ಭಾರತದಲ್ಲಿ ವಾಯುಮಾಲಿನ್ಯದಿಂದ ಪ್ರತಿ ನಿಮಿಷಕ್ಕೆ ಎರಡು ಸಾವು: ಸುರಕ್ಷಿತರಾಗಿರುವುದು ಹೇಗೆ..?

ಕ್ಯಾನ್ಸರ್‌ಗೆ ಕಾರಣ:

ಈ ವಾಯು ಮಾಲಿನ್ಯವು ಶ್ವಾಸಕೋಶ ಕ್ಯಾನ್ಸರ್‌ಗೆ ಕಾರಣವಾಗುತ್ತಿದ್ದು, ಇದರಿಂದ ಪುಟ್ಟ ಮಕ್ಕಳಲ್ಲಿ, ಹಿರಿಯರಲ್ಲಿ ಮತ್ತು ಗರ್ಭಿಣಿ ಮಹಿಳೆಯರ ಆರೋಗ್ಯದ ಹೆಚ್ಚಿನ ದುಷ್ಪರಿಣಾಮವನ್ನು ಉಂಟು ಮಾಡುತ್ತಿದೆ. ಈ ಹಿನ್ನಲೆಯಲ್ಲಿ ವಾಯು ಮಾಲಿನ್ಯ ಸುರಕ್ಷಿತವಾಗಿರುವುದು ಹೇಗೆ ಎಂಬುದನ್ನು ನೋಡುವುದಾದರೆ.

ಮಾಸ್ಕ್ ಬಳಕೆ ಮಾಡಿ:

ಸದ್ಯ ಹೆಚ್ಚಿರುವ ವಾಯು ಮಾಲಿನ್ಯದಿಂದ ನಮ್ಮನ್ನು ನಾವು ರಕ್ಷಿಸಿಕೊಳ್ಳಲು ಮಾಸ್ಕ್‌ಗಳನ್ನು ಬಳಸಬಹುದಾಗಿದೆ, ಸದ್ಯ ಮಾರುಕಟ್ಟೆಯಲ್ಲಿ ಇವು ದೊರೆಯಲಿದ್ದು, ಅನ್‌ಲೈನ್ ಶಾಪಿಂಗ್ ತಾಣಗಳಾದ ಅಮೆಜಾನ್ ಮತ್ತು ಫ್ಲಿಪ್‌ಕಾರ್ಟ್ ನಲ್ಲಿ ಇವು ಲಭ್ಯವಿದೆ.

ಯಾವ ಬ್ರಾಂಡ್‌ನ ಮಾಸ್ಕ್ ಖರೀದಿಸುವ ಮುನ್ನ PM2.5 filtration ಎಂದು ನಮೂದಿಸಿರುವ ಮಾಸ್ಕ್‌ಗಳನ್ನು ಖರೀದಿಸಿ, ಇದು ಗಾಳಿಯಲ್ಲಿರುವ ಧೂಳು, ಕೆಲ ರಾಸಾಯನಿಕಗಳು ನಿಮ್ಮ ದೇಹವನ್ನು ಸೇರದಂತೆ ತಡೆಯಲಿದೆ.

ಏರ್‌ ಪ್ಯೂರಿಫೈಯರ್‌ಗಳು:

ಸದ್ಯ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಹೊಸ ತಂತ್ರಜ್ಞಾನಗಳಲ್ಲಿ ಭವಿಷ್ಯದಲ್ಲಿ ಬಳಸಲೇ ಬೇಕಾದುವಳಗಲ್ಲಿ ಒಂದಾದ ಏರ್‌ ಪ್ಯೂರಿಫೈಯರ್‌ಗಳು ಇಂದು ತಮ್ಮ ಅವಶ್ಯತೆಯನ್ನು ಸಾರಿ ಹೇಳುತ್ತಿವೆ. ಪ್ರಮುಖ ಕಂಪನಿಗಳು ಈ ಸಾಧನದ ತಯಾರಿಕೆಯಲ್ಲಿ ತೊಡಗಿಕೊಂಡಿವೆ.

ಈ ಹಿನ್ನಲೆಯಲ್ಲಿ ಸದ್ಯ ಮಾರುಕಟ್ಟೆಯಲ್ಲಿ ಏರ್‌ ಪ್ಯೂರಿಫೈಯರ್ 10,000 ರೂ.ಗಳಿಂದ ಶುರುವಾಗಲಿದ್ದು, ಕಡಿಮೆ ಬೆಲೆಯ ಏರ್‌ ಪ್ಯೂರಿಫೈಯರ್‌ಗಳು ಕೇವಲ ಒಂದು ರೂಮಿನ ವಾತಾವರಣದಲ್ಲಿರುವ ಗಾಳಿಯನ್ನು ಶುದ್ಧಗೊಳಿಸಲಿದೆ.

ಸದ್ಯ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಬ್ಲೂಏರ್‌ ಕಂಪನಿಯ ಏರ್‌ ಪ್ಯೂರಿಫೈಯರ್‌ಗಳು 22,000 ದಿಂದ 55,000 ರೂಗಳ ವರೆಗೂ ಲಭ್ಯವಿದೆ. ಇದಲ್ಲದೇ ಕ್ಸಿಯೋಮಿ ಕಂಪನಿಯೂ ಏರ್‌ ಪ್ಯೂರಿಫೈಯರ್‌ಗಳನ್ನು ಬಿಡುಗಡೆಗೊಳಿಸಿದೆ. ಇದರಿಂದ ನಿಮ್ಮ ಮನೆಯ ವಾತಾವರಣವನ್ನು ಶುದ್ಧಗೊಳಿಸಗೊಳಬಹುದಾಗಿದೆ.