ಬಂದಿದೆ ಹೊಸ ತಂತ್ರಜ್ಞಾನ: ಕ್ಷಣ ಮಾತ್ರದಲ್ಲಿ ಚಾರ್ಜ್ ಆಗಲಿದೆ ಮೊಬೈಲ್ ಬ್ಯಾಟರಿ..!!

ಅನೇಕ ವಸ್ತುಗಳು ಬ್ಯಾಟರಿ ಶಕ್ತಿಯನ್ನು ನಂಬಿಕೊಂಡೆ ಕಾರ್ಯನಿರ್ವಹಿಸುತ್ತಿವೆ. ಈ ಹಿನ್ನಲೆಯಲ್ಲಿ ಬ್ಯಾಟರಿ ಕುರಿತ ಸಂಶೋಧನೆಗಳು ಇತ್ತೀಚಿಗೆ ಹೆಚ್ಚು ಪ್ರಾಮುಖ್ಯತೆಯನ್ನು ಪಡೆದುಕೊಂಡಿದೆ.

By Srinidhi

Published: Tuesday, July 25, 2017, 11:48 [IST]

ದಿನೇ ದಿನೇ ಬ್ಯಾಟರಿ ಆಧಾರಿತ ಎಲೆಕ್ಟ್ರಾನಿಕ್ ವಸ್ತುಗಳ ಸಂಖ್ಯೆಯೂ ಹೆಚ್ಚಾಗುತ್ತಿದೆ. ಬ್ಯಾಟರಿ ಚಾಲಿತ ಕಾರುಗಳು, ಸ್ಮಾರ್ಟ್‌ಫೋನ್ ಗಳು, ಲ್ಯಾಪ್‌ಟಾಪ್, ಕ್ಯಾಮೆರಾಗಳು ಹೀಗೆ ಅನೇಕ ವಸ್ತುಗಳು ಬ್ಯಾಟರಿ ಶಕ್ತಿಯನ್ನು ನಂಬಿಕೊಂಡೆ ಕಾರ್ಯನಿರ್ವಹಿಸುತ್ತಿವೆ. ಈ ಹಿನ್ನಲೆಯಲ್ಲಿ ಬ್ಯಾಟರಿ ಕುರಿತ ಸಂಶೋಧನೆಗಳು ಇತ್ತೀಚಿಗೆ ಹೆಚ್ಚು ಪ್ರಾಮುಖ್ಯತೆಯನ್ನು ಪಡೆದುಕೊಂಡಿದೆ.

ಓದಿರಿ: ಗೂಗಲ್‌ನಿಂದ 2 ಕೋಟಿ ಸೊಳ್ಳೆ ಬಿಡುಗಡೆ: ನೀವು ಕಾರಣ ತಿಳಿಯಬೇಕು.!!

ಅದರಲ್ಲೂ ಬ್ಯಾಟರಿ ಚಾಲಿತ ಕಾರುಗಳು, ಬೈಕ್ ಮತ್ತು ಸ್ಮಾರ್ಟ್‌ಫೋನ್ ಗಳು ಖ್ಯಾತಿಯನ್ನು ಪಡೆದುಕೊಳ್ಳುತ್ತಿದ್ದು, ಈ ಹಿನ್ನಲೆಯಲ್ಲಿ ವೇಗವಾಗಿ ಚಾರ್ಜ್ ಆಗುವ ಬ್ಯಾಟರಿ ಮತ್ತು ದೀರ್ಘಕಾಲ ಬಾಳಿಕೆ ಬರುವ ಬ್ಯಾಟರಿಗಳ ಅಭಿವೃದ್ಧಿಗೆ ಹೆಚ್ಚಿನ ಆಧ್ಯತೆಯನ್ನು ನೀಡಲಾಗಿದೆ. ಇದೇ ಸಂದರ್ಭದಲ್ಲಿ ಅವಿಷ್ಕಾರಗೊಂಡಿರುವುದೇ ಸೆಕೆಂಡಿನಲ್ಲಿ ಚಾರ್ಜ್ ಆಗುವ ಬ್ಯಾಟರಿ.

ಓದಿರಿ: ವಾಟ್ಸ್‌ಆಪ್ ಬಿಟ್ಟು ಟೆಲಿಗ್ರಾಂ ಬಳಕೆ ಶುರು ಮಾಡಲು ಇದೊಂದೆ ಕಾರಣ ಸಾಕು..!!

ಇನ್‌ಸ್ಟೆಂಟ್ ಬ್ಯಾಟರಿ ಚಾರ್ಜ್:

ಇಂದಿನ ದಿನದಲ್ಲಿ ಪ್ರತಿಯೊಂದು ಕಾರ್ಯವೇ ಬೇಗನೆ ಆಗಬೇಕೆಂದು ಜನರು ಬಯಸುತ್ತಾರೆ. ಇದೇ ಮಾದರಿಯಲ್ಲಿ ಬ್ಯಾಟರಿಯನ್ನು ಇನ್‌ಸ್ಟೆಂಟ್ ಆಗಿ ಚಾರ್ಜ್ ಮಾಡಲು ಈ ವಿಧಾನವು ಸಹಾಯಕಾರಿಯಾಗಲಿದೆ. ಇದರಲ್ಲಿ MXene ಅನ್ನು ಹೈಡ್ರೂಜಲ್ ನೊಂದಿಗೆ ಮಿಕ್ಸ್ ಮಾಡಿ ಪ್ರಯೋಗ ನಡೆಸಲಾಗಿದೆ.

ಸೆಕೆಂಡ್ ನಲ್ಲಿ ಬ್ಯಾಟರಿ ಚಾರ್ಜ್:

ಡಿರೆಕ್ಸಲ್ ಇಂಜಿನಿಯರಿಂಗ್ ಕಾಲೇಜಿನ ಸಂಶೋಧಕರು ಹೊಸ ಮಾದರಿಯ ತಂತ್ರಜ್ಞಾನವನ್ನು ಕಂಡುಹಿಡಿದಿದ್ದು, ಇದು ಸಂಪೂರ್ಣ ಬ್ಯಾಟರಿಯನ್ನು ಕ್ಷಣ ಮಾತ್ರದಲ್ಲಿ ಚಾರ್ಜ್ ಮಾಡಲಿದೆ ಎನ್ನಲಾಗಿದೆ. ಇದನ್ನು ನ್ಯಾನೊಮೀಟರಿಯಲ್ MXene ಎಂಬ ವಸ್ತುವಿನಿಂದ ನಿರ್ಮಿಸಲಾಗಿದೆ.

ಸ್ಮಾರ್ಟ್‌ಫೋನ್ - ಎಲೆಕ್ಟ್ರಿಕ್ ಕಾರ್ ಗಳಲ್ಲಿ ಹೆಚ್ಚು ಬಳಕೆ:

ಈ ತಂತ್ರಜ್ಞಾನವನ್ನು ಎಲೆಕ್ಟ್ರಿಕ್ ಕಾರ್‌ಗಳನ್ನು ಚಾರ್ಜ್ ಮಾಡಿಕೊಳ್ಳುವಲ್ಲಿ ಮತ್ತು ಸ್ಮಾರ್ಟ್‌ಫೋನ್ ಗಳನ್ನು ಚಾರ್ಜ್ ಮಾಡಿಕೊಳ್ಳಲು ಬಳಕೆ ಮಾಡಿಕೊಳ್ಳಬಹುದಾಗಿದ್ದು, ಬ್ಯಾಟರಿ ಚಾರ್ಜಿಂಗ್ ಸಮಸ್ಯೆಗೆ ಹೆಚ್ಚಿನ ಪರಿಹಾರವನ್ನು ನೀಡಲಿದೆ.

ಸುಪರ್ ಫಾಸ್ಟ್ ಚಾರ್ಜಿಂಗ್:

ಈಗಾಗಲೇ ಮಾರುಕಟ್ಟೆಯಲ್ಲಿ ಫಾಸ್ಟ್ ಚಾರ್ಜಿಂಗ್, ರಾಪಿಡ್ ಚಾರ್ಜಂಗ್ ಎನ್ನುವುದನ್ನು ಕೇಳುತ್ತಿದ್ದೇವೆ. ಇದು ಅದಲ್ಲವನ್ನು ಮೀರಿಸಿ ವೇಗವಾಗಿ ಚಾರ್ಜ್ ಮಾಡಲಿದ್ದು, ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಇದು ಹೆಚ್ಚಿನ ಸದ್ದು ಮಾಡಲಿದೆ.