ಅಮೆಜಾನ್ ಭರ್ಜರಿ ಆಫರ್!..ಬಿಡುವಿನ ವೇಳೆಯಲ್ಲಿ ಗಂಟೆಗೆ 140 ರೂ.ಗಳಿಸಿ!!

ಏನಿದು ಅಮೆಜಾನ್ ಫ್ಲೆಕ್ಸ್ ಸೇವೆ!

ಆಸಕ್ತರು ತಾವು ನೆಲೆಸಿರುವ ಪ್ರದೇಶದ ವ್ಯಾಪ್ತಿಯಲ್ಲಿ ತಮಗೆ ಅನುಕೂಲವಾದ ಸಮಯ ಮತ್ತು ದಿನದಲ್ಲಿ 4 ಗಂಟೆಯವರೆಗೆ ಸರಕುಗಳನ್ನು ಮನೆ, ಕಚೇರಿಗಳಿಗೆ ತಲುಪಿಸುವ ಉದ್ಯೋಗ ನೀಡುವ ಆಪ್ ಇದಾಗಿದೆ. ಈ ಆಪ್‌ನಲ್ಲಿ ಲಾಗಿನ್ ಆಗಿ, ಆಸಕ್ತರು ತಮ್ಮ ಆಯ್ಕೆಯ ಸಮಯ ಮತ್ತು ದಿನಗಳಲ್ಲಿ ಕೆಲಸ ಮಾಡಬಹುದು. ಇದಕ್ಕೆ ನಿಖರ ಸಮಯದಲ್ಲಿ ಹಣ ನೀಡಲಾಗುತ್ತದೆ.

ಹೇಗಿರುತ್ತದೆ ಅರೆಕಾಲಿಕ ಉದ್ಯೋಗ?

ಆಸಕ್ತ ಸ್ತ್ರೀ ಪುರುಷರು ಈ ಕೆಲಸವನ್ನು ನಿರ್ವಹಿಸಬಹುದಾಗಿದೆ. ಉದ್ಯೋಗಿಗಳು, ವಿದ್ಯಾರ್ಥಿಗಳು ಮತ್ತು ಮನೆಗೆಲಸದ ಬಿಡುವಿನ ಸಮಯದಲ್ಲಿ ಅಮೆಜಾನ್‌ ಸರಕುಗಳನ್ನು ಗ್ರಾಹಕರಿಗೆ ತಲುಪಿಸಿ ಗಂಟೆಗಳ ಲೆಕ್ಕದಲ್ಲಿ ಆದಾಯ ಗಳಿಸಬಹುದು. ಅರೆಕಾಲಿಕ ಉದ್ಯೋಗ ಅವಕಾಶ ಇದಾಗಿರುವುದರಿಂದ ಬಿಡುವಿನ ಸಮಯವನ್ನು ಆದಾಯ ಗಳಿಕೆಗೆ ಸದ್ಬಳಕೆ ಮಾಡಿಕೊಳ್ಳಬಹುದು.

ಉದ್ಯೋಗ ಪಡೆಯುವುದು ಹೇಗೆ?

ಆಸಕ್ತರು ಅಮೆಜಾನ್‌ ಫ್ಲೆಕ್ಸ್ ಮೊಬೈಲ್‌ ಆ‍ಪ್ ಮೂಲಕ ಹೆಸರು ನೋಂದಾಯಿಸಿ ಕೊಂಡು ಈ ಅರೆಕಾಲಿಕ ಉದ್ಯೋಗ ಮಾಡಬಹುದು. 18 ವರ್ಷಕ್ಕಿಂತ ಹೆಚ್ಚಿನ ವಯೋಮಾನದ, ವಾಹನ ಚಾಲನಾ ಪತ್ರ, ಪ್ಯಾನ್‌ ಕಾರ್ಡ್‌ ಮತ್ತು ಸ್ವಂತ ದ್ವಿಚಕ್ರ ವಾಹನ ಹೊಂದಿರುವವರು ಈ ಕೆಲಸಕ್ಕೆ ಅರ್ಹರಾಗಿರುತ್ತಾರೆ. ಈ ಕೆಲಸಕ್ಕೆ ಗೃಹಿಣಿಯರೂ ಸಹ ಸೇರಬಹುದು ಎಂದು ಸಂಸ್ಥೆ ಹೇಳಿದೆ.

ಹಣ ಹೇಗೆ ಪಾವತಿಯಾಗುತ್ತದೆ?

ಅರೆಕಾಲಿಕ ಉದ್ಯೋಗ ನಿರ್ವಹಿಸುವವರಿಗೆ ಪ್ರತಿ ಬುಧವಾರದಲ್ಲೂ ಆನ್ಲೈನ್ ​​ಬ್ಯಾಂಕ್ ವರ್ಗಾವಣೆಯ ಮೂಲಕ ಪಾವತಿಸಲಾಗುತ್ತದೆ. ಇದಕ್ಕಾಗಿ ಪಾನ್ ಸಂಖ್ಯೆ ಹೊಂದಿರುವುದು ಕಡ್ಡಾಯ ಮತ್ತು ಅರಕಾಲಿಕ ಉದ್ಯೋಗಿಗಳಾಗೂ ಸಹ 5 ಲಕ್ಷ ರೂ. ವರೆಗೆ ವಿಮೆಯನ್ನು ನೀಡಲಾಗುತ್ತದೆ ಎಂದು ಅಮೆಜಾನಿನ ಏಷ್ಯಾ ವಲಯದ ಉಪಾಧ್ಯಕ್ಷ ಅಖಿಲ್ ಸಕ್ಸೇನಾ ಅವರು ತಿಳಿಸಿದ್ದಾರೆ.

ತರಬೇತಿ ನೀಡಲಾಗುವುದು.

ಅರೆಕಾಲಿಕ ಉದ್ಯೋಗ ಆಸಕ್ತರ ಪೂರ್ವಾಪರಗಳನ್ನು ಸಮಗ್ರವಾಗಿ ಪರಿಶೀಲಿಸಿದ ನಂತರವೇ ಆಯ್ಕೆ ಮಾಡಿಕೊಳ್ಳಲಾಗುತ್ತದೆ. ಸರಕು ವಿತರಣೆ ಆರಂಭಿಸುವ ಮೊದಲು ಅವರಿಗೆ ಸಮಗ್ರ ತರಬೇತಿ ನೀಡಲಾಗುವುದು. ಉದ್ಯೋಗಿಗಳಿಗೆ ಗುಂಪು ವಿಮೆ ಮತ್ತು ಪ್ರತಿ ಗಂಟೆಗೆ 120ರಿಂದ 140ವರೆಗಿನ ಲೆಕ್ಕದಲ್ಲಿ ಆದಾಯ ಗಳಿಸಬಹುದು ಎಂದು ಅಖಿಲ್ ಸಕ್ಸೇನಾ ಅವರು ಹೇಳಿದ್ದಾರೆ.