ಗೂಗಲ್ ವರ್ಸಸ್ ಆಪಲ್. ಯಾರು ಉತ್ತಮ?
ವಿಶ್ವದ ನಂಬರ್ ಒನ್ ಬ್ಯ್ರಾಂಡ್ ಕಂಪೆನಿಯಾಗಿ ಆಪಲ್ ಮೊನ್ನೆಯಷ್ಟೇ ಹೊರ ಹೊಮ್ಮಿದೆ. ಇಂಟರ್ಬ್ಯ್ರಾಂಡ್ ವರದಿ ಪ್ರಕಾರ ಕಳೆದ 13 ವರ್ಷಗಳಿಂದ ನಿರಂತರ ನಂಬರ್ ಒನ್ ಸ್ಥಾನದಲ್ಲಿದ್ದ ಕೋಕಾಕೋಲಾ ಕಂಪೆನಿಯನ್ನು ಆಪಲ್ ತನ್ನ ಆದಾಯ,ಮಾರುಕಟ್ಟೆಯಲ್ಲಿ ಹಿಂದಿಕ್ಕಿದೆ. ಇಂಟರ್ನೆಟ್ ದೈತ್ಯ ಗೂಗಲ್ ನಂಬರ್ 2 ಸ್ಥಾನಗಳಿಸಿದರೆ, ಕೋಕಾಕೋಲಾ ಮೂರನೇ ಸ್ಥಾನಗಳಿಸಿದೆ.
ಈ ಹಿಂದಿನಿಂದಲೂ ಆಪಲ್ಗೂ ಮತ್ತು ಗೂಗಲ್ ಕಂಪೆನಿಗಳ ಮಧ್ಯೆ ಸ್ಪರ್ಧೆ ನಡೆದುಕೊಂಡು ಬಂದಿದೆ. ಈಗ ಈ ರ್ಯಾಂಕಿಂಗ್ನಿಂದಾಗಿ ಸೇವೆಗಳ ವಿಚಾರವಾಗಿ ಮತ್ತಷ್ಟು ಸ್ಪರ್ಧೆ ಆರಂಭಗೊಂಡಿದೆ.ಸ್ಮಾರ್ಟ್ಫೋನ್ ಆಪರೇಟಿಂಗ್ ಸಿಸ್ಟಂ, ಸ್ಪೀಚ್ ರೆಕಗ್ನಿಷನ್ ಸಾಫ್ಟ್ವೇರ್, ಕ್ಲೌಡ್ ಸ್ಟೋರೆಜ್ನಲ್ಲಿ ಸೇರಿದಂತೆ ವಿವಿಧ ಪ್ರೊಡಕ್ಟ್ಗಳ ವಿಚಾರದಲ್ಲಿ ಗುಣಮಟ್ಟ ಮತ್ತು ಮಾರುಕಟ್ಟೆಯಲ್ಲಿ ಸ್ಪರ್ಧೆ ನಡೆಯುತ್ತಿದೆ. ಈ ಸ್ಪರ್ಧೆಯಲ್ಲಿ ಗೂಗಲ್ ಆಪಲ್ನ್ನು ಹಿಂದಿಕ್ಕಿದೆ. ಗೂಗಲ್ ಸೇವೆ ಮುಂದೆ ಆಪಲ್ ಈ ಸೇವೆಗಳು ಸ್ವಲ್ಪ ಮಂಕಾಗಿವೆ. ಹಾಗಾದ್ರೆ ಯಾವೆಲ್ಲ ಸೇವೆಗಳಲ್ಲಿ ಗೂಗಲ್ ಮುಂದಿದೆ ಎನ್ನುವುದಕ್ಕೆ ಇಲ್ಲಿ ವಿವರವಿದೆ.ಒಂದೊಂದೆ ಪುಟವನ್ನು ತಿರುಗಿಸಿ ನೋಡಿಕೊಂಡು ಹೋಗಿ.
ಇದನ್ನೂ ಓದಿ: ಮುಪ್ಪು ತಡೆಯಲು ಗೂಗಲ್ ಆಪಲ್ನಿಂದ ಹೊಸ ಕಂಪೆನಿ!

#1
ಗೂಗಲ್ ಸ್ಪೀಚ್ ರೆಕಗ್ನಿಷನ್ ಸಾಫ್ಟ್ವೇರ್ ಗೂಗಲ್ ನೌ ಆಪಲ್ನ ಸಿರಿಗಿಂತ ಚೆನ್ನಾಗಿ ಬಳಕೆದಾರರ ಧ್ವನಿಯನ್ನು ಗ್ರಹಿಸಿ ಕೆಲಸ ಮಾಡಬಲ್ಲುದು.

#2
ಗೂಗಲ್ ನೆಕ್ಸಸ್4 ಸ್ಮಾರ್ಟ್ಫೋನ್ಗೆ ಕಾಂಟ್ರಾಕ್ಟ್ ಹೊರತಾದ ಬೆಲೆ 199 ಡಾಲರ್. ಕಾಂಟ್ರಾಕ್ಟ್ ಹೊರತಾದ ಐಫೋನ್ 5ಎಸ್ಗೆ 649 ಡಾಲರ್.

#3
ಇನ್ನೂ ತನ್ನ ಬಳಕೆದಾರರಿಗೆ ಗೂಗಲ್ ಆನ್ಲೈನ್ ಸ್ಟೋರೆಜ್ ಮಾಡಲು ಗೂಗಲ್ ಡ್ರೈವ್ನಲ್ಲಿ 15 GB ಡೇಟಾವನ್ನು ಉಚಿತವಾಗಿ ನೀಡಿದ್ದರೆ ಆಪಲ್ ಐಕ್ಲೌಡ್ನಲ್ಲಿ 5 GB ಡೇಟಾ ಮಾತ್ರ ಸಂಗ್ರಹಮಾಡಬಹುದು.

#4
ಗೂಗಲ್ ಸೇವೆಗಳಾದ ಜಿಮೇಲ್,ಗೂಗಲ್ ಕ್ಯಾಲೆಂಡರ್, ಗೂಗಲ್ ಟಾಕ್..ಬಳಸಲು ಆಪಲ್ನ ಸಫಾರಿ ಬ್ರೌಸರ್ಗಿಂತ ಕ್ರೋಮ್ ಬ್ರೌಸರ್ ಹೆಚ್ಚು ಸಹಕಾರಿ. ಕ್ರೋಮ್ ಬ್ರೌಸರ್ನಲ್ಲಿ ಲಾಗಿನ್ ಆಗುವ ಮೂಲಕ ಈ ಎಲ್ಲಾ ಸೇವೆಗಳನ್ನು ಸುಲಭವಾಗಿ ಬಳಸಬಹುದು.

#5
ಗೂಗಲ್ ನೆಕ್ಸಸ್ 7 ಆಪಲ್ ಐಪ್ಯಾಡ್ ಮಿನಿಗಿಂತ ಉತ್ತಮ ಮತ್ತು ಬೆಲೆ ಕಡಿಮೆ.

#6
ಗೂಗಲ್ ಆಂಡ್ರಾಯ್ಡ್ ಓಎಸ್ ಬಳಕೆದಾರರ ಸಂಖ್ಯೆ ಆಪಲ್ ಐಓಎಸ್ಗಿಂತ ಹೆಚ್ಚಿದ್ದಾರೆ.ಐಡಿಸಿ ವರದಿಯ ಪ್ರಕಾರ ವಿಶ್ವದ ಶೇ.75.ರಷ್ಟು ಬಳಕೆದಾರರು ಆಂಡ್ರಾಯ್ಡ್ ಸ್ಮಾರ್ಟ್ಫೋನ್ ಬಳಸುತ್ತಿದ್ದರೆ,ಶೇ.16.ರಷ್ಟು ಬಳಕೆದಾರರು ಐಓಎಸ್ನ್ನು ಬಳಸುತ್ತಿದ್ದಾರೆ.

#7
ಇನ್ನು ಟ್ಯಾಬ್ಲೆಟ್ ಮಾರುಕಟ್ಟೆಯಲ್ಲೂ ಗೂಗಲ್ ಆಪಲನ್ನು ಮೀರಿಸಿದೆ. ಐಡಿಸಿ ವರದಿಯಂತೆ ಶೇ.32 ರಷ್ಟು ಐಪ್ಯಾಡ್ಗಳಲ್ಲಿ ಐಓಎಸ್ ಇದ್ದರೆ ,ವಿಶ್ವದ ಶೇ.62 ಟ್ಯಾಬ್ಲೆಟ್ನಲ್ಲಿ ಆಂಡ್ರಾಯ್ಡ್ ಓಎಸ್ ಬಳಕೆಯಾಗಿದೆ.


Click it and Unblock the Notifications








