ಜಿಯೋ ಗ್ರಾಹಕರೇ ನೀವು ಈಗಾಗಲೇ 303 ರೂ, ರೀಚಾರ್ಜ್ ಮಾಡಿಸಿದ್ದೀರಾ..? ಹಾಗಿದ್ರೇ ಈ ಸ್ಟೋರಿ ಓದಲೇಬೇಕು..!!

ಒಂದು ಕೊಂಡರೆ ಮೂರು ಉಚಿತ

ಇದೇ ಸಂದರ್ಭದಲ್ಲಿ ಜಿಯೋ ನಿರೀಕ್ಷೆಗೂ ಮೀರಿದಂತೆ ಸುಮಾರು 72 ಮಿಲಿಯನ್‌ಗೂ ಅಧಿಕ ಮಂದಿ ಜಿಯೊ ಪ್ರೈಮ್ ಸದಸ್ಯತ್ವವನ್ನು ಪಡೆದುಕೊಂಡ ಕಾರಣ, ಮುಖೇಶ್ ಅಂಬಾನಿ ತಮ್ಮನ್ನು ನಂಬಿ ಬಂದ ಗ್ರಾಹಕರಿಗಾಗಿ ಸಮ್ಮರ್ ಸರ್ಪ್ರೈಸ್ ಆಫರ್ ಹೆಸರಿನಲ್ಲಿ ಒಂದನ್ನು ಆಫರ್ ಕೊಂಡರೆ ಮೂರು ಉಚಿತವಾಗಿ ನೀಡುವುದಾಗಿ ಹೇಳಿ ಸಮ್ಮರ್ ಸರ್ಪ್ರೈಸ್ ಆಫರ್ ಘೋಷಣೆ ಮಾಡಿದರು.

ಸಮ್ಮರ್ ಸರ್ಪ್ರೈಸ್ ಆಫರ್ ರೀಚಾರ್ಜ್ ಮಾಡಿಸಿದವರು:

ಈ ಹೊಸ ಆಫರ್ ನಿಂತ ಹೆಚ್ಚಿನ ನಷ್ಟಕ್ಕೆ ಗುರಿಯಾದ ಕಂಪನಿಗಳು ಜಿಯೋ ವಿರುದ್ಧ ಟ್ರಾಯ್‌ಗೆ ದೂರು ನೀಡಿದ್ದಲ್ಲದೇ ಜಿಯೋ ನೀಡಲು ಮುಂದಾಗಿದ್ದ ಸಮ್ಮರ್ ಸರ್ಪ್ರೈಸ್ ಆಫರ್ ಗೆ ಕತ್ತರಿ ಹಾಕುವಲ್ಲಿ ಯಶಸ್ವಿಯಾದವು. ಟ್ರಾಯ್ ಆದೇಶಕ್ಕೆ ತಲೆಭಾಗಿದ ಜಿಯೋ ತನ್ನ ಸಮ್ಮರ್ ಸರ್ಪ್ರೈಸ್ ಆಫರ್ ಹಿಂಪಡೆಯಿತು. ಆದರೇ ಅಷ್ಟೋತ್ತಿಗೆ 72 ಮಿಲಿಯನ್ ಪ್ರೈಮ್ ಸದಸ್ಯರಲ್ಲಿ ಅನೇಕ ಮಂದಿ ಸಮ್ಮರ್ ಸರ್ಪ್ರೈಸ್ ಆಫರ್ ರೀಚಾರ್ಜ್ ಮಾಡಿಸಿಕೊಂಡಿದ್ದರು.

ಉತ್ತರ ನೀಡಿದ ಜಿಯೋ

ಟ್ರಾಯ್ ಆದೇಶದಂತೆ ಸಮ್ಮರ್ ಸರ್ಪ್ರೈಸ್ ಆಫರ್ ಹಿಂಪಡೆದ ಜಿಯೋ, ತನ್ನ ಗ್ರಾಹಕರಿಗಾಗಿಯೇ ಹೊಸದಾಗಿ ಧನ್ ಧನಾ ಧನ್ ಆಫರ್ ನೀಡಿತು. ಹೊಸ ಆಫರ್ ಬಂದಿತು ಸರಿ ಆದರೆ ಈ ಹಿಂದೆ ರಿಚಾರ್ಜ್ ಮಾಡಿಸಿದವರು ಏನು ಮಾಡುವುದು ಎನ್ನುವ ಹೊಸ ದೊಂದು ಪ್ರಶ್ನೆಯನ್ನು ಹುಟ್ಟಿಹಾಕಿತು. ಈ ಪ್ರಶ್ನೆಗೆ ಜಿಯೋ ವೆಬ್ ಸೈಟ್‌ನಲ್ಲಿ ಉತ್ತರ ದೊರೆಕಿದೆ.

ಹೊಸದಾಗಿ ರೀಚಾರ್ಜ್ ಮಾಡಿಸಿಕೊಳ್ಳುವ ಅಗತ್ಯವಿಲ್ಲ:

ಈಗಾಗಲೇ 303 ರೂ. ನೀಡಿ ಜಿಯೋ ಸಮ್ಮರ್ ಸರ್ಪ್ರೈಸ್ ಆಫರ್ ಪಡೆದವರು ಹೊಸದಾಗಿ ರೀಚಾರ್ಜ್ ಮಾಡಿಸಿಕೊಳ್ಳುವ ಅಗತ್ಯವಿಲ್ಲ. ಈ ಹಿಂದಿನಂತೆ ಅವರು ಮೂರು ತಿಂಗಳ ಉಚಿತ ಸೇವೆಯನ್ನು ಪಡೆದುಕೊಳ್ಳಲು ಅರ್ಹರಾಗಿರುತ್ತಾರೆ. ಜಿಯೋ ಈಗಾಗಲೇ ರೀಚಾರ್ಜ್ ಮಾಡಿಸಿಕೊಂಡವರಿಗೆ ಮೂರು ತಿಂಗಳ ಉಚಿತ ಸೇವೆಯನ್ನು ಖಂಡಿತವಾಗಿಯೂ ನೀಡಲಿದೆ.

ಯಾರು ಮಾಡಿಸಿಲ್ಲ ಅವರು ಮಾತ್ರ:

ಯಾರು ಈ ಸಮ್ಮರ್ ಸರ್ಪ್ರೈಸ್ ಆಫರ್ ರಿಚಾರ್ಜ್ ಮಾಡಿಸಿಕೊಂಡಿಲ್ಲ ಅವರು ಮಾತ್ರ ಹೊಸದಾಗಿ 309 ರೂ. ನೀಡಿ ಧನ್ ಧನಾ ಧನ್ ಆಫರ್ ಗೆ ಪಡೆದುಕೊಳ್ಳಬೇಕಾಗಿದೆ. ಹೊಸ ಆಫರ್ ಲಾಭ ಪಡೆಯಬಹುದಾಗಿದೆ.