ಮೈಕ್ರೋಮ್ಯಾಕ್ಸ್‌ ಬಿಡುಗಡೆ ಮಾಡಲಿದೆ ಮತ್ತೊಂದು ಎಚ್‌ಡಿ ಸ್ಮಾರ್ಟ್‌ಫೋನ್‌

ಮೈಕ್ರೋಮ್ಯಾಕ್ಸ್‌ಗೆ ಭಾರೀ ಜನಪ್ರಿಯತೆಯನ್ನು ತಂದು ಕೊಟ್ಟಿದ್ದ ಕ್ಯಾನ್‌ವಾಸ್‌ ಎಚ್‌ಡಿಯನ್ನು ಮತ್ತೊಂದು ಹೆಸರಿನಲ್ಲಿ ಬಿಡುಗಡೆ ಮಾಡಲು ಮೈಕ್ರೋಮ್ಯಾಕ್ಸ್‌ ಈಗ ಮುಂದಾಗಿದೆ. ಮೈಕ್ರೋಮ್ಯಾಕ್ಸ್‌ ಕ್ಯಾನ್‌ವಾಸ್‌ ಎಚ್‌ಡಿ ಎ116ಐ ಹೆಸರಿನಲ್ಲಿ ಹೊಸ ಸ್ಮಾರ್ಟ್‌ಫೋನ್‌ ಬಿಡುಗಡೆ ಮಾಡಲಿದ್ದು ಆನ್‌ಲೈನ್‌ ಶಾಪಿಂಗ್‌ ತಾಣ ಇಬೇಯಲ್ಲಿ ಲಿಸ್ಟ್‌ ಆಗಿದೆ.

ಈ ಸ್ಮಾರ್ಟ್‌ಫೋನ್‌ಗೆ 14,299 ಬೆಲೆಯನ್ನು ಮೈಕ್ರೋಮ್ಯಾಕ್ಸ್‌ ನಿಗದಿ ಮಾಡಿದೆ. ಮೈಕ್ರೋಮ್ಯಾಕ್ಸ್‌ ಈ ವರ್ಷದ ಫೆಬ್ರವರಿಯಲ್ಲಿ ಕ್ಯಾನ್‌ವಾಸ್‌ ಎಚ್‌ಡಿಯನ್ನು13,990 ಬೆಲೆಯನ್ನು ಬಿಡುಗಡೆ ಮಾಡಿತ್ತು.ಬಿಡುಗಡೆ ಮಾಡಿದ 24 ಗಂಟೆಯಲ್ಲೇ 9 ಸಾವಿರ ಸ್ಮಾರ್ಟ್‌ಫೋನ್‌ ಮಾರಾಟವಾಗಿತ್ತು. ಅಷ್ಟೇ ಅಲ್ಲದೇ ಒಂದು ನಿಮಿಷದಲ್ಲಿ 25 ಹ್ಯಾಂಡ್‌ಸೆಟ್‌ಗಳು ಖರೀದಿಯಾಗುತಿತ್ತು ಎಂದು ಮೈಕ್ರೋಮ್ಯಾಕ್ಸ್‌ ಹೇಳಿತ್ತು. ಈ ಸ್ಮಾರ್ಟ್‌ಫೋನ್‌ ಫೆಬ್ರವರಿಯಲ್ಲಿ ಬಿಡುಗಡೆಯಾಗಿದ್ದರೂ ಮಾರುಕಟ್ಟೆಯಲ್ಲಿ ಇದರ ಬೇಡಿಕೆ ಮತ್ತು ಬೆಲೆ ಕಡಿಮೆಯಾಗಿಲ್ಲ.ಈಗಲೂ 13,512 ಬೆಲೆಯಲ್ಲಿ ಸ್ಮಾರ್ಟ್‌‌ಫೋನ್‌ ಮಾರಾಟವಾಗುತ್ತಿದೆ.

ಹೊಸ ಕ್ಯಾನ್‌ವಾಸ್‌ ಎಚ್‌ಡಿ ಜೆಲ್ಲಿಬೀನ್‌ 4.1 ಓಎಸ್‌ ಬಿಡುಗಡೆಯಾಗುತ್ತಿದ್ದರೂ 4.2ಗೆ ಅಪ್‌ಡೇಟ್‌ ಮಾಡಬಹುದಾಗಿದೆ.ಜೊತೆಗೆ ಸ್ಮಾರ್ಟ್‌‌ಫೋನ್‌ಗೆ ಶಕ್ತಿಶಾಲಿ ಬ್ಯಾಟರಿಯನ್ನು ನೀಡುವ ಸಾಧ್ಯತೆ ಇದೆ. ಮೈಕ್ರೋಮ್ಯಾಕ್ಸ್‌ ಈ ಸ್ಮಾರ್ಟ್‌ಫೋನನ್ನು ಸದ್ಯದಲ್ಲೇ ಮಾರುಕಟ್ಟೆಗೆ ಬಿಡುಗಡೆ ಮಾಡಲಿದೆ.

ಮೈಕ್ರೋಮ್ಯಾಕ್ಸ್‌ ಸ್ಮಾರ್ಟ್‌‌ಫೋನ್‌ಗಳ ಆಕರ್ಷಕ ಚಿತ್ರಗಳಿಗಾಗಿ ಇಲ್ಲಿ ಕ್ಲಿಕ್‌ ಮಾಡಿ:ಗ್ಯಾಲರಿ

ಮೈಕ್ರೋಮ್ಯಾಕ್ಸ್‌ ಕ್ಯಾನ್‌ವಾಸ್‌ ಎಚ್‌ಡಿ ಎ116ಐ
ವಿಶೇಷತೆ:
ಡ್ಯುಯಲ್‌ ಸಿಮ್‌(ಜಿಎಸ್‌ಎಂ+ಜಿಎಸ್‌ಎಂ)
5 ಇಂಚಿನ ಎಚ್‌ಡಿ ಸ್ಕ್ರೀನ್‌(1280 x 720 ಪಿಕ್ಸೆಲ್‌)
1.2 GHz ಕ್ವಾಡ್‌ ಕೋರ್‌ ಪ್ರೊಸೆಸರ್‌
1GB ರ್‍ಯಾಮ್‌
4GB ಆಂತರಿಕ ಮೆಮೊರಿ
8 ಎಂಪಿ ಹಿಂದುಗಡೆ ಕ್ಯಾಮೆರಾ
2 ಎಂಪಿ ಮುಂದುಗಡೆ ಕ್ಯಾಮೆರಾ
32GBವರೆಗೆ ವಿಸ್ತರಿಸಬಹುದಾದ ಶೇಖರಣಾ ಸಾಮರ್ಥ್ಯ

ಇದನ್ನೂ ಓದಿ: ಭಾರತದ ಟಾಪ್‌ 10 ಮೊಬೈಲ್‌ ಕಂಪೆನಿಗಳು