ಟಿವಿ ಆಪರೇಟರ್ ಗಳಿಂದ ದೀರ್ಘಾವಧಿ ಪ್ಲಾನ್ ಗಳ ಘೋಷಣೆ- ನಿಮ್ಮ ಮನೆಗೆ ಯಾವುದು ಸೂಕ್ತ ನೋಡಿ!

ಡಿ2ಹೆಚ್ ನಲ್ಲಿ 5 ತಿಂಗಳವರೆಗೆ ಉಚಿತ ರೀಚಾರ್ಜ್

ದೀರ್ಘಾವಧಿ ಪ್ಲಾನ್ ಗಳ ಬಗ್ಗೆ ಹೇಳುವಾಗ ಡಿ2ಹೆಚ್ ನ್ನು ಮೀರಿಸುವಂತ ಪ್ಲಾನ್ ನ್ನು ಇತರೆ ಯಾವ ಆಪರೇಟರ್ ಗಳೂ ಕೂಡ ನೀಡಿಲ್ಲ.ಡಿ2ಹೆಚ್ ನಲ್ಲಿ ಹೆಚ್ಚುವರಿ 7 ದಿನಗಳ ಚಂದಾದಾರಿಕೆಯು 3 ತಿಂಗಳ ಪ್ಲಾನ್ ನ ಚಂದಾದಾರಿಕೆಯ ಅಡಿಯಲ್ಲಿ ಲಭ್ಯವಾಗುತ್ತದೆ. 6 ತಿಂಗಳ ಪ್ಲಾನಿನ ಚಂದಾದಾರಿಕೆಯ ಅಡಿಯಲ್ಲಿ 15 ದಿನಗಳ ಹೆಚ್ಚುವರಿ ಚಂದಾದಾರಿಕೆ ಸಿಗುತ್ತದೆ. 11 ತಿಂಗಳ ಚಂದಾದಾರಿಕೆಯ ಪ್ಲಾನ್ ಖರೀದಿಸಿದರೆ 30 ದಿನಗಳ ಹೆಚ್ಚುವರಿ ಚಂದಾದಾರಿಕೆ ಲಭ್ಯವಾಗುತ್ತದೆ.

22 ತಿಂಗಳ ಚಂದಾದಾರಿಕೆಯನ್ನು ಖರೀದಿ ಮಾಡಿದರೆ 60 ದಿನಗಳ ಹೆಚ್ಚುವರಿ ಚಂದಾದಾರಿಕೆ ಸಿಗುತ್ತದೆ. 33 ತಿಂಗಳ ಚಂದಾದಾರಿಕೆಗೆ 90 ದಿನಗಳು, 44 ತಿಂಗಳ ದೀರ್ಘಾವಧಿ ಚಂದಾದಾರಿಕೆಗೆ 120 ದಿನಗಳು, ಕೊನೆಯದಾಗಿ 55 ತಿಂಗಳ ಡಿ2ಹೆಚ್ ಸೇವೆಗಳ ಚಂದಾದಾರಿಕೆ ತೆಗೆದುಕೊಂಡರೆ 150 ದಿನಗಳು ಚಂದಾದಾರಿಕೆಯನ್ನು ಉಚಿತವಾಗಿ ನೀಡಲಾಗುತ್ತದೆ.

30 ದಿನಗಳವರೆಗಿನ ಉಚಿತ ರೀಚಾರ್ಜ್ ಆಫರ್ ಮಾಡುತ್ತಿರುವ ಡಿಶ್ ಟಿವಿ

ಡಿಶ್ ಟಿವಿ ಕೂಡ ಡಿ2ಹೆಚ್ ನಂತೆಯೇ ಆಫರ್ ನ್ನು ನೀಡುತ್ತಿದೆ. ಆದರೆ ಇದು ದೀರ್ಘಾವಧಿ ರೀಚಾರ್ಜ್ ಗಳಲ್ಲಿ ನೀಡುವ ಉಚಿತ ದಿನಗಳ ಸಂಖ್ಯೆಯಲ್ಲಿ ಮೇಲಿನವು ಇಲ್ಲವಾಗಿದೆ. ಚಂದಾದಾರರಿಗೆ 3 ತಿಂಗಳಿಗೆ 7 ದಿನಗಳು, 6 ತಿಂಗಳಿಗೆ 15 ದಿನಗಳು ಮತ್ತು 11 ತಿಂಗಳಿಗೆ 30 ದಿನಗಳ ಚಂದಾದಾರಿಕೆ ಉಚಿತವಾಗಿರುತ್ತದೆ.

30 ದಿನಗಳವರೆಗಿನ ಉಚಿತ ರೀಚಾರ್ಜ್ ದಿನಗಳನ್ನು ಆಫರ್ ಮಾಡುತ್ತಿರುವ ಟಾಟಾ ಸ್ಕೈ

ಟಾಟಾ ಸ್ಕೈ ಮೇಲಿನ ಎರಡು ಆಪರೇಟರ್ ಗಳಿಗಿಂತ ಸ್ವಲ್ಪ ಭಿನ್ನವಾಗಿರುವ ಆಫರ್ ನ್ನು ನೀಡುತ್ತದೆ. ಬೇರೆಬೇರೆ ಚಂದಾದಾರಿಕೆಯ ಅವಧಿಯಲ್ಲಿ ಹೆಚ್ಚು ಆಯ್ಕೆಗಳನ್ನು ಟಾಟಾಸ್ಕೈ ನೀಡುತ್ತದೆ. ಫ್ಲೆಕ್ಸಿ ಆನ್ಯುವಲ್ ಪ್ಲಾನ್ ನ ಅಡಿಯಲ್ಲಿ ವಾರ್ಷಿಕ ಚಂದಾದಾರಿಕೆ ಖರೀದಿಸಿದರೆ 30 ದಿನಗಳ ಹೆಚ್ಚುವರಿ ಚಂದಾದಾರಿಕೆ ಟಾಟಾ ಸ್ಕೈ ನಲ್ಲಿ ಸಿಗುತ್ತದೆ. ಇದನ್ನು ಪಡೆದುಕೊಳ್ಳುವುದಕ್ಕೆ ಗ್ರಾಹಕರು ಮೊದಲಿಗೆ ತಮ್ಮ ಟಾಟಾ ಸ್ಕ್ರೈ ಅಕೌಂಟ್ ನಲ್ಲಿ ಮೊತ್ತವನ್ನು ಡೆಪಾಸಿಟ್ ಮಾಡಬೇಕಾಗುತ್ತದೆ. ಚಂದಾದಾರಿಕೆಯ ವಾರ್ಷಿಕ ಅಂತ್ಯದಲ್ಲಿ ಗ್ರಾಹಕರಿಗೆ ಹೆಚ್ಚುವರಿ ಕ್ರೆಡಿಟ್ ಆಗಿರುವ ದಿನಗಳು ಲಭ್ಯವಾಗುತ್ತದೆ.