ಶ್ಯೋಮಿ ಎಮ್ಐ 4 ಮೇಲೆ ಅದ್ಭುತ ದರಕಡಿತ

ಭಾರತದಲ್ಲಿ ತನ್ನ ಪ್ರಥಮ ವರ್ಷದ ಸಂಭ್ರಮಾಚರಣೆಯನ್ನು ಶ್ಯೋಮಿ ಆಚರಿಸುತ್ತಿದ್ದು ತನ್ನ ಉತ್ಪನ್ನಗಳ ಮೇಲೆ ಅದ್ಭುತ ರಿಯಾಯಿತಿಯನ್ನು ಇದು ಒದಗಿಸುತ್ತಿದೆ. ಎಮ್ಐ 4 ಮೇಲೆ ಅದ್ಭುತ ದರಕಡಿತ ಕೊಡುಗೆಯನ್ನು ಕಂಪೆನಿ ಘೋಷಿಸಿದ್ದು, ಇತ್ತೀಚೆಗೆ ಲಾಂಚ್ ಮಾಡಿರುವ ಎಮ್ಐ 4 ನ 32 ಜಿಬಿ ಆವೃತ್ತಿಯನ್ನು ಆಕರ್ಷಕ ದರದೊಂದಿಗೆ ಹೆಡ್‌ಫೋನ್ ಕೊಡುಗೆಯೊಂದಿಗೆ ಘೋಷಿಸಿದೆ.

ಇನ್ನು ತನ್ನ ಸಂಭ್ರಮಾಚರಣೆಗೆ ಇನ್ನಷ್ಟು ಮೆರುಗನ್ನು ನೀಡುವುದಕ್ಕಾಗಿ, ಎಮ್ಐ 4 64 ಜಿಬಿ ಆವೃತ್ತಿಯ ಮೇಲೆ ವಿಶೇಷ ಕೊಡುಗೆಯನ್ನು ಕಂಪೆನಿ ಘೋಷಿಸಿದ್ದು ರೂ 2,000 ದರಕಡಿತ ಕೊಡುಗೆಯನ್ನು ನೀಡುತ್ತಿದೆ. ಈ ಆಫರ್ ಇಂದು ಮಾತ್ರ ನಡೆಯುತ್ತಿದೆ. ಅಂದರೆ ಫ್ಲಿಪ್‌ಕಾರ್ಟ್‌ನಲ್ಲಿ ಫೋನ್ ಬೆಲೆ ರೂ 17,999 ಆಗಿದೆ. ಶ್ಯೋಮಿ ಎಮ್ಐ 4, 64 ಜಿಬಿ ಆವೃತ್ತಿಯನ್ನು 23,999 ಕ್ಕೆ ಲಾಂಚ್ ಮಾಡಿತ್ತು. ನಂತರ ಬೆಲೆಯನ್ನು 21,999 ಮತ್ತು 19,999 ಕ್ಕೆ ಇಳಿಸಿತ್ತು.

ಓದಿರಿ: ಆನ್‌ಲೈನ್‌ನಲ್ಲಿ ಗೋಲ್ಮಾಲ್ ಐಫೋನ್ ಬದಲಿಗೆ ಪ್ರೆಶ್ಶರ್ ಕುಕ್ಕರ್

ಹೆಚ್ಚುವರಿಯಾಗಿ ಫ್ಲಿಪ್‌ಕಾರ್ಟ್ ಫೋನ್ ಮೇಲೆ ವಿನಿಮಯ ಕೊಡುಗೆಯನ್ನು ಚಾಲನೆ ಮಾಡುತ್ತಿದ್ದು, ಎಮ್ಐ 4 64 ಜಿಬಿ ಆವೃತ್ತಿಯನ್ನು ರೂ 12,999 ಕ್ಕೆ ಮಾರಾಟ ಮಾಡುತ್ತಿದೆ. ಈ ಆಫರ್ ಅಡಿಯಲ್ಲಿ ವಿನಾಯಿತಿ ದರ ಎಮ್ಐ 4 ವಿರುದ್ಧ ನೀಡಿರುವ ಸ್ಮಾರ್ಟ್‌ಫೋನ್ ಆಧರಿಸಿದೆ.

ಓದಿರಿ: ಮೈಕ್ರೋಸಾಫ್ಟ್ ಕೋರ್ಟಾನಾ: ತಿಳಿದುಕೊಳ್ಳಬೇಕಾದ ಅಂಶಗಳೇನು?

ಎಮ್ಐ 4, 5 ಇಂಚಿನ ಪೂರ್ಣ ಎಚ್‌ಡಿ 1080 ಪಿ ಡಿಸ್‌ಪ್ಲೇಯೊಂದಿಗೆ ಬಂದಿದ್ದು, 2.5GHz ಸ್ನ್ಯಾಪ್‌ಡ್ರಾಗನ್ 801 ಕ್ವಾಡ್ ಕೋರ್ ಪ್ರೊಸೆಸರ್ ಇದರಲ್ಲಿದೆ. 3 ಜಿಬಿ RAM ಅನ್ನು ಡಿವೈಸ್ ಪಡೆದುಕೊಂಡಿದ್ದು 13 ಮೆಗಾಪಿಕ್ಸೆಲ್ ರಿಯರ್ ಕ್ಯಾಮೆರಾ ಇದರಲ್ಲಿದೆ. 8 ಮೆಗಾಪಿಕ್ಸೆಲ್ ಮುಂಭಾಗ ಕ್ಯಾಮೆರಾವನ್ನು ಡಿವೈಸ್ ಹೊಂದಿದ್ದು ಇತರ ವೈಶಿಷ್ಟ್ಯತೆಗಳಾದ ವೈಫೈ, ಬ್ಲ್ಯೂಟೂತ್ ಮತ್ತು 3,080mAh ಬ್ಯಾಟರಿ ಇದರಲ್ಲಿದೆ. ಆಂಡ್ರಾಯ್ಡ್ ಕಿಟ್‌ಕ್ಯಾಟ್ ಆವೃತ್ತಿಯನ್ನು ಡಿವೈಸ್ ಪಡೆದುಕೊಂಡಿದ್ದು ಶ್ಯೋಮಿ MIUI 6.0 ಇದರಲ್ಲಿದೆ.