ಎಚ್‌ಟಿಸಿ ಫಿಂಗರ್‌ ಪ್ರಿಂಟ್‌ ಸ್ಕ್ಯಾನರ್‌ ಫ್ಯಾಬ್ಲೆಟ್‌ ಬಿಡುಗಡೆ

ಎಚ್‌ಟಿಸಿ ಕಂಪೆನಿಯ ಫಿಂಗರ್‌ ಪ್ರಿಂಟ್‌ ಸೆನ್ಸರ್‌ ಹೊಂದಿರುವ ಎಚ್‌ಟಿಸಿ ಒನ್‌ ಮ್ಯಾಕ್ಸ್‌ ಫ್ಯಾಬ್ಲೆಟ್‌ ಬಿಡುಗಡೆಯಾಗಿದೆ. ಈ ಫ್ಯಾಬ್ಲೆಟ್‌ 16/32GBತ ಎರಡು ಆಂತರಿಕ ಮೆಮೋರಿಯಲ್ಲಿ ಮಾರುಕಟ್ಟೆಗೆ ಬರಲಿದೆ.

ಸದ್ಯದ ಮಾರುಕಟ್ಟೆಯಲ್ಲಿ ದೊಡ್ಡ ಸ್ಕ್ರೀನ್‌ ಹೊಂದಿರುವ ಫ್ಯಾಬ್ಲೆಟ್‌ಗಳನ್ನು ಕಂಪೆನಿಗಳು ಬಿಡುಗಡೆ ಮಾಡುತ್ತಿರುವ ಹಿನ್ನೆಲೆಯಲ್ಲಿ ಎಚ್‌ಟಿಸಿ 5.9 ಇಂಚಿನ ಫುಲ್‌ ಎಚ್‌ಡಿ ಸ್ಕ್ರೀನ್‌ ಹೊಂದಿರುವ ಫ್ಯಾಬ್ಲೆಟ್‌ನ್ನು ಬಿಡುಗಡೆ ಮಾಡಿದೆ. ಆದರೆ ಈ ಫ್ಯಾಬ್ಲೆಟ್‌ ದೊಡ್ಡದೇನಲ್ಲ. ಈ ಹಿಂದೆ ಸೋನಿ ಎಕ್ಸ್‌ಪೀರಿಯಾ ಝಡ್‌ ಆಲ್ಟ್ರಾ 6.4 ಇಂಚು, ಹುವಾವೇ ಅಸೆಂಡ್ ಮೇಟ್‌2 6.1 ಇಂಚಿನ ಫ್ಯಾಬ್ಲೆಟ್‌ನ್ನು ಈಗಾಗಲೇ ಬಿಡುಗಡೆ ಮಾಡಿದೆ.

ಐಫೋನ್‌ 5 ಎಸ್‌ನಲ್ಲಿರುವಂತೆ ಎಚ್‌ಟಿಸಿ ಈ ಫ್ಯಾಬ್ಲೆಟ್‌ಗೆ ಹಿಂದುಗಡೆ ಫಿಂಗರ್‍ ಪ್ರಿಂಟ್‌ ಸ್ಕ್ಯಾನರ್‌ನ್ನು ನೀಡಿದೆ. ಫ್ಯಾಬ್ಲೆಟ್‌‌ಗೆ ಶಕ್ತಿಶಾಲಿ 3300 mAh ಬ್ಯಾಟರಿಯನ್ನು ಹೊಂದಿದೆ. ಸ್ಯಾಮ್‌ಸಂಗ್‌ ತನ್ನ ಹೊಸ ಫ್ಯಾಬ್ಲೆಟ್‌ ಗೆಲಾಕ್ಸಿ ನೋಟ್‌3ಗೆ 3200 mAh ಬ್ಯಾಟರಿಯನ್ನು ನೀಡಿತ್ತು. ಈ ಫ್ಯಾಬ್ಲೆಟ್‌‌ 64.5x82.5x10.29 ಮಿ.ಮೀಟರ್‌ ಗಾತ್ರ,217 ಗ್ರಾಂ ತೂಕವನ್ನು ಹೊಂದಿದೆ.

ಗೈರೋ ಸೆನ್ಸರ್‌,ಎಕ್ಸಲರೋಮೀಟರ್‌,ಪ್ರಾಕ್ಸಿಮಿಟಿ ಸೆನ್ಸರ್‌,ಲೈಟ್‌ ಸೆನ್ಸರ್‌,ಫಿಂಗರ್‌ ಪ್ರಿಂಟ್‌ ಸೆನ್ಸರ್‌ನ್ನು ಫ್ಯಾಬ್ಲೆಟ್‌ ಹೊಂದಿದೆ.ಫ್ಯಾಬ್ಲೆಟ್‌ ಖರೀದಿಸಿದ ಗ್ರಾಹಕರಿಗೆ ಎಚ್‌ಟಿಸಿ ಆಫರ್‌ ನೀಡಿದ್ದು ಗೂಗಲ್‌ ಡ್ರೈವ್‌ನಲ್ಲಿ 65GB ಡೇಟಾವನ್ನು ಎರಡು ವರ್ಷ‌ಗಳ ಕಾಲ ಉಚಿತವಾಗಿ ಸಂಗ್ರಹಿಸಬಹುದು ಎಂದು ಹೇಳಿದೆ. ಮಾಧ್ಯಮಗಳು ಪ್ರಕಟಿಸಿರುವಂತೆ ಮುಂದಿನ ವಾರ ಈ ಫ್ಯಾಬ್ಲೆಟ್‌ ವಿಶ್ವದ ವಿವಿಧ ದೇಶಗಳ ಮಾರುಕಟ್ಟೆಗೆ ಬಿಡುಗಡೆಯಾಗಲಿದೆ

ಎಚ್‌ಟಿಸಿ ಒನ್‌ ಮ್ಯಾಕ್ಸ್‌
ವಿಶೇಷತೆ:
ಸಿಂಗಲ್‌ ಸಿಮ್‌
5.9 ಇಂಚಿನ ಫುಲ್‌ ಎಚ್‌ಡಿ ಸ್ಕ್ರೀನ್‌(1080 x 1920 ಪಿಕ್ಸೆ‌ಲ್‌)
ಆಂಡ್ರಾಯ್ಡ್‌ ಎಚ್‌ಟಿಸಿ ಸೆನ್ಸ್‌ 4.3 ಜೆಲ್ಲಿ ಬೀನ್‌ ಓಎಸ್‌
1.7GHz ಕ್ವಾಡ್‌ ಕೋರ್‌ ಪ್ರೊಸೆಸರ್‌
16/32GB ಆಂತರಿಕ ಮೆಮೋರಿ
2GB ರ್‍ಯಾಮ್
4 ಎಂಪಿ ಎಚ್‌ಟಿಸಿ ಆಲ್ಟ್ರಾ ಪಿಕ್ಸೆಲ್‌ ಕ್ಯಾಮೆರಾ
2.1 ಎಂಪಿ ಮುಂದುಗಡೆ ಕ್ಯಾಮೆರಾ
64GBವರೆಗೆ ವಿಸ್ತರಿಸಬಹುದಾದ ಶೇಖರಣಾ ಸಾಮರ್ಥ್ಯ
3300 mAh ಬ್ಯಾಟರಿ
3ಜಿ,ವೈಫೈ,ಜಿಪಿಎಸ್‌,ಎ-ಜಿಪಿಎಸ್‌,ಗ್ಲೋನಾಸ್‌‌,ಬ್ಲೂಟೂತ್‌,ಎನ್‌ಎಫ್‌ಸಿ

ಶಕ್ತಿಶಾಲಿ ಬ್ಯಾಟರಿ,ಫಿಂಗರ್‌ ಪ್ರಿಂಟ್‌ ಸ್ಕ್ಯಾನರ್‌,ದೊಡ್ಡ ಗಾತ್ರ ಸ್ಕ್ರೀನ್‌ ಬಿಟ್ಟರೆ ಎಚ್‌ಟಿಸಿ ಒನ್‌ ಮತ್ತು ಎಚ್‌ಟಿಸಿ ಒನ್‌ ಮಿನಿಯಲ್ಲಿರುವ ವಿಶೇಷತೆಯನ್ನು ಈ ಫ್ಯಾಬ್ಲೆಟ್‌ ಹೊಂದಿದೆ.

ಎಚ್‌ಟಿಸಿ ಸ್ಮಾರ್ಟ್‌ಫೋನ್‌ಗಳ ಆಕರ್ಷ‌ಕ ಚಿತ್ರಗಳಿಗಗಾಗಿ ಇಲ್ಲಿ ಕ್ಲಿಕ್‌ ಮಾಡಿ: ಗ್ಯಾಲರಿ