ವಿಶ್ವದ ಪ್ರಪ್ರಥಮ ಟ್ವೀಟರ್‌ ಹೋಟೆಲ್‌ ಆರಂಭ

By Ashwath

Updated: Wednesday, August 14, 2013, 11:25 [IST]

ಮೈಕ್ರೋಬ್ಲಾಗಿಂಗ್ ತಾಣಗಳಲ್ಲೇ ಅತ್ಯಂತ ಜನಪ್ರಿಯವಾದ ತಾಣ ಟ್ವೀಟರ್‌. ಈಗ ಮತ್ತೆ ಸುದ್ದಿಯಲ್ಲಿದೆ. ಈಗ ಸ್ಪೇನ್‌ನಲ್ಲಿ ವಿಶ್ವದ ಪ್ರಪ್ರಥಮ ಟ್ವೀಟರ್‌ ಹೋಟೆಲ್ ಆರಂಭವಾಗಿದೆ. ಈ ಹೋಟೆಲ್‌ ಸಂಪೂರ್ಣ ಕೆಲಸ ನಡೆಯುವುದು ಟ್ವೀಟರ್‌ನಲ್ಲಿ!

ಕನ್‌ಫ್ಯೂಸ್‌ ಆಗಬೇಡಿ. ಸ್ಪೇನ್‌ ಮೆಜೋರ್ಕಾ ದ್ವೀಪದಲ್ಲಿ @ಸೋಲ್‌ವೇವ್‌ಹೌಸ್‌(@SolWaveHouse) ಎನ್ನುವ ಹೊಸ ಟ್ವೀಟರ್‌ ಹೋಟೆಲ್‌ ಆರಂಭವಾಗಿದೆ. ಈ ಹೋಟೆಲ್‌ನಲ್ಲಿ ಗ್ರಾಹಕರು ತಮಗೆ ಬೇಕಾದ ತಿಂಡಿ ತಿನಿಸುಗಳನ್ನು ಆರ್ಡರ್‌ ಮಾಡುವುದು ಟ್ವೀಟರ್‌ನಲ್ಲಿ. ಅದಕ್ಕಾಗಿ ಎಕ್ಸ್‌ಕ್ಲೂಸಿವ್‌ ಆಗಿ ವಿಶೇಷ ಟ್ವೀಟರ್‌ ಅಪ್ಲಿಕೇಶನ್‌ ತಯಾರಿಸಲಾಗಿದೆ. ಹೋಟೆಲ್‌ ಗ್ರಾಹಕರಾದವರಿಗೆ ಮಾತ್ರ ಈ ಆಪ್‌ ಡೌನ್‌‌‌ಲೋಡ್‌‌‌ ಮಾಡುವಂತೆ ಆಪ್‌ ರೂಪಿಸಿದ್ದು, ವೈಫೈ ಮೂಲಕ ಈ ಆಪ್‌ನ್ನು ಡೌನ್‌ಲೋಡ್‌ ಮಾಡಿ ಗ್ರಾಹಕರು ಬೇಕಾದ ಆಹಾರಗಳನ್ನು ಟ್ವೀಟ್‌ ಮಾಡಿ ಆರ್ಡರ್‌ ಮಾಡಬಹುದುದಾಗಿದೆ.

ಇದರ ಜೊತೆಯಲ್ಲಿ ಈ ಹೋಟೆಲ್‌ನ ಆಂತರಿಕ ಸಂವಹನಕ್ಕಾಗಿ ವಿಶೇಷ ಹ್ಯಾಶ್‌ ಟ್ಯಾಗ್‌ನ್ನು ಬಳಸುವಂತೆ ನಿಯಮ ರೂಪಿಸಿಲಾಗಿದೆ.ಟ್ವೀಟ್‌ ಮಾಡಿದ ಬಳಿಕ ಫೋಟೋ ಕಳುಹಿಸಿ ಟ್ವೀಟರ್‌ನಲ್ಲಿ ಆ ಫೋಟೋಕ್ಕೆ ಮುತ್ತು ನೀಡುವುದಕ್ಕೆ #SocialWave ಟ್ಯಾಗ್‌ ಬಳಸಿ ಮುತ್ತು ನೀಡಬಹುದಾಗಿದೆ. ಇನ್ನೂ ತಿಂಡಿ ಮತ್ತು ಪಾನೀಯಗಳನ್ನು ಆರ್ಡರ್‌ ಮಾಡಬೇಕಾದ್ರೆ ಬೇಕಾದ ತಿಂಡಿಗಳನ್ನು ಟೈಪ್‌ ಮಾಡಿ # SolWaveHouse ಹ್ಯಾಶ್‌ ಟ್ಯಾಗ್‌ ಬಳಸಿ ಟ್ವೀಟ್‌ ಮಾಡಿದ್ರೆ ನೀವು ಇರುವ ಸ್ಥಳಕ್ಕೆ ಸಪ್ಲೈಯರ್‌ ತಿಂಡಿ ತರುತ್ತಾನೆ.

84 ರೂಮ್‌ಗಳು, ಎರಡು ಸ್ವಿಮ್ಮಿಂಗ್‌ ಪೂಲ್‌, ವಿಐಪಿ ಝೋನ್‌,ಉಚಿತ ವೈಫೈ, ಒಂದು ಶಾಪಿಂಗ್‌ ಮಾಲ್‌ ಈ ಸೋಲ್‌ವೇವ್‌ಹೌಸ್‌ ಹೋಟೆಲ್‌ನಲ್ಲಿದೆ. ಹೀಗಾಗಿ ಈ ವಿಶೇಷ ಐಷಾರಾಮಿ ಹೋಟೆಲ್‌ನ ಒಳಗಡೆ ಹೇಗಿದೆ ಎನ್ನುವ ನಿಮ್ಮ ಕುತೂಹಲಕ್ಕೆ ಇಲ್ಲಿ ಆ ಹೋಟೆಲ್‌ನ ಫೋಟೋಗಳನ್ನು ತಂದಿದೆ. ಒಂದೊಂದೆ ಪುಟಗಳನ್ನು ತಿರುಗಿಸಿ ನೋಡಿಕೊಂಡು ಹೋಗಿ.

ಇದನ್ನೂ ಓದಿ: ಲಂಡನ್‌ನಲ್ಲೊಂದು ಟ್ಯಾಬ್ಲೆಟ್‌ ಹೋಟೆಲ್‌

ಸ್ಮಾರ್ಟ್‌‌ಫೋನ್‌ ಮತ್ತು ಟ್ಯಾಬ್ಲೆಟ್‌ಗಳ ಬೆಲೆ ತಿಳಿಯಲು ಇಲ್ಲಿ ಕ್ಲಿಕ್‌ ಮಾಡಿ: ಗ್ಯಾಜೆಟ್ ಹುಡುಕಿ