ಗೂಗಲ್‌ನಿಂದ 2 ಕೋಟಿ ಸೊಳ್ಳೆ ಬಿಡುಗಡೆ: ನೀವು ಕಾರಣ ತಿಳಿಯಬೇಕು.!!

ಗೂಗಲ್ ಬಿಟ್ಟಿರುವುದು ಗಂಡು ಸೊಳ್ಳೆಗಳನ್ನು:

ಸದ್ಯ ಗೂಗಲ್ 2 ಕೋಟಿ ಗಂಡು ಸೊಳ್ಳೆಗಳನ್ನು ಬಿಡುಗಡೆ ಮಾಡಿದ್ದು, ಇದು ವಾತಾವರಣದಲ್ಲಿರುವ ಹೆಣ್ಣು ಸೊಳ್ಳೆಗಳನ್ನು ಆಕರ್ಷಿಸುವುದಲ್ಲದೇ ಅವುಗಳೊಂದಿಗೆ ಸಂಪರ್ಕವನ್ನು ಹೊಂದಿ ಹೆಣ್ಣು ಸೊಳ್ಳೆಗಳಿಗೆ ಗರ್ಭಧರಿಸುವಂತೆ ಮಾಡುತ್ತವೆ. ಹೆಣ್ಣು ಸೊಳ್ಳೆಗಳು ಇಡುವ ಮೊಟ್ಟೆಗಳು ಮರಿಯಾಗುವುದಿಲ್ಲ. ಈ ಮೂಲಕ ಅವುಗಳ ಸಂತನೋತ್ಪತಿಯನ್ನು ತಡೆಯಲಿವೆ.

ಈ ಸೊಳ್ಳೆಗಳು ಕಚ್ಚುವುದಿಲ್ಲ:

ಗೂಗಲ್ ಬಿಟ್ಟಿರುವ ಸೊಳ್ಳೆಗಳು ಜನ ಸಾಮಾನ್ಯರಿಗೆ ಕಚ್ಚುವುದಿಲ್ಲ ಎನ್ನಲಾಗಿದೆ. ಇದು ಕೇವಲ ಸೊಳ್ಳೆಗಳೊಂದಿಗೆ ಮಾತ್ರವೇ ಸೇರಲಿದ್ದು, ಜನರಿಗೆ ತೊಂದರೆಯನ್ನು ನೀಡುವುದಿಲ್ಲ ಎಂದು ಈ ಸೊಳ್ಳೆಗಳನ್ನು ಅಭಿವೃದ್ಧಿ ಪಡಿಸಿರುವ ವಿಜ್ಞಾನಿಗಳ ಮಾತಾಗಿದೆ.

ಡೇಂಗ್ಯೂ-ಚಿಕೂನ್ ಗುನ್ಯ ತಡೆಯಲು ಸಹಾಯಕಾರಿ:

ಗೂಗಲ್ ಬಿಟ್ಟಿರುವ ಸೊಳ್ಳೆಗಳು ಸದ್ಯ ಜಾಗತಿಕವಾಗಿ ತೊಂದರೆಯನ್ನು ಉಂಟು ಮಾಡುತ್ತಿರುವ ಜೀಕಾ, ಚಿಕೂನ್ ಗುನ್ಯ, ಡೇಂಗ್ಯೂ ನಂತಹ ಖಾಯಿಲೆಗಳನ್ನು ಹರಡುತ್ತಿರುವ ಸೊಳ್ಳೆಗಳನ್ನು ನಿಯಂತ್ರಿಸಲು ಸಹಾಯಕವಾಗಿದೆ.

ಮುಳ್ಳನ್ನು ಮುಳ್ಳಿನಿಂದಲೇ ತೆಗೆಯಬೇಕು:

ಮುಳ್ಳನ್ನು ಮುಳ್ಳಿನಿಂದಲೇ ತೆಗೆಯಬೇಕು ಎನ್ನುವ ಕ್ರಮವನ್ನು ಅರಿತಿರುವ ಗೂಗಲ್ ಸೊಳ್ಳೆಗಳನ್ನು ಸೊಳ್ಳೆಗಳಿಂದಲೇ ನಿರ್ಮೂಲನೆ ಮಾಡುವ ಕಾರ್ಯಕ್ಕೆ ಮುಂದಾಗಿದೆ. ಒಮ್ಮೆ ಈ ಪ್ರಯೋಗವು ಯಶಸ್ವಿಯಾಯಿತು ಎಂದದಾರೆ ಮುಂದಿನ ತಲೆಮಾರಿಗೆ ಸೊಳ್ಳೆಗಳು ಬರಿ ನೆನಪು ಮಾತ್ರ, ಅದರಿಂದ ಹರಡುವ ಕಾಯಿಲೆಗಳು ಸಹ.

ಸದ್ಯ ಅಮೆರಿಕಾದಲ್ಲಿ ಬಿಡುಗಡೆ:

ಗೂಗಲ್ ಅಂಗ ಸಂಸ್ಥೆಯಾದ ಆಲ್ಫಾಬೆಟ್ಸ್ ಈ ಸೊಳ್ಳೆಗಳನ್ನು ಅಭಿವೃದ್ಧಿಪಡಿಸಿದ್ದು, ಡಿಬಗ್ ಫ್ರೆಸ್ನೊ ಎಂದು ಈ ಕಾರ್ಯಕ್ಕೆ ಹೆಸರಿಟ್ಟಿದೆ ಎನ್ನಲಾಗಿದೆ. ಸದ್ಯ ಈ ಸೊಳ್ಳೆಗಳು ಅಮೆರಿಕಾದಲ್ಲಿ ಕಾರ್ಯಚರಣೆ ನಡೆಸಲಿದ್ದು, ನಂತರ ಅಲ್ಲಿ ಯಶಸ್ವಿಯಾದರೆ ವಿಶ್ವದೆಲ್ಲಡೆ ಕಾಣಿಸಿಕೊಳ್ಳಿಲಿದೆ.