌
2.3GHz ಕ್ವಾಡ್‌ ಕೋರ್‌ ಪ್ರೊಸೆಸರ್‌
2GB ರ್‍ಯಾಮ್‌
8 ಎಂಪಿ ಹಿಂದುಗಡೆ ಕ್ಯಾಮೆರಾ
1.3 ಎಂಪಿ ಮುಂದುಗಡೆ ಕ್ಯಾಮರಾ

ಇದನ್ನೂ ಓದಿ: ಗ್ರಾಹಕರು ಯಾಕೆ ಗೂಗಲ್‌ ನೆಕ್ಸಸ್‌ ಸ್ಮಾರ್ಟ್‌ಫೋನ್‌ ಖರೀದಿಸುತ್ತಾರೆ?

ಇದನ್ನೂ ಓದಿ:ಗೂಗಲ್ ನ್ಯೂಸ್‌ನಲ್ಲಿ ಕನ್ನಡ ಬೇಕು ಎಂದು ಗೂಗಲ್‌ನ್ನು ಕೇಳಿ! ಸುದ್ದಿಯನ್ನು ಶೇರ್‌ ಮಾಡಿ