ಗೂಗಲ್ ಜೊತೆ ಸೇರಿದ ಜಿಯೋ: ಮುಂದಿನ ಪ್ಲಾನ್‌ ಕೇಳಿದ್ರೆ ಶಾಕ್ ಆಗ್ತಿರಾ..!!

ಸ್ಮಾರ್ಟ್ ಸಾಫ್ಟ್‌ವೇರ್:

ಇದೇ ಏಪ್ರೀಲ್‌ನಲ್ಲಿ ಜಿಯೋ ಕಡಿಮೆ ವೆಚ್ಚದಲ್ಲಿ ಅತೀ ಹೆಚ್ಚಿನ ಲಾಭ ನೀಡುವಂತಹ ಡಿಟಿಹೆಚ್ ಸೇವೆಯನ್ನು ಆರಂಭಿಸುವ ತವಕದಲ್ಲಿದ್ದು, ಈ ಹಿನ್ನಲೆಯಲ್ಲಿ ಸಾಮಾನ್ಯ ಟಿವಿಗಳನ್ನು ಸ್ಮಾರ್ಟ್ ಆಗುವಂತೆ ಮಾಡಲು ಸಾಫ್ಟ್‌ವೇರ್‌ವೊಂದನ್ನು ಗೂಗಲ್ ನೊಂದಿಗೆ ಸೇರಿ ತಯಾರಿಸಲಿದೆ ಎನ್ನುವ ಮಾತುಗಳು ಕೇಳಿಬಂದಿದೆ.

ಸ್ಮಾರ್ಟ್‌ ಸೆಟಪ್‌ಬಾಕ್ಸ್:

ಜಿಯೋ ಆರಂಭಿಸಲಿರುವ ಡಿಟಿಹೆಚ್ ಸೇವೆಗೆ ಗೂಗಲ್ ಹೊಸದೊಂದು ಸಾಫ್ಟ್‌ವೇರ್ ನಿರ್ಮಿಸಿಕೊಡಲಿದ್ದು, ಇದರ ಸಹಾಯದಿಂದ ಜಿಯೋ ಸ್ಮಾರ್ಟ್‌ ಸೆಟಪ್‌ಬಾಕ್ಸ್ ಅನ್ನು ಚೀನಾ ಮೂಲದ ಕಂಪನಿಯ ಸಹಭಾಗಿತ್ವದಲ್ಲಿ ತಯಾರಿಸಲಿದೆ ಎನ್ನಲಾಗಿದ್ದು, ಡಿಟಿಹೆಚ್‌ ಲೋಕದಲ್ಲಿಯೂ ಹೊಸದೊಂದು ಕ್ರಾಂತಿಯನ್ನು ನಡೆಸಲಿದೆ ಎನ್ನಲಾಗಿದೆ.

ಜಿಯೋ ಆಪ್‌ ಅಭಿವೃದ್ಧಿ:

ಗೂಗಲ್ ಸಂಸ್ಥೆಯೂ ದೇಶದಲ್ಲಿ ಜಿಯೋ ಸೇವೆಯನ್ನು ಮತ್ತಷ್ಟು ಹೆಚ್ಚಿಸಲು ಮುಂದಾಗಲಿದ್ದು, ಜನರು ಹೆಚ್ಚಿನ ಡೇಟಾ ಬಳಕೆ ಮಾಡಿದಷ್ಟು ಗೂಗಲ್ ಗೆ ಲಾಭವಾಗುವ ಹಿನ್ನಲೆಯನ್ನ ಜಿಯೋ ಹೆಚ್ಚಿನ ಡೇಟಾವನ್ನು ಜನರಿಗೆ ತಲುಪಿಸುವಲ್ಲಿ ಗೂಗಲ್ ನೆರವಾಗಲಿದೆ. ಈ ಹಿನ್ನಲೆಯಲ್ಲಿ ಆಂಡ್ರಾಯ್ಡ್ ಪಾಟ್‌ಫಾರ್ಮ್‌ನಲ್ಲಿ ಜಿಯೋ ಆಪ್‌ ಅನ್ನು ಹೆಚ್ಚಿನ ರೀತಿಯಲ್ಲಿ ಅಭಿವೃದ್ಧಿ ಪಡಿಸಲು ಗೂಗಲ್ ನೆರವಾಗಲಿದೆ.

4G VoLTE ಅಭಿವೃದ್ಧಿ:

ಜಿಯೋ ಜೊತೆಗೂಡಲಿರುವ ಗೂಗಲ್, 4G VoLTE ಸಫೋರ್ಟ್ ಮಾಡುವ ಸ್ಮಾರ್ಟ್‌ಪೋನುಗಳನ್ನು ಅಭಿವೃದ್ಧಿಪಡಿಸಲಿದೆ. ಇದಲ್ಲದೇ ಗೂಗಲ್ ಭಾರತೀಯ ಮಾರುಕಟ್ಟೆಯನ್ನು ಟಾರ್ಗೆಟ್ ಮಾಡಿಕೊಂಡು ಕಡಿಮೆ ಬೆಲೆಯ ಸ್ಮಾರ್ಟ್‌ಪೋನು ಬಿಡುಗಡೆ ಮಾಡುವ ಗುರಿಯನ್ನು ಇಟ್ಟುಕೊಂಡಿದೆ. ಈ ಹಿನ್ನಲೆಯಲ್ಲಿ ಜಿಯೋ ಜೊತೆಗೆ ಸೇರಿ ಹೊಸ ಪೋನುಗಳನ್ನು ಅಭಿವೃದ್ಧಿಪಡಿಸಲಿವೆ.