ಫೇಸ್‌ಬುಕ್‌ಗೆ ಬಂತು ಹ್ಯಾಶ್‌ ಟ್ಯಾಗ್

Posted By:

ಫೇಸ್‌ಬುಕ್‌ನಲ್ಲಿ ಇದುವರೆಗೂ ಟ್ರೆಂಡಿಂಗ್ ವಿಚಾರದ ಪೋಸ್ಟ್‌ನ್ನು ಪತ್ತೆ ಮಾಡವುದು ಕಷ್ಟವಾಗುತಿತ್ತು. ಆದರೆ ಇನ್ನೂ ಮುಂದೆ ನೀವು ಸುಲಭವಾಗಿ ಟ್ರೆಂಡಿಂಗ್‌ ಪೋಸ್ಟ್‌ಗಳನ್ನು ಪತ್ತೆ ಮಾಡಬಹುದು.ಈ ಸಂಬಂಧ ಟ್ವೀಟರ್‌ನಲ್ಲಿ ಇರುವಂತೆ '#' ಟ್ಯಾಗ್‌ನ್ನು ಅಳವಡಿಸಿರುವುದಾಗಿ ಫೇಸ್‌ಬುಕ್‌ ಹೇಳಿದೆ .

ಬಳಕೆದಾರರು ನಿರ್ದಿಷ್ಟ ವಿಚಾರಕ್ಕೆ ಸಂಬಂಧಿಸಿದಂತೆ ತಮ್ಮ ವಾಲ್‌ನಲ್ಲಿ ಅಭಿಪ್ರಾಯವನ್ನು ಬರೆದು ಕೊನೆಗೆ # ಟ್ಯಾಗಿನೊಂದಿಗೆ ಅದು ಯಾವ ವಿಚಾರಕ್ಕೆ ಸಂಬಂಧಿಸಿದ್ದು ಎನ್ನುವುದನ್ನು ಟೈಪ್‌ ಮಾಡಿ ಪೋಸ್ಟ್‌ ಮಾಡಿದ ಅಭಿಪ್ರಾಯವನ್ನು ಉಳಿದವರು ನೋಡಬಹುದು. ಜೂನ್‌ 13, ರಿಂದ ಫೇಸ್‌ಬುಕ್‌ ಈ ಸೇವೆಯನ್ನು ಆರಂಭಿಸಿದ್ದು ' #' ಟ್ಯಾಗ್‌ ಸೇವೆ ಆರಂಭಿಸಿದ್ದು ಮುಂದಿನ ದಿನಗಳಲ್ಲಿ ಇದಕ್ಕೆ ಮತ್ತಷ್ಟು ವಿಶೇಷತೆಗಳನ್ನು ಸೇರಿಸಲಾಗುವುದು ಎಂದು ಫೇಸ್‌ಬುಕ್ ತನ್ನ ನ್ಯೂಸ್‌ರೂಮ್‌ನಲ್ಲಿ ಪ್ರಕಟಿಸಿದೆ.

ಫೇಸ್‌ಬುಕ್‌ಗೆ ಬಂತು ಹ್ಯಾಶ್‌ ಟ್ಯಾಗ್

ಫೇಸ್‌ಬುಕ್‌ನಲ್ಲಿ # ಟ್ಯಾಗನ್ನು ಹೀಗೆ ಬಳಸಿ:

ಉದಾಹರಣೆಗೆ ಐಪಿಎಲ್‌ ಸ್ಪಾಟ್ ಫಿಕ್ಸಿಂಗ್‌ ಅಭಿಪ್ರಾಯ ಎಲ್ಲರಿಗೂ ತಿಳಿಯಬೇಕು ಎಂದು ಭಾವಿಸಿದ್ದಲ್ಲಿ ಈ ವಿಚಾರಕ್ಕೆ ಸಂಬಂಧಿಸಿದಂತೆ ನಿಮ್ಮ ಅಭಿಪ್ರಾಯ ಬರೆದು ಕೊನೆಗೆ "# ಐಪಿಎಲ್‌ ಸ್ಪಾಟ್ ಫಿಕ್ಸಿಂಗ್‌" ಎಂದು ಟೈಪ್‌ ಮಾಡಿ ಪೋಸ್ಟ್‌ ಮಾಡಿದರಾಯಿತು. ಈ ವಿಚಾರ ಫೇಸ್‌ಬುಕ್‌ನಲ್ಲಿರುವ ಉಳಿದವರು ನೋಡಬೇಕು ಎಂದು ಅನಿಸಿದ್ದಲ್ಲಿ ಅವರು " # ಐಪಿಎಲ್‌ ಸ್ಪಾಟ್ ಫಿಕ್ಸಿಂಗ್‌" ಹ್ಯಾಶ್‌ ಟ್ಯಾಗ್‌ನ ಮೇಲೆ ಕ್ಲಿಕ್‌ ಮಾಡಿದಾರಾಯಿತು. ಆಗ ಇದುವರೆಗೂ "# ಐಪಿಎಲ್‌ ಸ್ಪಾಟ್ ಫಿಕ್ಸಿಂಗ್‌" ಎನ್ನುವ ಹೆಸರಿನಲ್ಲಿ ಯಾರೆಲ್ಲ ತಮ್ಮ ಅಭಿಪ್ರಾಯಗಳನ್ನು ಪೋಸ್ಟ್‌ ಮಾಡಿದ್ದಾರೋ ಅವರ ಪೋಸ್ಟ್‌ಗಳು ಫೇಸ್‌ಬುಕ್‌ನಲ್ಲಿ ಕಾಣುತ್ತವೆ.

Please Wait while comments are loading...
Opinion Poll

Social Counting

ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot