ಫ್ಲಿಪ್‌ಕಾರ್ಟ್‌ನೊಂದಿಗೆ ಒಪ್ಪಂದ ಮುರಿದುಕೊಂಡ ಶ್ಯೋಮಿ

ಚೀನಾದ ಸ್ಮಾರ್ಟ್‌ಫೋನ್ ತಯಾರಿಕಾ ಕಂಪೆನಿ ಶ್ಯೋಮಿ ಭಾರತದಲ್ಲಿ ಹೊಸ ಇ ಕಾಮರ್ಸ್ ಪಾಲುದಾರನಿಗಾಗಿ ಎದುರು ನೋಡುತ್ತಿದ್ದು, ಫ್ಲಿಪ್‌ಕಾರ್ಟ್ ಅನ್ನು ಸ್ಥಾನಾಂತರಿಸಿ ಅದರ ಜಾಗಕ್ಕೆ ಬೇರೊಂದು ಆನ್‌ಲೈನ್ ಪಾಲುದಾರರನ್ನು ಕರೆತರುವ ಉದ್ದೇಶದಲ್ಲಿದೆ.

ಇನ್ನು ಸುದ್ದಿಗಳ ಪ್ರಕಾರ ಕಂಪೆನಿ ಈ ಕುರಿತಾಗಿ ಸ್ನ್ಯಾಪ್‌ಡೀಲ್ ಜೊತೆಗೆ ಮಾತುಕತೆ ನಡೆಸಿದ್ದು ತನ್ನ ವಿಶೇಷ ಅಂತರ್ಜಾಲ ಪಾಲುದಾರನಾಗಿ ಈ ಸೈಟ್ ಅನ್ನು ನೇಮಿಸುವ ನಿರ್ಧಾರದಲ್ಲಿದೆ.

ಇದನ್ನೂ ಓದಿ: ಇಂಟರ್ನೆಟ್ ಸೌಲಭ್ಯವಿಲ್ಲದೆ ಅಪಾಯದಿಂದ ಪಾರಾಗುವುದು ಹೇಗೆ?

ತನ್ನ ಉತ್ಪನ್ನಗಳು ಇತ್ತೀಚಿನ ದಿನಗಳಲ್ಲಿ ಪಾತಾಳ ಕಾಣುತ್ತಿರುವುದು ಅಲ್ಲದೆ ಫ್ಲಿಪ್‌ಕಾರ್ಟ್ ಈ ವಿಷಯದಲ್ಲಿ ಯಾವುದೇ ತೀರ್ಮಾನಗಳನ್ನು ಕೈಗೊಳ್ಳದೇ ಇರುವುದು ಶ್ಯೋಮಿಗೆ ಇರಿಸು ಮುರಿಸನ್ನು ಉಂಟು ಮಾಡುತ್ತಿದೆ ಎಂಬುದು ಮೇಲ್ನೋಟಕ್ಕೆ ಕಂಡುಬರುತ್ತಿದೆ.

ಇದನ್ನೂ ಓದಿ: ಹೆಚ್ಚು ನಿರೀಕ್ಷಿತ ಐಓಎಸ್ 9 ನಲ್ಲಿ ಏನೆಲ್ಲಾ ಇದೆ ಗೊತ್ತೇ?

ತಮ್ಮ ಎಮ್ಐ 3 ಸ್ಮಾರ್ಟ್‌ಫೋನ್ ಮೂಲಕ ಭಾರತದ ಮಾರುಕಟ್ಟೆಯನ್ನು ಪ್ರವೇಶಿಸಿರುವ ಶ್ಯೋಮಿ ರೆಡ್ಮೀ 1 ಎಸ್, ರೆಡ್ಮೀ ನೋಟ್ 4ಜಿ, ಎಮ್ಐ 4, ಮತ್ತು ರೆಡ್ಮೀ 2 ಸ್ಮಾರ್ಟ್‌ಫೋನ್‌ಗಳ ಮೂಲಕ ಹೊಸ ಇತಿಹಾಸವನ್ನೇ ಬರೆಯಿತು.

ಸ್ಮಾರ್ಟ್‌ಫೋನ್ ಕ್ಷೇತ್ರದಲ್ಲಿ ದೊಡ್ಡ ಆಟಗಾರನೆಂದೇ ಖ್ಯಾತಿವೆತ್ತಿರುವ ಶ್ಯೋಮಿ, ಫ್ಲಿಪ್‌ಕಾರ್ಟ್ ಜೊತೆಗೂಡಿ ಇನ್ನಷ್ಟು ಜಾದೂ ಮಾಡುವ ಸನ್ನಾಹದಲ್ಲಿತ್ತು.