ಶಿಯೋಮಿ ಎಂ.ಐ ನೋಟ್ 2: ಸೋರಿಕೆಯಾದ ಮಾಹಿತಿಗಳು.

ಸೆಪ್ಟೆಂಬರ್ ಹದಿನಾಲ್ಕಕ್ಕೆ ಬಿಡುಗಡೆ.

ವ್ಯೀಬೋದಲ್ಲಿ ಬಂದಿರುವ ಲೇಖನದ ಪ್ರಕಾರ ಎಂ.ಐ ನೋಟ್ 2 ಸೆಪ್ಟೆಂಬರ್ 14ರಂದು ಅಧಿಕೃತವಾಗಿ ಬಿಡುಗಡೆಗೊಳ್ಳಲಿದೆ. ಕಂಪನಿಯು ಈ ಮಾಹಿತಿಯನ್ನು ಇನ್ನೂ ಘೋಷಿಸಿಲ್ಲವಾದರೂ, ವ್ಯೀಬೋದ ಲೇಖನದಲ್ಲಿ ಪ್ರಸ್ತಾಪಿಸಲಾಗಿದೆ.

ಎಂ.ಐ ನೋಟ್ 2 ಫೋನಿನ ಎರಡು ಆವೃತ್ತಿಗಳು ಬರುವ ಸಾಧ್ಯತೆಯಿದೆ.

ಎಂ.ಐ ನೋಟ್ 2 ಫೋನಿನ ಎರಡು ಆವೃತ್ತಿಗಳನ್ನು ನಾವು ನೋಡಬಹುದು. ಈ ಗಾಳಿ ಸುದ್ದಿ ಬಹು ಹಿಂದಿನಿಂದಲೂ ಇದೆ. ಒಂದು ಆವೃತ್ತಿಯಲ್ಲಿ ಸ್ನಾಪ್ ಡ್ರಾಗನ್ 821 ಪ್ರೊಸೆಸರ್ ಹಾಗೂ 6ಜಿಬಿ ರ್ಯಾಮ್ ಇದ್ದರೆ ಮತ್ತೊಂದು ಆವೃತ್ತಿಯಲ್ಲಿ ಸ್ನಾಪ್ ಡ್ರಾಗನ್ 820 ಪ್ರೊಸೆಸರ್ ಹಾಗೂ 4ಜಿಬಿ ರ್ಯಾಮ್ ಇರಲಿದೆ. ವ್ಯೀಬೋ ಪೋಸ್ಟಿನ ಪ್ರಕಾರವೂ ಎಂ.ಐ ನೋಟ್ 2ನಲ್ಲಿ ಸ್ನಾಪ್ ಡ್ರಾಗನ್ 821 ಪ್ರೊಸೆಸರ್ ಇರಲಿದೆ.

2ಕೆ ಕರ್ವ್ಡ್ ಪರದೆ.

ಗಾಳಿ ಸುದ್ದಿಗಳ ಪ್ರಕಾರ ಎಂ.ಐ ನೋಟ್ 2 ನಲ್ಲಿ 5.7 ಇಂಚಿನ ಕ್ಯು.ಹೆಚ್.ಡಿ 2560 x 1440 ಪರದೆಯಿರಲಿದೆ. ಸ್ಯಾಮ್ಸಂಗ್ ತಯಾರಿಸಿರುವ ಅಮೊಲೆಡ್ ಪರದೆಯೂ ಇದರಲ್ಲಿರಲಿದೆ ಎನ್ನಲಾಗುತ್ತಿದೆ.

ಡುಯಲ್ ಕ್ಯಾಮೆರ ಇರುವ ಸಾಧ್ಯತೆಯಿದೆ.

ಶಿಯೋಮಿ ಎಂ.ಐ ನೋಟ್ 2ದ ಹಿಂಬದಿಯಲ್ಲಿ ಎರಡು 13 ಮೆಗಾಪಿಕ್ಸೆಲ್ಲಿನ ಕ್ಯಾಮೆರ ಇರುತ್ತದೆ ಎನ್ನುವ ಸುದ್ದಿಗಳಿವೆ. ಅನೇಕ ಪ್ರೀಮಿಯಂ ಸಾಧನಗಳಲ್ಲಿರುವ ಡುಯಲ್ ಕ್ಯಾಮೆರಾ ಸೆಟ್ ಅಪ್ ಎಂ.ಐ ನೋಟ್ 2ನಲ್ಲೂ ಇರಲಿದೆ.

ಬೆಲೆ ಕಡಿಮೆಯಿರಲಿದೆ.

ವ್ಯೀಬೋದ ಲೇಖನದ ಪ್ರಕಾರ, ಎಂ.ಐ ನೋಟ್ 2ನ ಬೆಲೆ ಸುಮಾರು 2,999 ಯುವಾನ್ ಇರಲಿದೆ ಅಂದರೆ $450 ಅಥವಾ 30,000 ರುಪಾಯಿ. ಇದು ಸತ್ಯವಾದರೆ ಶಿಯೋಮಿ ಇಲ್ಲಿಯವರೆಗೂ ಹೊರತಂದಿರುವ ಎಲ್ಲಾ ಫೋನುಗಳಿಗಿಂತಲೂ ಎಂ.ಐ ನೋಟ್ 2 ದುಬಾರಿ ಎನ್ನಿಸಲಿದೆ.