ಗೂಗಲ್‌ನಿಂದ ಮಾತನಾಡುವ ಶೂ

ಕಣ್ಣಿನಲ್ಲೇ ಗ್ಲಾಸ್‌ ಹಾಕಿಕೊಂಡು ಇಂಟರ್‌ನೆಟ್‌ ವ್ಯವಹಾರ ಮಾಡುವ ಗೂಗಲ್‌ ಗ್ಲಾಸ್‌ನ ಸುದ್ದಿಯನ್ನು ನೀವು ಓದಿರಬಹುದು.ಈಗ ಗೂಗಲ್‌ ಮತ್ತೊಂದು ಹೊಸ ಅವಿಷ್ಕಾರ ಮಾಡಿದೆ. ಅಮೆರಿಕ ಮೂಲದ ಇಂಟರ್‌ನೆಟ್‌ ದಿಗ್ಗಗ ಗೂಗಲ್‌ ಮಾತನಾಡುವ ಶೂಗಳನ್ನು ತಯಾರಿಸಿದೆ.

ಒಂದು ಸಣ್ಣ ಕ್ಯಾಮೆರಾ ಮತ್ತು ಎಲೆಕ್ಟ್ರಾನಿಕ್‌ ಉಪಕರಣಗಳನ್ನು ಒಳಗೊಂಡಿರುವ ಈ ಶೂ ತೊಟ್ಟು ನಡೆದಾಡಿದರೆ ಅದು ನಿಮ್ಮೊಂದಿಗೆ ಮಾತನಾಡಲು ತೊಡಗುತ್ತದೆ.ಇಂಟರ್‌ನೆಟ್‌ನಲ್ಲಿ ಟ್ಟೀಟರ್‌, ಗೂಗಲ್‌ ಪ್ಲಸ್‌ನಲ್ಲಿ ಯಾರು ನಿಮ್ಮನ್ನು ಫಾಲೋ ಮಾಡುತ್ತಿದ್ದಾರೆ ಎಂಬುದರಿಂದ ಹಿಡಿದು ಎಲ್ಲಾ ಲೇಟೆಸ್ಟ್‌ ಮಾಹಿತಿಗಳನ್ನು ನೀಡುತ್ತಲೇ ಹೋಗುತ್ತದೆ.

ಇಷ್ಟೇ ಅಲ್ಲದೇ ಗೂಗಲ್‌ ಮ್ಯಾಪ್‌ನ ಸಹಾಯದಿಂದ ನೀವು ಇರುವ ಸ್ಥಳದ ಮಾಹಿತಿಯನ್ನು ನೀಡುತ್ತದೆ. ನೀವು ಎಲ್ಲಿಗಾದ್ರೂ ಹೋಗಬೇಕೆಂದಿದ್ದರೆ ಆ ಸ್ಥಳದ ದಾರಿಯ ಮಾಹಿತಿಯನ್ನು ಈ ಶೂ ನೀಡುತ್ತದೆ.

ಗೂಗಲ್‌ ತನ್ನ ಜಾಹೀರಾತಿಗಾಗಿ ಈ ವಿಶೇಷ ಶೂ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸಿದೆ.ಆದ್ರೆ ಈ ತಂತ್ರಜ್ಞಾನವನ್ನು ಉತ್ಪಾದನೆ ಮಾಡುವುದಿಲ್ಲ ಎಂದು ಗೂಗಲ್‌ ತಿಳಿಸಿದೆ.

ಲಿಂಕ್‌ : 90 ರೂಪಾಯಿಗೆ ಒಂದು ಮೊಬೈಲ್